Учество на панел-дискусија за противпожарна заштита и подготвеност при вонредни состојби
На 27.06.2026 година, претставник на Доброволното противпожарно друштво Свети Николе учествуваше на панел-дискусија посветена на противпожарната заштита, организирана во рамки на настанот на ИПОС Македонија.
Во рамки на излагањето беше ставен акцент на состојбите и предизвиците со кои се соочува противпожарниот сектор, особено во делот на шумските пожари и пожарите на отворен простор. Беше истакната потребата од зајакнување на доброволните противпожарни друштва, подобрување на материјално-техничките капацитети, набавка на соодветна опрема и специјализирани возила, како и поголема координација помеѓу институциите, локалната самоуправа и граѓанскиот сектор.
Посебен акцент беше ставен на значењето на превенцијата, навремената реакција и едукацијата на населението, како клучни предуслови за намалување на ризиците од пожари, заштита на граѓаните, имотите и природата, како и справување со последиците од климатските промени.
Доброволното противпожарно друштво Свети Николе продолжува активно да придонесува кон унапредување на системот за заштита и спасување и кон градење побезбедни и поотпорни заедници.

Оваа вест изворно е објавена на веб-страната на ДПД - Свети Николе


![[Aggregator] Downloaded image for imported item #48896](https://civicamobilitas.mk/wp-content/uploads/2026/06/ipos-panel-presentation-title-final.jpg)




![[Aggregator] Downloaded image for imported item #53070](https://civicamobilitas.mk/wp-content/uploads/2026/11/viber_image_2026-11-03_12-35-55-937-726x1024-1.jpg)
![[Aggregator] Downloaded image for imported item #53072](https://civicamobilitas.mk/wp-content/uploads/2026/11/IMG_3882-scaled-1-768x576.jpg)