Локалните заедници имаат знаења, капацитети и ресурси сами да ги изнаоѓаат решенијата за своите предизвици

Повеќе од 30 претставници од граѓански организации, фондации, локални иницијативи од Северна Македонија, Србија, Босна и Херцеговина и Германија, покажаа дека локалната филантропија е двигател на одржливи промени. Низ дводневни активности на 21.10.2025 и 22.10.2025 го заокруживме спроведувањето на ЕУ проектот „Фондации на заедницата – Зајакнување на локалната филантропија во Западен Балкан“ преку споделување инспиративни примери, размена на знаења, зацврстување на регионалното партнерство и заедничко делување за зајакнување на фондациите на заедницата во регионот.

Ја промовиравме и публикацијата „Зајакнување на филантропијата во заедниците на Западен Балкан – Приказна за отпорност и грижа“, продукт од самиот проект. Публикацијата е достапна на следниот <<линк>>.

Активностите се одржаа во рамки на проектот „Фондации на заедницата – Зајакнување на локалната филантропија во Западен Балкан“ е спроведен од здружението „Конект“ во партнерство со „Траг“ фондација од Србија и „Фондација на заедницата Тузла“ од БиХ. Проектот е финансиран од Фондот за Западен Балкан Western Balkans Fund и ко- финансиран од Европската Унија, како дел oд седмиот повик за предлози, во рамки на заедничката акција на Фондот за Западен Балкан и ЕУ. Проектот е ко-финансиран од Европската Унија, преку ИПА III – Инструментот за претпристапна помош.

Оваа вест изворно е објавена на веб-страната на КОНЕКТ