Конференција: Историјата може и да зближува

Конференција: Историјата може и да зближува

ОдЗдружение МИРОВНА АКЦИЈА Прилеп

Конференцијата „Историјата може и да зближува“ е завршен настан во рамките на проектот „Толкување на заедничката историја на современото време“. Овој настан, иако е завршна активност, е всушност првиот во рамките на овој проект, кој се реализираше на отворено и во живо. На 27 мај 2021, во паркот на Младинскиот културен центар во Скопје, се сретнавме со проектната група на наставници и наставнички по историја, но исто така и со претставници од граѓански организации, поддржувачи и институции од земјава.

Оваа конференција зближи многу различни луѓе, беше исклучително инспиративна и опфати различни аспекти преку кои можеме да ја толкуваме историјата. Настанот беше поделен во три блокови со простор за прашања, одговори и дискусија.

„Историја во единаесет цитати“ беше излагањето на Петруш Тоинес, кој на многу инспиративен начин ја предизвика публиката и присутните да размислуваат на неколку клучни прашања: дали навистина холокаустот е тешка тема за разработка, зошто историјата од независноста на земјава па до денес не постои во учебниците, нема ли ништо за 2001ва и како тоа ништо не е променето во програмите за историја од 2005?

„За да дојдеме до тука, претходел долг процес на работа… Преку германската програма Цивилен мировен сервис, работиме со Мировна акција од 2008. За мене, ова е мозаик. Сеуште ја немаме целосната слика, но овој процес се надоврзува кон мозаикот. Сега Ви се обраќам Вам. Вие секогаш имате некој покрај вас кој ќе се погрижи, овој процес ќе биде скроен за Вашите потреби, некој што ќе се погрижи Вашиот глас да биде слушнат. Ние сме тука да Ви подадеме рака и заеднички да го осмислиме тоа„ – истакна Бенџамин Блекнер, Регионален координатор за Западен Балкан, Курве, Вустров, Центар за тренинг и вмрежување за ненасилна акција.

Во вториот блок од конференцијата, беа презентирани проектинте достигнувања. Така, професорите и професорките вклучени во проектот зборуваа за процесот на изградба на капацитети, дијалошките средби и креирањето на практикум за реализација на вон наставни активности по предметот историја. Вон наставните активности беа реализирани во етнички мешани групи од ученици и ученички во соработка со по 3 или 4 училишта. Беа опфатени основни и средни училишта во 4 групи кои работеа на следниве теми: Политиката е женски род, Жени во Македонија – жени хероини, И тие се наши херои (се мисли на фудбалската репрезентација) и Мултукултурен календар. Во овој блок беа презентирани и наодите од анализата на учебниците по историја.

Во третиот блок од конференцијата, имавме гости од земји од Европската унија, на темите: Искуства од ЕУ – Латвија, како до современо предавање на историјата? – излагање имаше Лаура Лаумберга – Николова, професорка по историја и Стивен Стигерст, Директор од ЕУРОКЛИО кој имаше излагање на тема: Толкување на историјата во 21 век, предизвици за наставниот кадар и научени лекции.

Целиот настан е достапен на Youtube каналот на Мировна акција https://www.youtube.com/watch?v=pHI-0lrNPvQ

За оваа конференција, интерес покажаа две телевизии. 24 Вести, каде гостување на утринска емисија имаше мировниот работник Горан Талески од Мировна акција и изјави од наставниците и АНИМ зеде телевизија Сител.

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор