Повик за истражувачка акдемија за млади

Младински образовен форум (МОФ) објавува отворен повик за млади истражувачи во рамки на Истражувачка академија за млади. Програмата има за цел да поттикне активно вклучување на младите од сите региони на земјата преку зајакнување на нивните истражувачки капацитети и создавање мрежа на млади истражувачи кои ќе работат на теми од значење за младите.

Оваа активност ја овозможува регионалниот проект „Поддршка од ЕУ за градење доверба на Западен Балкан“, којшто го финансира Европската унија и го спроведува Програмата за развој на Обединетите нации (УНДП).

Активности во рамки на програмата:
– 4-дневна Истражувачка академија за млади за развој на истражувачки вештини, методологии и дизајн на проекти (5–8 март 2026).
– Менторирано теренско истражување кое опфаќа собирање и анализа на податоци со поддршка од искусни истражувачи.
– Јавна презентација на истражувањата на завршен настан организиран од МОФ.

Услови за пријавување
– Да бидат млади лица на возраст од 18 до 26 години (студенти или дипломирани).
– Да покажуваат интерес за истражувања во областа на образованието, младинските политики, како и социјални и политички прашања од важност за младите.
– Да имаат разбирање за клучни младински проблеми на локално и национално ниво.
– Да бидат во можност да присуствуваат на Истражувачката академија (5–8 март 2026, надвор од Скопје).
– Да работат во тим и да учествуваат во истражувањето со поддршка од ментор во периодот од март до мај 2026.
– Да го презентираат своето истражување на завршниот настан организиран од МОФ.

Пријавување
Сите заинтересирани млади истражувачи можат да се пријават индивидуално или како тим (најмногу тројца истражувачи).

За аплицирање потребно е да се пополни апликацијата на следниот линк: https://forms.gle/u678LhqKbH8mT3HP9 

The post Повик за истражувачка акдемија за млади appeared first on МОФ.

Оваа вест изворно е објавена на веб-страната на Младински Образовен Форум