[Aggregator] Downloaded image for imported item #48856

„Инфлуенсерите не се новинари“ – реагираат претставници на Промедиа.мк

ОдЗдружение Совет за етика во медиумите на Македонија ЕТИКА ПРЕС Скопје (СЕММ)
На средбата со претставници на медиумите во Охрид и околината, членки на регистарот на СЕММ на професионални онлајн портали – Промедиа.мк, присутните отворија неколку интересни теми произлезени од нивното секојдневно искуство.
Новинарите бараат јасно разграничување меѓу „инфлуенсерите и новинарите“, со оглед на веќе раширената пракса – дел од инфлуенсерите да споделуваат информативни содржини преку социјалните мрежи, што не ги запазуваат основните стандардите за одговорна и етичка комуникација со јавноста, особено со младите.
„Разликата произлегува од фактот што инфлуенсерите, при комуникацијата со јавноста, ги рекламираат продуктите на своите спонзори, што ги става во ситуација на пристрасност, што пак се коси со основите на новинарството“ – посочија претставници на порталите на средбата со СЕММ.
„Во отсуство на дописничка мрежа во земјата, односно на се помал број новинари во помалите градови низ Македонија, на сцена стапуваат ПР тимовите на државните институции и функционери како нелојална конкуренција“ – забележуваат соговорниците на СЕММ, и додаваат дека наместо да се залагаат за максимална транспарентност на институциите, тие дистрибуираат до редакциите веќе монтиран видео материјал, по сопствен избор, најчесто некритички кон државните функционери.
Непрекинатото раситнување на медиумскиот простор, особено на интернет порталите, според претставниците на Промедиа, е веќе загрижувачки тренд што го урива квалитетот на медиумските содржини, поради што сугерираат создавање услови за здружување на новинарите во побројни редакции, со поголем уредувачки капацитет, како услов за поодговорни и разнородни содржини што ќе помогне за враќање на довербата во медиумите.
Во моментов, во регистарот „Промедиа.мк“ членуваат 115 интернет портали, со што доброволно се обврзуваат дека ќе го почитруваат Кодексот на новинари на Македонија и Насоките за етичко известување на онлајн медиумите. Членките на „Промедиа.мк“ се обврзуваат и дека ќе учествуваат во процесот на медиумска саморегулација со тоа што ќе објават одлука на Комисијата за жалби при СЕММ, во случај да е поднесена жалба против нивна содржина, и дека по барање на жалителот, доколку имаат пречекорено некое од правилата за одговорно и професионално новинарство – навремено ќе се извинат и ќе ја поправат грешката.
Оваа вест изворно е објавена на веб-страната на Совет за етика во медиумите на Македонија (СЕММ)

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор