Outriders: Локални новинари здружено известуваат за глобални проблеми

ОдСамостоен синдикат на новинари и медиумски работници ССНМ

Утрото на 5 мај, осум новинари од осум различни земји започнаа, користејќи го хаштагот

#DeepBreath и мултимедијалното известување, да објавуваат стории за загаденоста на воздухот. Во текот на следните 24 часа, секој од новинарите работеше со едно лице кое нудеше единствен глас за загаденоста: од доктори, активисти, истражувачи, до луѓе загрозени од тие проблеми. Новинарите и фоторепортерите симултано го објавуваа својот работен процес на социјалните мрежи, со фокус на Facebook и Instagram. Покрај тоа, целиот материјал кој го произведоа во текот на 24 часа е објавуван и на официјалната страница.

 

Ваквото 360 степени известување во живо на интернет просторот резултираше со нов проект на организацијата Outriders. Комбинирајќи го искуството и знаењето на локалните новинари со новата технологија, тимот од Outriders на единствен начин ја приближи до читателите проблематиката на загаувањето на воздухот. „Она што ние во Outriders сакам да го докажеме е дека иновативното не значи најлошо; нашата идеја е да го преведеме традиционалното новинарство на дигитален јазик. За проектот  #DeepBreath избравме да соработуваме со локални новинари, искусни репортери и фоторепортери. Тие најдобро ги знаат проблемите од нивните земји и во можност се тоа да го стават во прав контекст, истакнува Магдалена Чодовник, новинарка од Полска и координаторка на проектот #DeepBreath.

Во проектот #DeepBreath учествуваа осум новинари од разни земји од светот: Чара (прекар) од Кина, Маурицио Палос (Мексико), Махмуд Катаб (Египет), Бенџамин Филарски (Непал), Мариа де ла Гарда (Авганистан), Брајан Џајби (Кенија), Вишал Манве (Индија), Магдалена Чодовник (Полска).

Магдалена, која истовремено работеше на координација на останатите седум новинари од овој проект, но и известуваше од Краков за проблемите со загадувањето, истакнува дека начинот на кој денес работат новинарите повлекува многу прашања.

„Новинарите со кои ние соработувавме завршија одлична работа, и тоа не само во смисла на креирање на нови содржини и раскажување приказни на кратко но интересен начин. Тие исто така покажаа големо ниво на професионализам, подготвеност за работа, како и следење на новинарската етика и протокол.“

Ова е трет проект на тимот на Outriders во кој беа водени од идејата дека глобалните проблеми треба да се испитуваат од локално ниво и со користење на потенцијалот на разни дигитални платформи. Кога се работи за проектот #DeepBreath, како што објаснува Магдалена, она што сакале да го сторат е да комбинираат приказни од земји кад смогот и загаденоста се очигледен проблем, со оние земји во кои оваа проблематика е сé уште неистражена.

„За следниот проект ќе го примениме истото сценарио. На овој начин сакаме да им покажеме на луѓето што би можело да се случи доколку не реагираат на време“.

Концептот на локална перспектива и глобална покриеност е нешто многу важно за тимот на Outriders. Магдалена истакнува дека слоганот „делувај локално, размислувај глобално“ одамна се споменува но таквиот пристап не се применува во повеќето медиуми.

„Постојат проблеми кои влијаат на огромен број луѓе во исто време. Како на пример прашањето на миграцијата. Околу 60 милиони луѓе во светот се оттргнати од својата средина од бројни причини – од војна и конфликти до ефектите на климатските промени. И ние новинарите мора да научиме како да покриваме глобални проблеми на глобален начин без да ги заборавиме личните човечки приказни. Медиумите донекаде успевале досега, но и занемарувале брони делови од светот. Според моменталната статистика, се очекува некаде помеѓу 150 и 250 милиони луѓе да мигрираат до 2050. Како ќе се носиме со таа приказна, ако ни е тешко да известуваме за 60 милиони“, објаснува Магдалена.

Еден од учесниците во проектот е Маурицио Палос, документиран фотограф од Мексико, кој известуваше за  #DeepBreath за загадувањето од перспектива на научницитек кои зборуваа за работата која тие ја вршат.

„Мора да се прилагодиме на новиот дигитален јазик, доколку скааме приказните на кои работиме да имаат поголем ефект во општеството“, истакува Маурицио.

Комплетниот материјал кој го произведоа новинарите на 5 мај е достапен тука. Маурицио вели дека со оптимизам ја прифатил можноста да учествува во креирањето на материјал од Мексико бидејќи верува дека конечниот извештај ќе покаже како различни земји се соочуваат со загадувањето на воздухот и што човештвото може да очекува.

„Самиот факт дека работевме во реално време предизвика голема љубопитност, како и тоа дека произведовме голема количина на информации во кои фокусот е на еден одреден ден кога зборуваме за загадувањето на воздухот“, наведува Маурицио.

Покрај оригиналната идеја во која бројни новинари од целиот свет известуваат во стварно време за проблемите кои, конечно, ја засегаат глобалната политика, факт што целиот процес на работа во текот на тој ден на известување беше објавуван на интернет допринесува за транспарентноста на проектот.

Јакуб Горницки, основач на Outridersa, надедува дека интерактивното и оригинално известување исто така бара време, но и пари.

„Нашата намера е да бидеме потполно транспарентни во начинот на кој работиме, но и сакаме да им објасниме на нашите читатели што е потребно за ваквото известување воопшто да може да се изведе.“

Крајната цел на извештајот на Outriders е да допринесе во конструкцијата на знаењето и разбирањето на публиката, која преку нивната работа може да формира нови перспективи за проблематиката за која пишуваат новинарите. Кога се работи за реакцијата на публиката на моменталниот проект #DeepBreath, Јакуб истакнува дека најголемиот успех би бил кога публиката би се приклучила кон дискусијата.

„Тоа би ни дало моќ да работиме уште понапорно на овакви содржини.“

Од друга страна, овој проект предизвика голем интерес во онлајн просторот и Јакуб исто така истакнува дека тоа е една од работите на која се надевале, но не очекувале дека ќе се случи толку брзо.

„Прво не споменаа на Journalism.co.uk а сега вие не интервјуирате. Тоа на некој начин ни потврдува дека ако имате добар тим и ако приказната е интересна, тогаш можеме да продолжиме да го работиме она што највеќе го сакаме – да известуваме.“

The post Outriders: Локални новинари здружено известуваат за глобални проблеми appeared first on ССНМ.

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор