[Aggregator] Downloaded image for imported item #47717

Реакција на МОФ во однос на одлуката на Министерот за социјална политика, демографија и млади

ОдЗдружение на граѓани „Младински образовен форум Скопје“.

Младински образовен форум изразува сериозна загриженост и разочараност од одлуката на Министерството за социјална политика, демографија и млади да ја прекине и повтори постапката за избор на младински претставник во Управниот одбор на Регионалната канцеларија за младинска соработка (RYCO).

Ова не е изолиран административен пропуст, туку повторување на веќе видена институционална пракса, со која се обезвреднува учеството на младите и на младинските организации. По втор пат се прекинува постапка за избор на младински претставник и се негира веќе завршен избор. Ваквиот однос е крајно несериозен, неодговорен и спротивен на суштината на младинското учество.

Процесот за избор на младински претставник во Управниот одбор на РИКО беше сложен, но инклузивен и транспарентен. Во него учествуваа граѓански организации регистрирани во Регистарот на младински организации. Беше објавен јавен повик, на кој се пријавија двајца кандидати. Со двајцата кандидати беа спроведени интервјуа, од претходно формирана работна група, а младинските организации имаа можност да ги разгледаат кандидатурите и да учествуваат во оценувањето. Потврдата на постапката беше направена од повеќе од половина од организациите вклучени во процесот, нешто што правилникот за работа изгласан од самата работна група, го предвидува.

Постапката од страна на младинските организации беше завршена. Единствено што преостануваше беше формалното потпишување од страна на министерот.

Оттука, јавно прашуваме: дали потписот на еден министер, е поважен од интересот на младите и нивното учество во регионалните процеси? Дали поради волјата на еден функционер, Македонија ќе остане без свој младински претставник во Управниот одбор на РИКО?

РИКО е создадена како регионален механизам за младинска соработка, помирување, мобилност и учество на младите од Западен Балкан. Токму затоа е недозволиво изборот на младински претставник да се третира како административна процедура, што може да се поништува секогаш кога институцијата нема политичка волја да го признае изборот на младинскиот сектор.

Институциите не смеат да го контролираат изборот на младинските претставници, туку треба да создадат услови младите и младинските организации самостојно, транспарентно и легитимно да одлучуваат кој ќе ги претставува. Наместо конечно да се надмине оваа пракса, денес повторно сме сведоци на институционално блокирање на процес кој младинските организации го спроведоа од почеток до крај.

Младинското учество не смее да биде декларативна заложба што институциите ја користат само кога им одговара. Ако младите се повикуваат да учествуваат во процеси, нивниот избор мора да се почитува. Ако младинските организации вложиле време, ресурси и доверба во процесот, институциите немаат право без јасно, конкретно и јавно образложение да го поништат исходот.

Затоа, бараме Министерството јавно и детално да ги објави наводните процедурални и формални недостатоци поради кои е прекината постапката. Општите формулации не се доволни за да се поништи процес во кој учествувале младински организации, кандидати и работна група. Доколку постоеле недостатоци, тие требало да бидат утврдени, комуницирани и решени во текот на процесот, а не откако целата постапка завршува.

Воедно, бараме Министерството да ја почитува волјата на младинските организации и да го финализира изборот на младинскиот претставник во Управниот одбор на РИКО, наместо повторно да ја враќа постапката на почеток и да ја продлабочува недовербата меѓу младите, граѓанските организации и институциите.

Младински образовен форум бара итно преиспитување на одлуката за прекин на постапката и почитување на веќе спроведениот избор од страна на младинските организации.

The post Реакција на МОФ во однос на одлуката на Министерот за социјална политика, демографија и млади appeared first on МОФ.

Оваа вест изворно е објавена на веб-страната на Младински Образовен Форум

Продолжи со читање

  • Учество на работилницата во рамки на проектот “Зајакнато граѓанско учество во заштита на животната средина“

    На 9.6.2026 год. (вторник) се одржа работилницата во рамки на проектот „Зајакнато граѓанско учество во заштита на животната средина“, кој е поддржан од Expertise France, а се спроведува од страна на Македонското здружение на млади правници (МЗМП) во партнерство со Здружението за одржлив развој Милеуконтакт Македонија (МКМ), Центарот за правни…

  • СВЕЧЕНО ДОДЕЛУВАЊЕ НА СЕРТИФИКАТИТЕ ВО ШТИП

    Со големо задоволство ја завршивме реализацијата на обуката за шминка во Општина Штип, каде што свечено беа доделени сертификати на успешните учеснички. Општина Штип беше десеттата општина во која се спроведоа бесплатните обуки во рамките на проектот. Со доделувањето на сертификатите во Штип, успешно го заокруживме овој значаен процес, при што вкупно 70 жени од…

  • ВЕЛО-БУРЕ ПАРКИНГ Циркуларно решение за одржлива урбана мобилност

    Вело-Буре паркинг е иновативно решение кое го трансформира отпадниот материјал во функционална урбана инфраструктура за паркирање велосипеди. Преку примена на принципите на циркуларна економија, иницијативата придонесува кон намалување на отпадот, поттикнување на велосипедската култура и создавање поодржливи градови. Решението е наменето за училишта, општини, јавни институции и приватни компании кои сакаат да инвестираат во зелена […]

  • Со одржливо управување со органскиот отпад до чиста животна средина преку системот за селекција подготовка и селективно собирање на био отпад за компостирање во компостари во ООУ „Димо Хаџи Димов“

    Со големо задоволство на 4.06.2026 година, заедно со  вредните ученици и совесни граѓани, успешно реализиравме уште една акција за селекција, подготовка и собирање на органски отпад во ООУ „Димо Хаџи Димов“.  Продолжуваме со активноста фокусиран на поттикнување на граѓанскиот активизам и заштитата на околината преку паметно управување со отпадот.
    Главната цел на проектот е активно вклучување на локалната заедница — учениците, нивните родители, роднини и соседи. Заедно, како клучна целна група, ќе ги истражиме и примениме придобивките од правилното постапување со органскиот отпад.
    Од отпад до нов живот преку одлагање на собраниот био отпад во училишните компостари каде што ќе се трансформира во висококвалитетен, природен хумус кој ќе се користи за уредување на училишниот двор.
    Невнимателното фрлање на органскиот отпад има сериозни последици. Важноста на оваа активност за селекција и одлагање на био отпадот во компостара директно придонесува кон:

    Заштита на медиумите на животната средина: Спречување на штетните влијанија врз почвата, водите и воздухот.
    Грижа за здравјето: Намалување на ризиците по човековото здравје преку почитување на пропишаните правила за управување со отпад.
    Растеретување на депониите: Спречување на органскиот отпад без потреба да завршува на депонија.
    Од отпад до нов производ: Моќта на циркуларната економија проектот нуди оптимизирани концептуални решенија кои започнуваат од нашите домови. Преку правилно селектирање (сортирање) и собирање на отпадот од домаќинствата, овозможуваме тој да не биде само ѓубре, туку вредна суровина. На овој начин, отпадот се вклучува во секундарен циклус со што се постигнува вистинска циркуларна економија — добивање на нов производ во нов процес.

    Ги повикуваме сите граѓани да покажат интерес, да се информираат и активно да се вклучат во активностите. Секој поединечен труд е чекор поблиску до позелена и поодржлива иднина за сите нас!
    Оваа активност се остварува во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со EcoLogic и Center for Environmental Democracy – Florozon Флорозон – Центар за еколошка демократија. Проектот е подржан од владата на Швајцарија преку Цивика мобилитас.
    #CivicaMobilitass, #CHinMK, Цивика мобилитас (civicamobilitas.mk)

  • Успешна еко-акција во ООУ „Владо Тасевски“: Со граѓански активизам до одржливо управување со органскиот отпад во рамките на проектот „Граѓански активизам за остварување на циркуларна економија во управувањето со органски отпад“

    На 5.06.2026 година, во ООУ „Владо Тасевски“ докажавме дека големите промени започнуваат од малите, секојдневни навики. Во изминатиот период со заеднички сили на вредните ученици и свесните сограѓани, успешно собравме и подготвивме органски отпад за компостирање.
    Преку овој проект активно го поттикнуваме граѓанскиот активизам за одржливо управување со отпадот. Локалната заедница — учениците, нивните родители, роднини и соседи — се нашата клучна целна група со заедничка мисија: правилно селектирање на отпадот уште од нашите домови!
    Важноста на оваа иницијатива е да се научат граѓаните и учениците дека правилното сортирање и собирање на органскиот отпад од домаќинствата носи клучни придобивки за сите нас:

    Заштита на животната средина и здравјето: Ги спречуваме штетните влијанија врз почвата, водите, воздухот, како и директните ризици по човековото здравје.
    Растеретување на депониите: Значително ги намалуваме огромните количини отпад кои инаку без потреба би завршиле на депонија.
    Поттикнување циркуларна економија: Овозможуваме оптимизирани концептуални решенија каде отпадот се вклучува во секундарен циклус како вредна суровина за добивање нов производ.

    Секој чекор започнува од поединецот, но промената ја правиме заедно. Биди и ти дел од решението за позелена и поодржлива иднина!
     
    Оваа активност се остварува во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со EcoLogic и Center for Environmental Democracy – Florozon Флорозон – Центар за еколошка демократија.
    Проектот е подржан од владата на Швајцарија преку Цивика мобилитас.
    #CivicaMobilitass, #CHinMK, Цивика мобилитас (civicamobilitas.mk)

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор