Received 1317688215691556 mcms

Младите треба да бидат активни и гласни кон институциите

ОдМЦМС

Трите најголеми проблеми со кои се соочуваат граѓаните на општина Јегуновце се инфраструктурата (29,0%), условите за бизнис и вработување (18,0%) и осветлувањето во општината (17,7%). Трите најголеми проблеми со кои се соочуваат младите се невработеноста (33,7%), затворените и нетранспарентни институции (25,7%) и недостатокот од вештини и знаења потребни за пазарот на труд (22,7%). Ова го покажаа резултатите од истражувањето што го направи Локалната акциска група ЛАГ Скардус од с.Јегуновце кои беа презентирани на 20 јануари оваа година на посебен јавен настан што се одржа во просториите на општината.

Вкупно 20 учесници од населените места Јегуновце, Сиричино, Подбреѓе, Јанчиште, Жилче, Копанце, Раотинце, Туденце, Прељубиште, Јажинце, Шемшово, Теарце и Тетово дискутираа за перцепциите на испитаниците и за личните ставови и искуства поврзани со работата на локалната власт. „Општина Јегуновце и јас како градоначалник ја поздравуваме иновативната иницијатива“, рече во своето обраќање градоначалникот Димитар Костадиноски и додаде дека секогаш се отворени за соработка и ќе иницираат и поттикнуваат заеднички иницијативи со граѓанскиот сектор и граѓаните од општината.

Дел од истражувањето се осврнува на задоволството од првата година на работењето на локалната власт и степенот на реализација на програмата на градоначалникот. Со оглед дека проектот на ЛАГ Скардус се однесува на отворањето на мини индустриска зона во Подбреѓе, што е едно од ветувањата на Градоначалникот, граѓаните биле прашани дали знаат за него. Малку повеќе од една третина (36,7%) рекле дека слушнале за ветувањето, од нив, речиси половината (49,1%) немаат никаква информација за статусот на ветувањето. Дополнително, во фокусот на истражувањето беа и ставовите на граѓаните околу тоа како отворањето на мини индустриска зона би влијаело врз вработувањето на младите. 

„Ние како млади имаме шанса и обврска да се активираме и да бидеме позитивен пример за сите промени кои настануваат во локалната заедница, од нас младите треба да се покренат сите проблеми и треба да бидеме активни и гласни кон институциите“, рече Каролина Максимовска, студент. Резултатите од истражувањето покажуваат дека околу една третина од младите биле активно вклучени во локалните активности, а причините за нивната неактивност е неверувањето дека можат да влијаат на одлуките што ги носи локалната власт. 

Истражувањето беше спроведено во ноември и декември 2022 година на примерок од 300 испитаници од општина Јегуновце и треба да и покаже на локалната власт какви се ставовите на граѓаните во врска со нивната работа.

Сите активностите се овозможени со проектот  „Поддршка на изборните реформи во Северна Македонија“ на Владата на Швајцарија кој го спроведува Меѓународната фондација за изборни системи (ИФЕС), а грантовите ги администрира Македонскиот центар за меѓународна соработка (МЦМС). 

Продолжи со читање

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор