УСПЕШНО РЕАЛИЗИРАНА ОБУКА ЗА РЕШЕНИЈА ЗАСНОВАНИ НА ПРИРОДАТА ВО ЃОРЧЕ ПЕТРОВ
Во соработка со Општина Ѓорче Петров, одржавме едукативна обука посветена на Решенија базирани на природата (NbS), наменета за вработени во општинската администрација, образовните институции и локалните граѓански организации.
Учесниците имаа можност да се запознаат со практичните пристапи за примена на решенија базирани на природата во урбани и периурбани средини, со фокус на:
Учесниците имаа можност да се запознаат со практичните пристапи за примена на решенија базирани на природата во урбани и периурбани средини, со фокус на:
- подобрување на квалитетот на воздухот и водата;
- управување со атмосферските води и намалување на ризикот од поплави;
- намалување на ефектот на урбан топлински остров;
- заштита и подобрување на биодиверзитетот;
- зголемување на климатската отпорност на локалните заедници
Преку примери како што се зелени покриви и ѕидови, дождовни градини, заштитни зелени појаси и урбано зеленило, истражувавме можности за подобрување на квалитетот на живот и поддршка на одржлив локален развој во општината.
Оваа активност беше спроведена во рамките на проектот „Решенија базирани на природата за унапредување на ублажувањето на климатските промени во Градот Скопјe“, поддржан од Амбасадата на Канада преку Канадскиот фонд за локални иницијативи (CFLI).
Оваа активност беше спроведена во рамките на проектот „Решенија базирани на природата за унапредување на ублажувањето на климатските промени во Градот Скопјe“, поддржан од Амбасадата на Канада преку Канадскиот фонд за локални иницијативи (CFLI).
Оваа вест изворно е објавена на веб-страната на Здружение на граѓани ФЛОРОЗОН-Центар за еколошка демократија Скопје
