Средба на мултисекторски тим за спречување и заштита од родово-базирано и семејно насилство

Во рамки на проектот „Заедно против насилството: Подобрување на информираноста и реакцијата на заедницата“, на 3 јуни 2025 година се одржа средба на мултисекторскиот тим во организација на Здружение Станица ПЕТ.

Целта на оваа средба беше унапредување на мултисекторската соработка меѓу надлежните институции кои се вклучени во спречување и заштита од насилство врз жените и семејно насилство. Особено внимание беше посветено на предизвиците и практиките во имплементацијата на Законот за спречување и заштита од насилство врз жените и семејното насилство, како и на можностите за поефикасна институционална реакција.

На средбата учествуваа претставници од:

• Центар за социјална работа

• ПС Прилеп

• ЈЗУ Општа болница Прилеп

• Локална самоуправа.

Средбата претставуваше важна платформа за отворен дијалог и директна размена на информации меѓу институциите кои имаат клучна улога во справувањето со родово базираното и семејното насилство.

Во текот на дискусиите беа идентификувани конкретни случаи и ситуации во кои недоволната комуникација или неусогласените интервенции довеле до доцнење или недоволна заштита на жртвите. Овие примери ја истакнаа потребата од:

• Навремена размена на информации меѓу институциите

• Јасни и стандардизирани протоколи за постапување

• Редовни интерсекторски состаноци

• Подобрување на механизмите за следење на случаи и интервенции

Во конструктивна и отворена атмосфера, учесниците разменија искуства, укажаа на конкретни предизвици од теренот и истакнаа потреба подобрување на комуникацијата и координацијата меѓу институциите.

Семејното насилство не може да се решава од една институција сама. Потребна е заедничка работа, добра комуникација и постојана соработка меѓу сите надлежни служби. Оваа средба беше важен чекор кон подобро разбирање и поефикасно заедничко делување.

Оваа активност е дел од проектот „ Заедно против насилството: Подобрување на информираноста и реакцијата на заедницата “, кој го спроведувa Здружение за правна едукација и транспарентност Станица ПЕТ Прилеп“, во рамки на акцијата „СЕ ГРИЖИМЕ: Заедно се бориме против сексуалното и родовото насилство “, финансирана од Европската Унија, а предводена од Националната мрежа против насилство врз жени и семејно насилство. Содржината на овој документ е единствена одговорност на Здружение за правна едукација и транспарентност Станица ПЕТ Прилеп, и на никој начин не може да се смета дека ги претставува ставовите и гледиштата на Европската Унија.

This post was originally published on this site