[Aggregator] Downloaded image for imported item #44277

Повик за учество на новинарска работилница: Етички дилеми и вештачка интелигенција во новинарството

ОдЗдружение на новинарите на Македонија

Здружението на новинарите на Македонија (ЗНМ) организира тродневна новинарска работилница од 26.02 до 28.02.2026 година во Штип,  посветена на етичките дилеми во новинарството во ерата на вештачката интелигенција (AI), со фокус на влијанието на новите технологии врз современата новинарска пракса.

Целта на работилницата е да поттикне професионална и критичка дебата за тоа како вештачката интелигенција влијае врз процесите на собирање, производство и дистрибуција на вести, како и за можностите за усогласување на овие технолошки развои со постојните етички и редакциски стандарди.

Преку оваа работилница, новинарите и уредниците ќе имаат можност да развијат практично знаење и алатки за одговорно, транспарентно и етичко користење на AI технологии во редакциите. Посебен акцент ќе биде ставен на европските иницијативи за одговорна употреба на вештачката интелигенција, заштита на човековите права, алгоритамска транспарентност и борба против дезинформации.

Преку дискусии, студии на случаи и практични примери, учесниците ќе имаат можност да разменат искуства и да дискутираат за реални етички дилеми со кои се соочуваат новинарите во ерата на вештачката интелигенција.

Предност во процесот на пријавување и селекција на учесници ќе имаат млади новинари и колеги кои досега немале можност да бидат дел од ваков тип на работилници.

Сите трошоци за учесниците (транспорт, сместување и храна) ќе бидат покриени од страна на организаторот.

Начин и рок на аплицирање

Заинтересираните треба да ја достават својата апликација (кратка биографија и писмо за мотивација за учество, не повеќе од една страна) преку електронска пошта на следнава адреса bnasteska@znm.org.mk

Крајниот рок за доставување на апликации е 16.02.2026 година (понеделник) до 24ч, ЦЕВ. Лице за контакт и дополнителни информации: Билјана Настеска – Каланоска, 02/3298-139

Оваа вест изворно е објавена на веб-страната на Здружение на новинари на Македонија (ЗНМ)

Продолжи со читање

  • Јавен надзор над јавните набавки: неправилности и отстапувања во три големи јавни набавки

    СООПШТЕНИЕ ЗА МЕДИУМИ Денес, 19 март 2026 година, Центарот за граѓански комуникации го објави истражувањето Јавен надзор над јавните набавки: Студии на случај (издание бр.1). Издвојуваме дел од клучните наоди: 1. Тендер за корисниците на народни кујни во Скопје: За 1,5 милиони евра, храната се дели на улица и не секогаш според договореното Договорот за јавна набавка на готови оброци за корисниците на народни кујни во вредност од 1,5 милион евра не се спроведува во…

  • Превенција што дава резултати: објавени националните стандарди за превенција од употреба на дроги

    ХОПС – Опции за здрав живот Скопје го објави документот „Национални стандарди за превенција од употреба на дроги“, развиен во рамките на проектот за воспоставување национален систем за превенција во средните училишта, со поддршка од Европската Унија. Овие стандарди претставуваат сеопфатна рамка за планирање, спроведување, следење и проценка на превентивните активности на национално и локално […]
    The post Превенција што дава резултати: објавени националните стандарди за превенција од употреба на дроги appeared first on ХОПС.

  • Легалната миграција и правата на странците во фокус на втората тематска дискусија

    На 10 март 2026 година, во хотел Холидеј Ин во Скопје, се одржа настанот „Легална миграција и правата на странците: состојби и предизвици“, како продолжение на дискусијата одржана на 16 декември 2025 година. Настанот беше организиран од Македонското здружение на млади правници (МЗМП), во рамките […]
    The post Легалната миграција и правата на странците во фокус на втората тематска дискусија appeared first on Myla.

  • Благодарница за организација и постигнати резултати во крводарителството и покажана хуманост и солидарност

    На 17.3.2026 год. (вторник), по повод 17 март – Ден на крводарителството во конференциската сала во хотел Интернационал во организација на Црвениот крст на Република Северна Македонија – Општинска организација Велес се организираше Свечен настан за доделување на јубилејни признанија за крводарителството. Во рамките на овој настан беше доделена Благодарница…

  • Метаморфозис објави истражување за ефектите од дезинформациите и странските влијанија врз демократските процеси

    Фондацијата „Метаморфозис“ го објави истражувањето „Ефектот на дезинформациите и странските влијанија врз демократските процеси во Северна Македонија во 2025 година“, кое анализира како дезинформациите и пропагандните наративи влијаат врз јавната дебата, довербата во институциите и учеството на граѓаните во демократските процеси. Истражувањето комбинира анализа на дезинформациски наративи и анкета на репрезентативен национален примерок, со што […]

  • Како да се сопре падот на критичкото размислување?

    Критичкото размислување е основа на демократските општества, но и на научното истражување и на интелектуалната слобода и независност. Во рамките на една функционална демократија критичкото размислување им помага на граѓаните да ги оневозможуваат злоупотребите на власта и да им се спротивстават на манипулациите. Тоа е и вештина што филозофите, од Сократ до Џон Стјуарт Мил, […]

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор