цивил

Данела Арсовска, 20 години успешен менаџер, а сега не e вистински сопственик на ниту една фирма?

ОдЗдружение на граѓани ЦИВИЛ - Центар за слобода Скопје

На гостувањето во емисијата „Само интервју“ на 28.10.2021, кандидатката за градоначалник на град Скопје, Данела Арсовска потврди дека ја менаџирала спортската сала „Расадник“, откако и беше поставено новинарско прашање: „…имате ли вие некаква врска, или вашето семејство, со таа сала, ја имавте под концесија, дали вие ја менаџиравте?“

Иако Арсовска прво одговори дека поднела тужба за таа работа, откако новинарот и укажа „има некоја Империјал фирма што се спомнува…“, Арсовска потврди:

„Ете така… Мора да ви кажам, јас во овие 20 години сум била менаџер во многу претпријатија, и секаде до моментот додека сум била менаџер тие биле успешни претпријатија…“

Новинарот на Канал 5 експлицитно и постави прашање на Арсовска дали „е оваа сала дел од вашето портфолио?“, на што Арсовска одговори потврдно:

„Да, била пред 20 години, меѓутоа тие сите документи кои што се извадени и лагите кои што се искажани за да се направи целата оваа конструкција, за жал се невистина…“

Арсовска негираше дека салата била оставена во долгови, и укажа дека за таквите тврдења поднела веќе тужба, и дека очекува официјално разјаснување.

Откако новинарот на Канал 5 и укажа „Ама сега не знам колку вие имате удел во тоа, инаку салата се распаѓа, тоа се гледа дека не е добро менаџирано“, Арсовска реагираше: „Јас удел во тоа немам, ама ќе се докаже во следните денови кој лошо ја менаџира…“.

Во претходните денови, СДСМ на прес конференции укажуваше дека Арсовска ја крие поврзаноста со салата Расадник во биографијата објавена на нејзината Фејсбук страница. Според СДСМ, Арсовска била „катастрофален менаџер на скопската сала Расадник, изградена со самопридонес на скопјани, а ја зела под закуп на 25 години за само илјада евра месечно кога на власт беше ВМРО-ДПМНЕ“.

Од СДСМ исто така обвинија дека Арсовска се обидела да ги скрие од јавноста и семејните фирми со седиште на адресата на салата „Расадник“, а дека го криела и нејзиното моминско презиме Јовановска, „за да не се открие нејзиниот непотизам и поврзаноста на нејзините семејни фирми од сала Расадник со хотелите „Империјал“ и „Ројал“.“

„Цивил медиа“ направи проверка во Централниот регистар  (регистар на вистински сопственици) на тековна состојба за физичко лице – вистински сопственик за „Данела Арсовска“. Од добиените податоци се гледа дека Данела Арсовска е 100% вистински сопственик само на субјектот „Независен кандидат за градоначалник на град Скопје Данела Арсовска Локални избори 2021“, чиј организационен облик е опишан како „политичка партија“.

По ваквиот резултат, логично се поставува прашањето: Каков е тој успешен менаџер, како што се претставува во секое свое обраќање Данела Арсовска, кој има(л) врска со повеќе фирми, а сега не е вистински сопственик на ниту една фирма, освен субјектот кој собира финансиски донации за локалните избори?

„Цивил медиа“ направи проверка и во базата „Business and Financial Data Exchange of Southeast Europe“, каде што пребарувањето за „Danela Arsovska” ги дава следните резултати.

Од резултатите во оваа база на податоци се гледа дека покрај тоа што е правен претставник на својот политички субјект регистриран за потребите на кампањата на локалните избори, Данела Арсовска е и „член на надзорен одбор“ на финансиска институција во Скопје – Центар, а исто така и правен претставник во Штип на „екстериторијална организација“, правен претставник на организација на работодавачи во Кисела вода, како и авторизиран претставник на оддел на компанија во Скопје – Кисела вода.

Резултатите од пребарувањата не укажуваат дека Арсовска е сопственик на фирма, со што се потврдува нејзината изјава дека нема фирма на нејзино име.

Но, по изјавата на Арсовска „во овие 20 години сум била менаџер во многу претпријатија“, се поставува прашањето: зошто тие претпријатија не се спомнати во нејзината биографија, како доказ и пример на едно од главните тврдења на нејзината кампања – дека била успешен менаџер?

Покрај доказите за нејзино менаџирање на салата Расадник, што го потврди и Арсовска, СДСМ на неколку прес конференции изнесе повеќе докази дека таа порано била сосопственик и менаџер на повеќе фирми заедно со нејзиниот татко, дел од кои биле регистрирани со седиште во салата „Расадник“, a дел на други адреси.

Кога ја објави својата биографија, Арсовска пред јавноста рече: „сакам да знаете дека секогаш сум и ќе останам транспарентна по сите прашања“. Но, Арсовска ги избегнуваше повеќето новинарски прашања во врска со нејзиното менаџирање на фирми што не се спомнати во нејзината биографија, и остана сосем нетранспарентна за нејзиното минато како менаџер на фирми.

Кога кандидат за градоначалник се претставува како успешен менаџер и постојано тврди дека на градот му треба добро менаџирање, јавноста има право да знае каков менаџер бил тој кандидат во минатото. Ако Арсовска била успешен менаџер во многу претпријатија, како што тврди, јавноста има право да ги знае тие претпријатија, за да оцени дали нивното менаџирање било успешно.

Исто така, јавноста има право да знае, зошто лицето што се претставува како успешен менаџер не е вистински сопственик на ниту една фирма, иако во минатото фигурирало како сосопственик на повеќе семејни фирми заедно со нејзиниот татко?

Цивилмедиа во текот на предизборната кампања се обиде да стапи во контакт со Арсовска и да реализира интервју. И покрај неколкуте обиди, испратени покани и контакти со нејзиниот предизборен штаб, Арсовска не се одѕва на поканата на Цивилмедиа.

Истражувачки тим на ЦИВИЛ Медиа

Продолжи со читање

  • Учество на осмата меѓународна регата Сава Наутик во Брчко – БиХ

    Претставникот на извидничкиот одред “Димитар Влахов“ од Велес, Владимир Ивановски Вуцо и од Вардарска регата “Гемиџии“ Владимир Стојанов и Томе Шескокалов во периодот од 28-30.8.2026 год. на покана на здружението ИКС центар (X centar) од Брчко Дистрихт – БиХ земаа учество на осмата меѓународна туристичка рега “Сава наутик“. На оваа…

  • Погледнете го нашето ново промотивно видео и откријте како органскиот отпад може да стане вредна суровина!

    Преку силен фокус на циркуларната економија и еколошката едукација, сакаме да ги поттикнеме граѓаните на итна акција за правилно сортирање на отпадот — клуч чекор кон здрава животна средина и ублажување на климатските промени. Главни ѕвезди во видеото се наставниците и учениците од основните училишта каде што ги одржавме нашите едукативни работилници. Тие јасно порачуваат: со менување на секојдневните навики и активен граѓански ангажман, секој од нас има моќ да донесе позитивни промени во општеството!
    Ова видео е дел од промотивнтаа дигитална кампања со едукативно-информативни содржини за придобивките и начините за искористувањето на потенцијалот на органскиот отпад.
    Оваа видео е подготвено во рамките на проектот „Граѓански активизам за остварување на циркуларна економија во управувањето со органски отпад“, спроведуван од Resource Environmental Center – REC North Macedonia Центарот за ресурси во животна средина (РЕЦ) – Северна Македонија, Eco – Logic и Center for Environmental Democracy – Florozon Флорозон – Центар за еколошка демократија, со поддршка од Владата на Швајцарија и Embassy of Switzerland in North Macedonia преку програмата Цивика мобилитас #CivicaMobilitas.
     
    Содржината на оваа видео е единствена одговорност на партнерите во проектот и на ниту еден начин не може да се смета дека ги одразува гледиштата на Владата на Швајцарија #CHinMK, Цивика мобилитас #CivicaMobilitas, или организациите што ја спроведуваат.

  • Европски младински камп во Михелштат: Заедно растеме и создаваме лидери

    Програми Европски младински камп во Михелштат: Заедно растеме и создаваме лидери Кампот Михелштат во Германија беше домаќин на Европскиот младински камп, кој собра 135 учесници од 15 земји. По долго патување, а за некои и пристигнување во Михелштат низ серија на предизвикувачки услови, младите и нивните лидери се обединија околу заедничката тема: “Growing together – rooted in values – rising as leaders“, односно „Растеме заедно – вкоренети во вредностите – се издигнуваме како лидери“. Кампот понуди динамична програма исполнета со различни курсеви, интерактивни работилници и можности за размена на знаења и искуства. Курсевите беа задолжителниот дел и опфаќаа повеќе теми поврзани со менталното здравје, лидерството, активности на отворено поврзани со изградба на куќарки на дрва, обработка на темата “Do no harm” како методологија против било каков вид на насилство, односи со јавност, техники за раскажување приказни, театарски пристап во работата со млади и дигитално образование. Младите учесници и младинските работници активно придонесуваа со сопствените идеи, практики и перспективи, создавајќи простор во кој сите можеа да учат едни од други. Во фокусот беше заедничкото учење за иднината на младинската работа, како и развивањето лидерски способности засновани на вредности, соработка и меѓународно разбирање. Покрај едукативниот дел, програмата беше збогатена со многу креативни и забавни активности. Учесниците имаа можност да бидат дел од интернационален музички бенд, да создаваат уметност низ различни работилници за рачни изработки, цртање и сликање, работилници за дизајнирање восочни свеќи како и склопување и дизајнирање на куќарки за мали птици, да учествуваат во работилници за пеење (ten sing), да посетуваат сесии за релаксација и да учествуваат во спортски активности на терените на кампот во Михелштат. Дури и високите температури не ги спречија учесниците да учествуваат на сите овие настани, но и да уживаат во посетата на локалниот базен. За учесниците, покрај овие обврски, вклучена беше и прошетка до адреналински парк и возење на мал, планински ролеркостер, како и патување со брод по реката Мајна до блискиот град Милтенберг. Од Македонија имаше вкупно 7 претставници. Во изминатите четири години, овој камп прерасна во важно место за средба на европското ИМКА движење. Тој не претставува само меѓународен собир, туку простор каде што младите градат пријателства, споделуваат искуства и се инспирираат стекнатото знаење да го пренесат во своите земји и локални организации. Овој камп служи за сплотување на младинските работници низ камповите во Европа и е особено значаен за нашата земја од аспект на тоа што нуди споделување на искуства поврзани со камп културата која што ИМКА во Битола и во Македонија неуморно се труди да ја издигне на едно повисоко и препознатливо ниво за сите наши локални учесници, волонтери и поширока публика. * Пред да дојдам на кампот во Михелштат немав некои преголеми очекувања. Се надевав дека ќе запознаам нови луѓе, ќе стекнам пријатели и ќе разменам мислења со млади од различни земји. На крајот, сето тоа се исполни, па дури и ги надмина моите очекувања. Најинтересен и највпечатлив дел за мене беше курсот за лидерски вештини. Таму научив многу корисни работи за комуникацијата, тимската работа и начинот на кој еден лидер може позитивно да влијае на другите. Сигурно ќе ги применам овие знаења и во мојата заедница. За време на кампот стекнав поголема самодоверба во споделувањето на моите мислења и научив како подобро да ги разбирам и почитувам луѓето околу мене. Ова искуство ми помогна да пораснам како личност и да станам поотворен кон нови идеи и перспективи. Дефинитивно би го препорачал Михелштат кампот на секој млад човек кој сака да стекне нови искуства, да создаде меѓународни пријателства и да научи нешто корисно и вредно за својата иднина. Никола Гелов Кога првпат слушнав за кампот во Михелштат, сè ми дојде многу неочекувано. Бев пресреќна кога дознав дека и моите другарки добија можност да учествуваат, бидејќи знаев дека заедно ќе доживееме едно незаборавно искуство. Секој ден на кампот ми беше интересен на свој начин. Имав можност да научам многу нови работи и да запознаам луѓе од различни средини. Особено ми се допадна курсот по пеење. Таму научив дека не треба да се плашиме да пробаме нешто ново. Ако никогаш не се обидеме, нема да знаеме што можеме да постигнеме. Секој човек има свој талент и свој начин на изразување, а токму тоа нè прави посебни. Едно од највозбудливите искуства за мене беше активноста во Tree House. Искрено, пред да дојдам на кампот мислев дека тоа не е нешто што би го направила во мојот град. Но, овде решив да излезам од мојата зона на удобност и да пробам нешто ново. На крајот, многу се забавував и бев горда на себе што се осмелив да учествувам. Од курсот по пеење научив и една важна животна лекција: дека не треба да ги осудуваме другите. Секој може да направи нешто на свој начин и тоа не го прави помалку вреден. Наместо да критикуваме, треба да ги прифатиме и почитуваме разликите меѓу луѓето. Кампот ме научи да се дружам со сите, да бидам поотворена и да не донесувам брзи заклучоци за другите. Сфатив дека секој човек има своја приказна и дека сите заслужуваат почит, разбирање и поддршка. Најважната порака што ќе ја понесам со себе е дека треба да бидеме храбри и да не се плашиме од нови предизвици. Нема глупави прашања и нема неуспеси кога учиме нешто ново. Секое искуство е можност да пораснеме и да станеме подобра верзија од себе. Дефинитивно би им го препорачала Михелштат кампот на сите млади кои имаат можност да учествуваат. Пријателствата, чувството дека сте дел од едно големо семејство, новите искуства и сè што се учи таму се нешта што тешко можат да се доживеат на друго место. Тоа е искуство кое засекогаш останува во сеќавање. Јована Кирјаковска   Бидејќи и претходно имав учествувано на два меѓународни кампа надвор од Македонија, дојдов во Михелштат со високи очекувања и чувство на возбуда. Од моите претходни искуства знаев дека ме очекува нешто посебно, а кампот ги надмина сите мои очекувања. Она што најмногу ми се допадна беше разновидноста на курсевите и работилниците. Тие создадоа можност сите учесници да се запознаат подобро, да се дружат и да учат едни од други.

  • ENSURE истакнат како значајна иницијатива за идната подготвеност на првите одговорни служби

    ENSURE истакнат како значајна иницијатива за идната подготвеност на првите одговорни служби На 27 јуни 2026 година, Кирил Михајлов, командир на Доброволното противпожарно друштво Свети Николе, учествуваше на панел-дискусија во Скопје посветена на противпожарната заштита и подготвеноста за вонредни состојби. Во рамки на дискусијата беа разгледани дел од клучните предизвици со кои се соочуваат противпожарните…

  • Реални искуства од шумските пожари во функција на подобра подготвеност преку ENSURE

    Реални искуства од шумските пожари во функција на подобра подготвеност преку ENSURE Доброволното противпожарно друштво Свети Николе продолжува да придонесува кон целите на проектот ENSURE преку своето директно учество во сложени интервенции на шумски пожари во Северна Македонија. За време на големиот пожар во Општина Македонски Брод, тимот на ДПД Свети Николе беше ангажиран како…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор