[Aggregator] Downloaded image for imported item #50748

ТЕКСТИЛИЈАДА #10 години гласно за правата на работниците

ОдГласен текстилец

Наши права, наша иднина!

Ве покануваме да бидете наши гости на јубилејното десетто издание на Текстилијада 10, кое ќе се одржи од 1 до 3 октомври 2026 година во Штип, во организација на здружението Гласен Текстилец.

Оваа година одбележуваме 10 години борба, солидарност и промени, една деценија посветена на унапредување на работничките и женските права, достоинствената работа, економското зајакнување на жените и создавањето подобри услови за живот и работа.

Во текот на трите дена, преку меѓународни конференции, дискусии, работнички сведоштва, изложба на фотографии, литературни и уметнички настани, заедно со работници, институции, синдикати, граѓански организации и домашни и меѓународни партнери, ќе направиме осврт на постигнатото во изминатата деценија, но и на предизвиците што сè уште остануваат пред нас.

Посебен фокус ќе биде ставен на економската сигурност и зајакнувањето на жените, женските и работничките права, платата за живот и достоинствениот труд.

Истовремено, преку културата и уметноста ќе им оддадеме признание на луѓето, приказните и заедничките борби кои ја создаваа и обликуваа Текстилијада во изминатите десет години.

Текстилијада 10 е повеќе од јубилеј. Таа е можност заедно да го одбележиме постигнатото, да ги слушнеме гласовите на работниците и нашите партнери и да разговараме за следните чекори кон поправедно општество во кое достоинствениот труд и човековите права се реалност за сите.

Се надеваме дека ќе ни се придружите и заедно ќе одбележиме 10 години Гласен Текстилец и 10 години Текстилијада.

Настаните во рамките на Текстилијада 10 се финансиски поддржани од Шведска, Olof Palme International Center и The Kvinna till Kvinna Foundation, а во партнерство со Friedrich-Ebert-Stiftung, канцеларија во Скопје.
Содржината објавена на оваа страница е единствена одговорност на Гласен Текстилец – Штип и не ги одразува нужно ставовите на донаторите и партнерските организации.



Програма за Текстилијада 10

Оваа вест изворно е објавена на веб-страната на Здружение за заштита на работничките права „Гласен Текстилец“

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор