ЕПИ

Мрежата за помирување РЕКОМ поддржува пет локални иницијативи кои ќе придонесат за регионалното помирување

ОдИнститут за европска политика

Во рамките на програмата за доделување грантови на мали проекти „Поддршка на локалните чинители на граѓанското општество во иницијативите за транзициска правда и градење доверба во Западен Балкан – Мрежа за помирување РЕКОМ“, избрани се пет иницијативи како резултат на првиот повик за предлог проекти: Здружението на заборавени деца од војната (Босна и Херцеговина) и проектот: „Симболи на изгубеното минато“; ГАИА (Косово) и проектот „Предизвикувајќи ја пропагандата преку сеќавање“; Центар за застапување за демократска култура – ACDC (Косово) и проектот „Справувањето со минатото и помирувањето во Косово преку подигање на свеста за проблемот со исчезнатите лица“; Граѓански центар на Војводина (Србија) и краткиот филм „Милена“; и Стрип центар на Македонија (Северна Македонија) и проектот „Се што велиме е – Дајте шанса на помирувањето“.

„Симболите на изгубеното минато“ се осврнува, главно, на доминантната култура на сеќавање, ориентирана кон мажите, во Босна и Херцеговина, која ги занемарува воените искуства на останатите. Нивната цел е да промовираат различна култура на сеќавање, поинклузивна кон жените и децата, признавајќи ги нивните страдања поврзани со војната преку споделување на нивните лични искуства во форма на живи библиотеки со 15 учесници од Универзитетот во Сараево.

„Предизвикувајќи ја пропагандата преку сеќавање“ има цел да се спротивстави на пристрасните наративи и погрешни толкувања што водат до ескалација на етничките тензии во Косово. Ќе се реализира преку семинар на млади учесници (21-30 години), живи библиотеки и изложба на која ќе бидат претставени избрани медиумски наслови и пропагандни вести поврзани со насилните настани од 1998 до 2004 година во Митровица.

„Справувањето со минатото и помирувањето во Косово преку подигање на свеста за проблемот со исчезнатите лица“ ќе опфати пет фокус групи со претставници на граѓанското општество, медиумите и академската заедница кои ќе се обидат да понудат решение како да се запре манипулацијата со ова прашање за политички цели; повик за Op-Ed кој планира да ги преведе и објави најдобрите четири статии и медиумски промоции преку две емитувања.

Краткиот документарен филм „Милена“ ја прикажува насилната мобилизација на бегалците од Хрватска и Босна и Херцеговина и прашањата во врска со вината, одговорноста, цената на слободата. Целта е подигање на свеста за утврдените факти преку уметничка форма, како што е филмот, за публиката која е приемчива за уметноста, но досега не била во фокусот на интересот.

Стрип центарот на Македонија (Северна Македонија), слично како со претходниот проект, има цел да го надмине недостатокот на креативност во промовирањето на теми за регионално помирување, транзициска правда и справување со минатото преку објавување стрипови за регионално помирување и отворање повик за млади апликанти со нивните стрипови, проследено со изложба и други видови на промоција.

Од 1 септември до 16 октомври 2021 година, апликации и предлог проекти поднесоа вкупно 70 организации,: 16 од Босна и Херцеговина, 12 од Црна Гора, 14 од Северна Македонија, 14 од Косово и 14 од Србија. Избраниот тим за евалуација, составен од претставници на партнерските организации, избраа 24 апликации (10 ноември 2021 година) и истите ги покани да учествуваат на работилниците за градење капацитети и развој на проекти.

За време на петдневните работилници (6 – 10 декември 2021 година) претставниците на организациите имаа можност да ја слушнат Маријана Тома, историчарка, за инструментите на транзициската правда; Ана Милошевиќ, пост-докторантскa истражувачка на Универзитетот во Лувен за европеизација на политиката на сеќавање во Западен Балкан; двете следни сесии беа посветени на презентација на добри практика од други региони на учесниците преку работилница за раскажување вистини од граѓанското општество од пристап насочен кон жртвата, водена од г-дин Дарио Колменарес Милан, програмски директор на Глобалната иницијатива за правда, вистина и помирување (GIJTR). Во текот на последните три дена, организациите имаа време да ги претстават своите предлози за проекти и да добијат неколку прашања и коментари од Ана Марјановиќ Рудан, експертка за развој на проекти, но и од други учесници, со цел да им помогнат да ги приспособат и финализираат нивните предлог проекти преку мапирање и планирање конкретни активности и утврдување на распоред во форма на акционен план. По работилниците, како одговор на барањето на RRN, 19 организации поднесоа финален предлог проект, акционен план и нацрт буџет во дадениот рок (15 јануари 2022 година).

Втората евалуација во форма на дополнителна, непристрасна проценка на квалитетот на проектите и акциските планови беше извршена од страна на експертски тим и како резултат на тоа, на 30 јануари беше одлучено пет проекти да бидат финансиски поддржани од Мрежата за помирување РЕКОМ – еден од Северна Македонија, еден од Србија, еден од Босна и Херцеговина и две од Косово; и дека во март ќе следи вториот повик за предлози за уште 12 посебни иницијативи кои ќе придонесат за справување со минатото, транзициската правда и помирувањето.

Програмата за доделување грантови на мали проекти е дел од проектот „Поддршка на основните чинители на граѓанското општество во иницијативите за транзициска правда и градење доверба во Западен Балкан – Мрежа за помирување РЕКОМ“ финансиски поддржан од Европската Унија.

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор