ЕПИ

Повик за експерт/и за подготовка на анализа за статусот на имплементација на реформите поврзани со медијацијата

ОдИнститут за европска политика

Институтот за европска политика објавува повик за експерт/и за подготовка на анализа за статусот на имплементација на реформите поврзани со медијација. Повикот се објавува во рамките на проектот „Медијација, без дилема!“, финансиран од амбасадата на Кралството Холандија.

Целта на задачата е да се подготви анализа на статусот на имплементација на реформите за медијација предвидени во Стратегијата за реформи на правосудниот сектор 2017-2020 година со Акциски план. Експерт/ите ќе треба да спроведат канцелариско истражување за соодветните закони, меѓународни и национални документи и интервјуа со релевантни засегнати страни, со акцент на Министерството за правда, Комората на медијатори, судиите, медијаторите. Истражувањето ќе има цел да го анализира напредокот во процесите за реформа на медијацијата во земјата преку анализа на податоците од интервјуата и соодветните закони и документи. Анализата на политиката ќе ги вклучува наодите од фокус групата со претставници од бизнис секторот, која треба да ја спроведат експерт/ите со поддршка на ЕПИ.

При спроведувањето на активностите, експертoт/експертите треба да биде во редовна комуникација и координација со проектниот тим. Од избраниот кандидат/кандидати се очекува да ги изврши следните активности:

  • Анализа за статусот на имплементација на реформите за медијација предвидени во Стратегијата за реформи на правосудниот сектор 2017 – 2022 година со Акциски план. Експерт/ите ќе треба да спроведат канцелариско истражување за соодветните закони, меѓународни и национални документи и интервјуа со релевантни засегнати страни (најмалку 3 интервјуа), со акцент на Министерството за правда, Комората на медијатори, судиите, медијаторите. Истражувањето ќе има за цел да го анализира напредокот во процесите за реформа на медијацијата во земјата преку анализа на податоците од интервјуата и соодветните закони и документи. Анализата на политиката ќе ги вклучува наодите од фокус групата со претставници од бизнис секторот, која треба да ја спроведат експерт/ите со логистичка поддршка на ЕПИ.
  • Подготовка на прашалник и модерирање на фокус група со бизнис сектор. Логистиката за организација на фокус група, како и средствата ќе бидат обезбедени од ЕПИ.

На овој повик може да се пријави индивидуален експерт или група од експерти со најмногу 3 експерти кои ги исполнуваат условите.

Експертот/експертите кој ќе биде ангажиран треба да ги исполнува следниве услови:

  • Најмалку високо обрaзование по општествени науки;
  • Најмалку 5 години работно искуство во активности поврзани со анализи, следење и евалуација на политики.
  • Предност ќе имаат кандидатите кои имаат спроведени истражувања поврзани со медијацијата.

Максималниот бруто износ за финализирање на активностите за кои ќе биде ангажиран експертот или групата на експерти не може да надмине 102250 денари.

Експертите е потребно да ги достават следните документи:

  1. Детално резиме (биографија), на македонски или англиски јазик, со преглед на релевантно искуство;
  2. Два контакти за препораки од претходно спроведени проекти/ангажмани;
  3. Организација и Методологија за развивање на задачата (Анекс 2);
  4. Финансиска понуда во форматот прикажан во Анекс 3.
  5. Пополнета и потпишана изјава од понудувачот (Анекс 4).

Документацијата треба да биде испратена на contact@epi.org.mk не подоцна од 30 август 2021 година, со предмет (subject): Пријава за експерт за подготовка на анализа за медијација.

ПОВИК

Анекс 2
Анекс 3
Анекс 4

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор