[aggregator] downloaded image for imported item #40943

Успешно завршен четиридневниот StreetSmart Kick-off Training: Практика, знаење и нови можности за учење надвор од училница

ОдЗдружение за заштита и унапредување на животната средина ЕКО ЛОГИК

Четиридневниот StreetSmart Kick-off Training заврши успешно, оставајќи зад себе силна мотивација, нови идеи и јасна визија за примена на алатките за учење во заедницата. Тренингот, организиран во партнерство со Mobile School – StreetSmart, ни овозможи да стекнеме длабинско разбирање за едукативниот пристап, методологијата и потенцијалот на знамињата кои ја претвораат улицата во простор за учење.

Во рамки на програмата, имавме можност да поминеме низ структурирана и практична обука, заснована на учење преку искуство, интеракција и тестирање во реални услови. Особено значајно беше спроведувањето на практична сесија со ученици од ООУ „Петар Поп Арсов“, што ни овозможи да видиме како StreetSmart алатките функционираат во директна комуникација со деца. Ова искуство покажа дека просторот надвор од традиционалната училница може да стане еднакво инспиративно, мотивирачко и безбедно место за учење.

Горди сме што станавме првата организација во Македонија која го доби целокупниот сет од 49 едукативни StreetSmart знамиња. Овој комплет претставува значаен ресурс што ќе ни овозможи да креираме динамични активности, да ги поддржиме едукаторите и да обезбедиме квалитетни неформални едукативни сесии за деца од различни заедници.

Покрај практичниот дел, последниот ден од тренингот беше посветен на евалуација, размена на искуства и планирање на следните чекори. Добиените насоки и препораки од StreetSmart тренерите се од голема важност за понатамошната имплементација и адаптирање на активностите во локален контекст. Особено го цениме нивниот професионален и отворен пристап, кој создаде средина во која секој учесник се чувствуваше поддржан да учи, да се изрази и да напредува.

За нас е чест што сме дел од StreetSmart мрежата и што имаме можност да ја примениме оваа меѓународно призната алатка во едукацијата на деца и младинци во Македонија. Веруваме дека ова е значаен чекор кон унапредување на пристапот кон учење надвор од училница, промовирање еднакви можности и креирање позитивни промени во заедницата.

Следуваат активности, пилот-работилници и споделување примери од практиката – со цел да се доближи концептот на StreetSmart до училиштата, организaциите и локалните заедници ширум земјата.

Со нетрпение ги започнуваме следните фази, со јасна цел заедно да го направиме учењето подостапно за децата – таму каде што тие растат, се движат и живеат.

Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"

Продолжи со читање

  • Јавен надзор над јавните набавки: неправилности и отстапувања во три големи јавни набавки

    СООПШТЕНИЕ ЗА МЕДИУМИ Денес, 19 март 2026 година, Центарот за граѓански комуникации го објави истражувањето Јавен надзор над јавните набавки: Студии на случај (издание бр.1). Издвојуваме дел од клучните наоди: 1. Тендер за корисниците на народни кујни во Скопје: За 1,5 милиони евра, храната се дели на улица и не секогаш според договореното Договорот за јавна набавка на готови оброци за корисниците на народни кујни во вредност од 1,5 милион евра не се спроведува во…

  • Превенција што дава резултати: објавени националните стандарди за превенција од употреба на дроги

    ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија. Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално […]
    The post Превенција што дава резултати: објавени националните стандарди за превенција од употреба на дроги appeared first on ХОПС.

  • Легалната миграција и правата на странците во фокус на втората тематска дискусија

    На 10 март 2026 година, во хотел Холидеј Ин во Скопје, се одржа настанот „Легална миграција и правата на странците: состојби и предизвици“, како продолжение на дискусијата одржана на 16 декември 2025 година. Настанот беше организиран од Македонското здружение на млади правници (МЗМП), во рамките […]
    The post Легалната миграција и правата на странците во фокус на втората тематска дискусија appeared first on Myla.

  • Благодарница за организација и постигнати резултати во крводарителството и покажана хуманост и солидарност

    На 17.3.2026 год. (вторник), по повод 17 март – Ден на крводарителството во конференциската сала во хотел Интернационал во организација на Црвениот крст на Република Северна Македонија – Општинска организација Велес се организираше Свечен настан за доделување на јубилејни признанија за крводарителството. Во рамките на овој настан беше доделена Благодарница…

  • Метаморфозис објави истражување за ефектите од дезинформациите и странските влијанија врз демократските процеси

    Фондацијата „Метаморфозис“ го објави истражувањето „Ефектот на дезинформациите и странските влијанија врз демократските процеси во Северна Македонија во 2025 година“, кое анализира како дезинформациите и пропагандните наративи влијаат врз јавната дебата, довербата во институциите и учеството на граѓаните во демократските процеси. Истражувањето комбинира анализа на дезинформациски наративи и анкета на репрезентативен национален примерок, со што […]

  • Како да се сопре падот на критичкото размислување?

    Критичкото размислување е основа на демократските општества, но и на научното истражување и на интелектуалната слобода и независност. Во рамките на една функционална демократија критичкото размислување им помага на граѓаните да ги оневозможуваат злоупотребите на власта и да им се спротивстават на манипулациите. Тоа е и вештина што филозофите, од Сократ до Џон Стјуарт Мил, […]

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор