ГЕШТАЛТ ЦЕНТАР Младен Костиќ АСПЕКТИ – Скопје
Објавено: 22/06/2017
Вкупен буџет: 1.999.750 МКД
Времетраење: 01.05.2017 – 31.07.2018
ГЕШТАЛТ ЦЕНТАР Младен Костиќ АСПЕКТИ е здружение кое првично беше регистрирано како Асоцијација за креативен развој, психотерапија и едукација. Мотивацијата за нејзиното основање произлезе од потребата да им се помогне на граѓаните во промена на свесноста за значењето на психосоцијалното здравје преку креативна адаптација во услови на брзи општествено-економски промени во заедницата, со хуманистички и едукативен пристап. Нашата визија е нашиот центар да биде значаен фактор во општествената заедница кој преку своите едукативни, искуствени, истражувачки, советодавни и други активности ќе придонесе кон зголемување на свесноста на граѓаните за потребата од психосоцијална подршка во насока на поквалитетен соживот. Нашата мисија е грижа и афирмација за психосоцијалното здравје на сите категории на граѓани (без дискриминација) за да се надминуваат стереотипите и предрасудите во однос на психолошкото советување и психотерапија; приближување на истите кон граѓаните преку едукативни, искуствени советодавни активности во насока на превенција и унапредување на квалитетот на живеење. Методите на работа се искуствени, доживувачки, интерактивни во групи или со индивидуалци, дискусии, трибини, презентации, работилници. Основната дејност е советодавна и едукативна во насока на зголемена свесност за себе и зголемена свесност за другите.
Конституенти
Членови и волонтери на здружението, корисници на здружението и соработници.
Претходно искуство
- Младите помеѓу политичката дихотомија со арт експресија во надминување на ригидноста и говорот на омразата
- Психолошка поддршка и стрес менаџмент на мобилните тимови кои даваат помош на мигрантите
- Градење на професионален пристап – идентификација, упатување и асистенција на високо ризични случаи меѓу мигрантите и бегалците
За проектот поддржан од Цивика мобилитас
младинска кампања за говор на почитување наспроти говор на омраза
За што е потребна акцијата
Оваа акцијата е инспирирана од случувањата во нашата држава во последните неколку години кои се проследени со многу протести, политички кампањи, постизборни протести и акции кои се исполнети со говор на омраза, нетрпеливост, агресија и деструкција. Тоа го поттикнува насилството и омразата меѓу граѓаните, и ги дели на разни видови на поделби. Оваа акција има за цел промоција, заштита и практикување на слободата на здружување и изразување на граѓаните преку младите со што превентивно ќе се делува пред ескалирање на ситуацијата во државата во сериозна социјална криза.
ЦЕЛИ И РЕЗУЛТАТИ
Општа цел– Да се развие медиумска кампања за развивање на свесноста кај младите и граѓаните дека говорот на омраза ги дискриминира, ги зголемува тензиите и создава социјална криза .
Специфична цел– Да се покрене и развие поголема национална кампања во сите сфери на живеење и промоција на позитивните вредности; да се вклучат со поголема масовност млади лица кои ќе развиваат свесност дека говорот на омраза ја засилува социјалната криза во државата – превентивно делување; да се поттикне свесност и акција кај младите дека се носители на идните промени во општеството и да се развива свесност кај младите за формирање лични ставови кои ќе ги заштитат од манипулација.
Резултати
- Развиена кампања преку билборди, анимации, печатени материјали и кампања на социјални мрежи. Активен пристап преку реакции, форуми и фидбек. Создадена рекламна мрежа која ќе ја промовира кампањата.
- Создадена мрежа на младински и други организации како соработници кои ќе регрутираат млади лица за позитивно влијание врз граѓаните посебно младите на терен.
- Размена на искуства преку дебати по градовите кои ќе вклучат и локални медиуми кои ќе поттикнуваат позитивен пристап.
- Обучени млади лидери од младински организации за Препознавање, идентификување и справување со говорот на омраза како превенција од проширување на социјалната криза.
- Изградена младинска стратегија која ќе произлезе од обучените младинци за поттикнување говор и однесување на почитување на различностите.
- Прирачник за младинска стратегија: „Говори со почит“.
Активности
- Подготовка и печатење на медиумски материјали за влијание.
- Изработување на веб страна за социјална интернет кампања и комуникација
- Потпишување меморандуми за соработка со младински организации од Скопје, Струмица, Куманово, Тетово, Гостивар, Кичево, Струга, Битола, Прилеп, Кавадарци, Штип, Кочани
- Потпишување меморандуми за соработка со ТВ куќи од Скопје и другите градови
- Посета на општините и информирање за активностите во нивните градови (дебата и тркалезни маси)
- Тродневна обука за младински лидери на тема: „Препознавање, идентификување и справување со говорот на омраза како превенција од проширување на социјалната криза“
- 12 дебати (тркалезни маси) во секој од наведените градови поддржани од локалните медиуми.
- Семинар за градење на младинска стратегија за надминување на говор на омраза и замена со говор на почит.
- Печатење прирачник со младинска стратегија за говорење со почит