Untitled Design (8)

Општините од Северна Македонија, Србија и Босна и Херцеговина се вмрежија и ги зајакнаа капацитетите за интеграција на РЕСИ алатката во локалното планирање и буџетирање

ОдАсоцијација за здравствена едукација и истражување ХЕРА Скопје

 

 

ХЕРА со поддршка на Германското друштво за меѓународна соработка – ГИЗ,  во периодот од 2 до 4 јуни 2025 г., во Велес, одржа обука за вмрежување и примена на алатката РЕСИ – Родовата еднаквост и социјална инклузија во процесите на креирање политики, буџетирање и стратешко планирање на локално ниво.

Се поголем број на истражувања укажуваат на фактот дека, со вклучување на РЕСИ – родовата еднакост и социјалната инклузија во различни сфери на општественото живеење, се унапредуваат здравјето и социјалната благостојба на луѓето.

Оваа обука претставува кулминација на шестмесечна работа со шест општини од Северна Македонија (Валандово и Гостивар), Србија (Вршац и Кањижа) и Босна и Херцеговина (Бијељина и Вишеград), во рамки на проектот „Патот до еднаквоста: Креирање родово и социјално инклузивни политики за отпорни локални заедници”.

Во изминатиот период, секоја од општините работеше на анализа на избрани локални програми преку РЕСИ пристапот – од животна средина и урбана мобилност, до социјални услуги, вработување на ранливи групи и локален економски развој. Учесниците на обуката имаа можност практично да ги применат алатките за анализа на родова еднаквост и социјална инклузија во избраните политики, да изработат нацрт-акциски планови и да постават индикатори за следење на резултати.

Целта на оваа обуката е регионално вмрежување, јакнење на капацитетите на општинските тимови за систематски пристап кон интеграцијата на принципите на родова еднаквост и социјална инклузија во локалните политики и буџети. Ова е чекор напред во градење на поотпорни, правични и инклузивни заедници во регионот.

Проектот продолжува со менторска поддршка на општините во финализирањето на нивните РЕСИ акциски планови, како и со зајакнување на регионалната размена на искуства и добри практики меѓу општините од Западен Балкан.

Проектот е поддржан од Германското друштво за меѓународна соработка – ГИЗ, во соработка со Мрежата на асоцијации на локални власти на Југоисточна Европа (НАЛАС), преку регионалниот проект за „Социјално вклучување на ранливи групи на Западен Балкан“.

 

Оваа вест изворно е објавена на веб-страната на Асоцијација за здравствена едукација и истражување ХЕРА Скопје

Продолжи со читање

  • Јавен надзор над јавните набавки: неправилности и отстапувања во три големи јавни набавки

    СООПШТЕНИЕ ЗА МЕДИУМИ Денес, 19 март 2026 година, Центарот за граѓански комуникации го објави истражувањето Јавен надзор над јавните набавки: Студии на случај (издание бр.1). Издвојуваме дел од клучните наоди: 1. Тендер за корисниците на народни кујни во Скопје: За 1,5 милиони евра, храната се дели на улица и не секогаш според договореното Договорот за јавна набавка на готови оброци за корисниците на народни кујни во вредност од 1,5 милион евра не се спроведува во…

  • Превенција што дава резултати: објавени националните стандарди за превенција од употреба на дроги

    ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија. Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално […]
    The post Превенција што дава резултати: објавени националните стандарди за превенција од употреба на дроги appeared first on ХОПС.

  • Легалната миграција и правата на странците во фокус на втората тематска дискусија

    На 10 март 2026 година, во хотел Холидеј Ин во Скопје, се одржа настанот „Легална миграција и правата на странците: состојби и предизвици“, како продолжение на дискусијата одржана на 16 декември 2025 година. Настанот беше организиран од Македонското здружение на млади правници (МЗМП), во рамките […]
    The post Легалната миграција и правата на странците во фокус на втората тематска дискусија appeared first on Myla.

  • Благодарница за организација и постигнати резултати во крводарителството и покажана хуманост и солидарност

    На 17.3.2026 год. (вторник), по повод 17 март – Ден на крводарителството во конференциската сала во хотел Интернационал во организација на Црвениот крст на Република Северна Македонија – Општинска организација Велес се организираше Свечен настан за доделување на јубилејни признанија за крводарителството. Во рамките на овој настан беше доделена Благодарница…

  • Метаморфозис објави истражување за ефектите од дезинформациите и странските влијанија врз демократските процеси

    Фондацијата „Метаморфозис“ го објави истражувањето „Ефектот на дезинформациите и странските влијанија врз демократските процеси во Северна Македонија во 2025 година“, кое анализира како дезинформациите и пропагандните наративи влијаат врз јавната дебата, довербата во институциите и учеството на граѓаните во демократските процеси. Истражувањето комбинира анализа на дезинформациски наративи и анкета на репрезентативен национален примерок, со што […]

  • Како да се сопре падот на критичкото размислување?

    Критичкото размислување е основа на демократските општества, но и на научното истражување и на интелектуалната слобода и независност. Во рамките на една функционална демократија критичкото размислување им помага на граѓаните да ги оневозможуваат злоупотребите на власта и да им се спротивстават на манипулациите. Тоа е и вештина што филозофите, од Сократ до Џон Стјуарт Мил, […]

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор