![[Aggregator] Downloaded image for imported item #42864](https://civicamobilitas.mk/wp-content/uploads/2025/12/img_3895-1024x768-1.jpeg)
Едукативни работилници за справување со родово базирано насилство
Со цел подигнување на свеста и зајакнување на знаењата за родово базираното насилство, во изминатиов период успешно спроведовме три едукативни и интерактивни работилници во Прилеп, Кривогаштани и Долнени, каде се вклучија педесетина млади и жени од овие средини. Периодот на одржување на работилниците се поклопи со глобалната кампања „16 дена активизам против родово базирано насилство“, со што се засили пораката за нулта толеранција кон насилството врз жените.
Работилниците поттикнаа подлабоко разбирање на појавата на Родово базираното насилство и неговите различни форми, што придонесе кон зголемена сензибилизација за последиците што насилството ги остава врз поединците и заедницата. Преку интерактивен и партиципативен пристап, учесниците беа охрабрени не само да стекнат знаење, туку и да развијат емпатичен и активен однос кон поддршката на жртвите и спречувањето на насилството.
Работилниците беа заокружени со охрабрувачка порака дека секој од нас може да придонесе кон создавање побезбедна и поеднаква заедница – превенцијата започнува со свесност, знаење и активен ангажман.
*Оваа активност е дел од проектот „ Заедно против насилството: Подобрување на информираноста и реакцијата на заедницата “, кој го спроведувa Здружение за правна едукација и транспарентност Станица ПЕТ Прилеп“, во рамки на акцијата „СЕ ГРИЖИМЕ: Заедно се бориме против сексуалното и родовото насилство “, финансирана од Европската Унија, а предводена од Националната мрежа против насилство врз жени и семејно насилство.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
