Трета дијалошка средба во рамки на проектот „Толкување на заедничката историја на современото време“

ОдЗдружение МИРОВНА АКЦИЈА Прилеп 02/02/2021

Третата дијалошка средба, во рамките на проектот „Толкување на заедничката историја на современото време“ ја одржавме на 17, 18, 21 и 22 декември 2020. Реализацијата на средбата беше преку користење на платформата ЗУМ.

Мировна акција и АНИМ, преку реализацијата на дијалошките средби, продолжуваат да се залагаат за остварување на специфичната цел од проектот: Зајакнати капацитети на наставниот кадар по историја од основните и средните училишта од Република Северна Македонија за критичко согледување на етноцентричните историски наративи и начините на кои се изведуваат часовите по историја.

Тренерскиот тим за оваа дијалошка средба беше во следниов состав: Мире Младеновки од АНИМ, Емрах Реџепи и Боро Китаноски од Мировна акција.

Оваа средба се одржа во специфични општествени околности, кои самите по себе се предизвик и природно влијаат врз работата на наставниот кадар, но и врз самиот проект. Така, во овој период Министерството за образование и наука ги најави реформите за основно образование, кои директно влијаат врз предметот историја. Исто така земјава се соочи со политички предизвик, а тоа е ново вето за почеток на преговорите за членство во Европската Унија.

Поради спецификата на општествените текови и промени, во рамките на оваа дијалошка средба посветивме еден ден на дискусии за тоа како актуелните политички настани, влијаат врз работата во училиштето. Ценевме дека оваа дискусија е од исклучителна важност. Групата настапи со многу искрени и конструктивни согледувања на општествените текови но и даде осврт како овие предизвици влијаат како во училиштето, така и во училницата. Така еден од учесниците ќе истакне „Потребен е широк консензус. Треба да се даде време за реформи. Да се согледаат недостатоците и на нив да се работи. Историјата дава можност за развој на критичко размислување“

На оваа дијалошка средба разговаравме и за тоа што придонесува кон изградбата на чувство на доверба. За оваа сесија, користевме три животни приказни од архивата на Мировна акција, како и документарниот филм „Испрекината црта“ во продукција на Центарот за ненасилна акција Белград/Сараево, во чие снимање учествуваа и активисти на Мировна акција. Преку разработка на трите животни приказни и документарниот филм, групата имаше можност да отвори дијалог за изградба на доверба и за тоа што сè вклучува еден ваков процес во општеството.

Исто така имавме исцрпни сесии и за анализа на учебниците по историја. На 21 декември ја отворивме темата: Како би требало да изгледа едно соодветно (сестрано, реално, човечно и чесно) претставување на историјата?

Додека на 22 декември, ги анализиравме етничките херои кои се претставени во учебниците, улогата на жените во тој контекст и лоцирање на проблеми во материјата по историја, начинот на предавање и предлози за промени.

За секоја од реализираните дијалошки средби, тренерскиот тим продуцираше соодветна документација, која ќе биде еден од ресурсите за креирање на студија во рамките на овој проект.

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.