11 04 2017 CKMD

Спроведена анкета за влијанието на националните симболи

ОдCivica Mobilitas

Здружението Центар за креативен меѓународен дијалог Скопје (ЦКМД) во периодот од 15 март до 5 април 2017 година, спроведе анкета преку интернет за истражување на перцепцијата на населението за националните симболи, нивното поврзување со политичките партии како и нивното влијание врз секојдневното однесување на граѓаните. Анкетата е дел од проектот „Национални симболи, културна меморија и политички идентитети во Република Македонија“.

Според добиените резултати, 43% од испитаниците одговориле дека сонцето на Вергина ги асоцира на Античка Македонија и Грците/Хелените, додека 38% ги асоцира на македонската историја и народ, што покажува дека граѓаните прават дистинкција помеѓу овие поими.

Околу 68% од испитаниците одговориле дека симболот на двоглавиот орел ги асоцира на албанската историја и народ, а незначителни 2% го поврзуваат со некоја од албанските партии.
Асоцијативно, 46% од испитаниците ја поврзуваат црвената боја со знамето на Република Македонија, додека 44% не ја поврзуваат ниту со знамето, ниту со некоја од партиите.

Дури половина од испитаниците некогаш свесно избегнале посета на објект или манифестација од областа на културата за да не бидат идентификувани како припадници на некоја политичка партија.
Од добиените податоци се гледа дека испитаниците сметаат дека присвојувањето симболи од страна на партиите е неправедно и дека тоа се прави за политички цели. Исто така, користењето на национални симболи во најголем дел не им помага полесно да се идентификуваат со политичките партии, или пак тие воопшто не се идентификуваат со некоја партија.

Анкетата е спроведена на пригоден примерок од 112 полнолетни граѓани на Република Македонија, каде значителен дел од испитаниците се Македонци (86%). Испитаниците во главно живеат во град (96%), додека според регионот, на водечко место е Скопскиот регион (83%). Според степенот на образование, испитаниците се во главно високо образовани, освен 5%, кои имаат завршено средно образование.

Здружението Центар за креативен меѓународен дијалог Скопје (ЦКМД) е корисник на мал акциски грант на Цивика мобилитас.

Продолжи со читање

  • Покана за учество на информативни сесии за повик за грантови

    Македонската развојна фондација за претпријатија (МРФП) Ве поканува на информативните сеси за Повик за финансиска поддршка на акции за зелена трансформација , во рамките на проектот „Зелена младина, зелен раст“, кои ќе се одржат на: На инфо-сесиите ќе имате можност да дознаете:✅ кои се целите на повикот,✅ како да аплицирате,✅…

  • ЕУ укажува на застој во унапредувањето на човековите права и борбата против дискриминацијата во Северна Македонија

    Хелсиншкиот комитет за човекови права смета дека годинешниот Извештај на Европската унија за напредокот на Северна Македонија,  нотира згрижувачки наоди, особено во делот кој се однесува на недискриминацијата, родовата еднаквост и положбата на граѓанското општество. Извештајот недвосмислено укажува дека земјата го одложува усогласувањето на принципите на недискриминација во сите релевантни закони, што претставува сериозен чекор […]
    Read More… from ЕУ укажува на застој во унапредувањето на човековите права и борбата против дискриминацијата во Северна Македонија
    The post ЕУ укажува на застој во унапредувањето на човековите права и борбата против дискриминацијата во Северна Македонија appeared first on Хелсиншки комитет за човекови права.

  • Прва еко-акција ЗЕЛЕН ПЕТОК: „Мапа на еко-грижи и идеи“

    На 31 октомври 2025 година, на плоштадот Методија Андонов Ченто во Прилеп, ја одржавме првата еко-акција во рамките на иницијативата ЗЕЛЕН ПЕТОК под наслов „Мапа на еко-грижи и идеи“.Настанот се одржа од 11:00 до 13:00 часот и имаше за цел да ја поттикне граѓанската свест и активното учество во подобрувањето на животната средина преку креативен,…

  • Десетина моќни гласови и една заедничка порака: Скопје заслужува да биде подобар и позелен град

    Вчера, на 30 октомври, амфитеатарот на Нетавил се претвори во сцена каде што градот проговори – преку гласовите на активисти, експерти, средношколци и пензионери кои споделија една заедничка визија: Скопје заслужува да биде поубаво, позелено и похумано место за живеење. Под наслов „Што со пост-изборно Скопје?“, граѓаните имаа можност да дискутираат, да прашаат и да […]

  • BOOST проектот ја зајакнува граѓанската иницијатива низ Западен Балкан

    BOOST проектот, регионална иницијатива предводена од ALDA и финансирана од Agence Française de Développement (AFD), постигнува значајни резултати во зајакнувањето на граѓанското општество низ Западен Балкан. Преку националната шема за подгрантови, BOOST избра по десет влијателни проекти во секоја од шесте земји од регионот: Северна Македонија, Албанија, Косово, Србија, Босна…

  • Фондацијата Метаморфозис го претстави својот „Дезинфо радар“ на Форумот за мир во Париз 2025

    Фондацијата Метаморфозис преку својот „Дезинфо радар“ е избрана меѓу 30-те решенија кои се претставени на Форумот за мир во Париз 2025, како глобална платформа што истакнува конкретни иновации за мир и демократска отпорност. Оваа селекција претставува силно меѓународно признание за долгорочното лидерство на Метаморфозис во справувањето со дезинформациите на Западен Балкан. Форумот се одржува во […]
    The post Фондацијата Метаморфозис го претстави својот „Дезинфо радар“ на Форумот за мир во Париз 2025 first appeared on Metamorphosis.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор