[Aggregator] Downloaded image for imported item #50854

Од Скопје до Грац: Градот низ очите на велосипедистите

ОдЗдружение за заштита и унапредување на животната средина ЕКО ЛОГИК

Понекогаш, за да запознаеш еден град, доволно е да седнеш на велосипед и едноставно да тргнеш.

Во рамки на проектот “SKOPJE–GRAZ: OUR CITY, OUR RIDE”, заедно со учениците од СУГС „Георги Димитров“ од Скопје, отпатувавме во Грац, Австрија, за да го истражиме градот од поинаква перспектива – онаа на велосипедистите.

Возевме низ улиците, ги следевме велосипедските рути, застанувавме, набљудувавме и разговаравме за тоа што функционира, што ни остави впечаток и што би можело да биде поинаку.

И токму додека возевме, сфативме дека велосипедската инфраструктура не е само прашање на велосипедски ленти.

Станува збор за тоа како се поврзани улиците, колку лесно можеш да стигнеш од едно до друго место, дали се чувствуваш безбедно, дали просторот е пристапен и дали велосипедот навистина може да биде дел од секојдневното движење.

За учениците, ова беше повеќе од посета на друг град.

Беше можност нешто што секојдневно го гледаме во Скопје да го погледнеме од нов агол.

Како изгледа патот до училиште ако одиш со велосипед?
Каде се чувствуваш безбедно?
Каде би сакал да има подобра врска?
И што можеме да научиме од другите градови?

Сега, дел од овие прашања ги носиме назад во Скопје.

Нашата следна мобилити размена ќе се одржи токму тука. Заедно со учесниците од Грац повторно ќе седнеме на велосипеди и ќе ја истражуваме нашата велосипедска инфраструктура – овојпат со ново искуство, нова перспектива и многу идеи од Грац.

Ова е и суштината на Европската недела на мобилност 2026, која од 16 до 22 септември се одбележува под мотото „Mobility for Everyone“, со фокус на мобилност која е достапна, инклузивна и безбедна за сите генерации.

Затоа што учењето за подобра мобилност не мора секогаш да се случува во училница.

Понекогаш најмногу учиме кога возиме, гледаме, прашуваме и споредуваме.

А можеби токму така почнуваат промените – кога ќе го погледнеме сопствениот град со нови очи

#EuropeanMobilityWeek #MobilityForEveryone #OurCityOurRide #VeloSchools #Cycling #SustainableMobility #Graz #Skopje

Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор