Содржината на информациите презентирани во овој дел од веб странaта се единствена одговорност на грантистите и на ниту еден начин не може да се смета дека ги одразуваат гледиштата на Цивика мобилитас, Швајцарската агенција за развој и соработка (SDC) или организациите што ја спроведуваат. Информациите се презентирани како што се пристигнати и печатните или други грешки во нив се одговорност на самите автори.
Објавен првиот туристички водич на локалитети на територијата на Општина Кичево и реонот на Илинска планина Благодарение на поддршката на CNVP Foundation и Prespa Ohrid Nature Trust – PONT, а во рамките на проектот “Патот до селото: Создавање на одржлив рурален развој во срцето на природата“, Рурална Коалиција со поддршка…
Денот го поминавме со младите истражувачи од ООУ “Јан Амос Коменски” од Општина Карпош на работилница на тема „Техники за трансформација на биоотпадот” со наставничките Александра Блажевска и Христина Димитровска. Започнавме со дискусија за видовите отпад што се рециклираат, видовите на отпад можат да се преработат и за тоа дали учениците знаат што е компост. Ги поканивме учениците заедно да направиме нешто од отпадни масла и вредно работевме три часа. На крајот на денот Експертите задоволно ги пофалија учениците за нивното знаење и вклученост.
На 11 април 2025 год. се одржа работилница со основното училиште ООУ “Јан Амос Коменски” од Општина Карпош. Учениците и Експертите заедно произведоа биодизел, пектин и биофилм од кора од компири, учејќи преку примери за циркуларна економија.
Во рамки на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија, во партнерство со EcoLogic и Center for Environmental Democracy – Florozon – Центар за еколошка демократија, продолжуваме со одржување на едноденвните Работилници на тема „Техники за трансформација на биоотпадот” со основните училишта од Скопје.
За неполна седмица мнозинството пратеници изгласаа трет штетен закон во образованието без јавна дебата – спротивен на интересите и потребите на децата и младите.
Платформата за родова еднаквост и Мрежата за заштита од дискриминација остро реагираат на усвојувањето на третиот последователен штетен закон во областа на образованието – Законот за средно образование. Со најновите измени на законите за основно и средно образование се озаконува насилство и дискриминација врз децата, а младите остануваат без пристап до здравствена едукација базирана на докази.
И покрај епидемијата на насилство меѓу младите, новиот Закон за средно образование не ја препознава дискриминацијата како форма на насилство и освен физичкото насилство не препознава емотивно, психичко и сексуално насилство. Законот целосно пропушта да предложи мерки за унапредување на сексуалното и репродуктивното здравје на младите, и покрај поразителните податоци.
Ниту една стручна или младинска организација не побара вакви измени. Загрижува што пратеници од ВМРО-ДПМНЕ од парламентарната говорница отворено изразија поддршка за т.н. „загрижени родители“ – групи кои под превезот на „заштита на децата“ шират говор на омраза, дискриминација и теории на заговор, вклучително и против вакцинацијата и здравствената едукација. За илустрација – Претставници од движењата коишто беа консултирани за овие измени сметаат дека луѓето коишто се вакцинирани се ГМО и веќе не се луѓе и со тоа не уживаат човекови права. Истите групи со години оркестрираат напади врз експерти, активисти, новинари и маргинализирани заедници. Особено разочарува што првата жена-претседателка на државата ги поддржа барањата на овие радикални структури и ги потпиша указите за овие закони, иако фактите укажуваат дека тие ќе имаат долгорочни и штетни последици за младите.
Со тоа, Владата, Парламентот и Претседателката дејствуваат во спротивност интересите на своите граѓани, национални и меѓународни заложби и препораки што државата ги има добиено изминатава деценија од телата на Обединетите Нации за почитување на човековите права, со заложбите преземени во рамки на Целите за одржлив развој – особено Целта број 5 за унапредување на родовата еднаквост – како и со националното законодавство за заштита од дискриминација и Националната развојна стратегија на државата.
Сите три закони беа донесени по скратена постапка, без јавна расправа и без вклучување на експерти и млади – што претставува сериозно загрозување на демократијата и човековите права. Со исклучување на здравствената едукација, и со бришење на темите поврзани со родова еднаквост, сексуално и репродуктивно здравје, државата не само што ги негира реалностите со кои се соочуваат младите, туку свесно ги препушта на дезинформации, стигматизација, насилство и дискриминација.
Ја потсетуваме Владата која декларативно изразува грижа за младите и промовира популациона политика, дека незнаењето за сексуалното и репродуктивно здравје во практика – ја намалува возраста на стапувања во први сексуални односи кај младите, ја зголемува стапката на малолетничка бремености и раѓања, стапката на небезбедни абортуси кај малолетниците, сексуално преносливите инфекции, и ги зголемува здравствените ризици и неплодноста кај популацијата.
Потсетуваме на алармантните податоци кај нас кој треба да ги загрижат сите родители, наставници и граѓани:
Податоците за насилство дискриминацијата и здравјето кај младите се алармантни и треба да ги загрижат сите родители, наставници и граѓани на оваа држава:
Насилството е нормализирано во Македонија, се почести се случаите на вознемирување, сексуално насилство, малтретирање и силување кај младите извршено од малолетници, како во училиштата, така и во јавните простори;
Стапката на просечно стапување на прв сексуален однос кај младите во Македонија изнесува 15 години односно 16 години за девојчињата. За споредба со земјите каде здравствената едукација е интегрирана во училишните програми, младите го одложуваат влегувањето во прв сексуален однос, некаде дури и до 19 годишна возраст;
Стапката на тинејџерска бременост во 2023 година изнесува 13.4 на 1000 девојки на возраст од 15-19 години;
Младите на возраст од 15 до 18 години се најмногу изложени на насилство за разлика од другите возрасни групи во државата и младите кои ѝ припаѓаат на ЛГБТИ задницата се и до четирипати почесто малтретирани во училиште од хетеросексуалните врсници.
Дополнително, 15-годишници со хомосексуална и бисексуална ориентација страдаат два или повеќе пати почесто во споредба со своите хетеросексуални врсници, честопати со повеќе психосоматски симптоми (74%), чувства на тага и безнадежност (47%) или со сериозни самоубиствени мисли (30%).
Само во периодот од 2021-2023 се документирани 82 случаи на насилство во образованието врз ЛГБТИ млади, при што образованието е втора област по ред со најмногу документирани случаи на институционално насилство врз ЛГБТИ, после здравството.
Оттука, нашите барања остануваат непроменети:
Владата и Парламентот да ги реобмислат законите во образованието кои директно им штетат на здравјето на младите.
Отворање на широка дебата со младите, младинските организации, стручните здравствени организации и кои работат на заштита на правата на маргинализираните заедници, и подготовка на измени на Законот за основно образование, Законот за средното образование и Законот за учебници за основно и средно образование базирани на докази и наука, и во согласност со меѓународните документи за заштита на човекови права со кои суштински ќе се покаже вистинска грижа за младите.
Да обезбедат соодветни средства за спроведување на Законот за млади и да се инвестира во младинските центри во кои ќе се креираат безбедни простори за младите, обезбедат психолошки и здравствени услги за младите ширум државата.
Одржување на надзорна расправа за предизвиците и препреките во имплементација на Законот за спречување и заштита од дискриминација пред Постојаната анкетна комисија за заштита на слободите и правата на граѓанинот.
Итно и неодложно спроведување на подзаконски акти за заштита на децата од насилство и дискриминација во училишта.
Уште еднаш бараме од Претседателката Сиљановска-Давкова да не го потпишува Указот за Законот за средно образование и покрај тоа што со потпишувањето на претходните два закони ги погази своите декларативни и кампањнски заложби за родовата еднаквост и недискриминација.
Хелсиншкиот комитет за човекови права, во рамки на проектот „Фундаменталните човекови права на прво место-активен придонес за владеење на правото“, финансиран од Европската Унија како дел од програмата IPA III Civil Society Facility and Media Programme 2023, согласно Договорот за грант потпишан меѓу Хелсиншкиот комитет за човекови права и Европската Унија бр. IPA III/2024/461-642, спроведува постапка на прибирање на понуди, со упатување на покана – барање за доставување на понуди.
Потребна е изработка на функционална анализа со цел подобрување на организациската ефикасност и ефективност (опишани под точка 1).
За горенаведениот предмет понудите да бидат испратени најдоцна до 18.04.2025 година (ден) во 12:00 часот, по електронска пошта на jana.sotirovska@mhc.org.mk.
Со оваа покана ви ја доставуваме потребна документација која ги содржи сите информации кои ќе ви помогнат за изработка на понудата.
1. Опис на бараната набавка
Опис на потребните услуги:
Функционалната анализа треба да обезбеди јасна и објективна проценка на подготвеноста на Комитетот во краток и среден рок да ги имплементира потребните подобрувања за оптимално извршување на своите дејности.
Овој процес треба да резултира со документ кој ќе оцени ефикасноста и ефективноста на работните процеси, како и начинот на дистрибуција на ресурсите, со посебен акцент на човечкиот капитал.
Наодите и препораките од анализата ќе послужат како основа за редефинирање на приоритетите и структурата, со цел насочување на способноста кон постигнување подобри резултати.
Понудувачот во склоп на својата понуда треба да достави предлог-методологија чиј квалитет ќе биде една од точките на оценка
2. Општи информации
Од понудувачот се бара да достави преглог методологија како и најекономична и најдобра понуда во согласност со горенаведените материјали. Со тоа што во понудата секоја од горенаведените ставки треба да биде посебно образложена. Критериумите за избор на понудата се наведени под точка 3 на овој документ.
Цените при наведената понуда да бидат изразени без ДДВ.
3. Критериум за доделување на договорот за набавка
Критериумите за доделување на договорот за набавка се:
· економски најповолна понуда
· најефективна предлог – методологија
· претходно искуство при изготвување на ФА
· најдобар квалитет
· најкраток рок на испорака
За носител на набавката ќе биде избран оној понудувач чија понуда е најсоодветна според наведените критериуми.
4. Евалуација на понудите
При евалуацијата на понудите ќе се земат предвид понудените цени, квалитетот на понудата, предлог-методологијата, претходното искуство и времето на изготвување. Евалуацијата на понудите ќе се врши од страна на Комисијата, формирана од страна на Хелсиншкиот комитет за човекови права за спроведување на постапкатa.
Доколку вашата понуда биде избрана ќе бидете информирани;
Наведете рок на испорака по прифаќање на работата;
Во случај на потреба од дополнително појаснувања, слободно контактирајте не.
Напомена: Проектот е ослободен од ДДВ. По направен избор за најповолен понудувач ќе биде доставено решение и потврда од УЈП и СЕП.
Во рамки на проектот „Граѓански активизам за остварување на циркуларна економија во управувањето со органски отпад“, спроведуван од Центар за ресурси во животна средина (РЕЦ) – Северна Македонија, во партнерство со Еко Логик и Флорозон Центар за еколошка демократија, на 10 април, во средата, се реализираше едукативна работилница во Биотехнолошката лабораторија.Работилницата, која беше организирана за младите истражувачи од ООУ „Партенија Зографски“, им понуди можност за практично учење и истражување на иновациите во областа на одржливо искористување на органски отпад. Учениците се запознаа со некои од најдобрите практики за циркуларна економија, кои вклучуваат:◼️Производство на биодизел – процес кој им овозможува на учениците да се запознаат со важноста на обновливите извори на енергија и како отпадните растителни масла можат да се искористат за производство на еко-пријателски горива.
◼️Екстракција на пектин – учениците научија како се добива пектин, природен полисахарид со примена во прехранбената индустрија и фармацевтските производи.
◼️Изработка на биофилм од кора од компири – оваа активност ја истражува можноста за користење на отпадот од земјоделските производи, како што се кората од компири, за создавање на биоматеријали, кои можат да заменат пластика и други штетни материјали.Преку овие активности, учениците не само што го зајакнаа своето знаење во областа на науката и иновациите, туку и развија критичко размислување и креативност во справувањето со проблемите на животната средина.Активностите на проектот „Граѓански активизам за остварување на циркуларна економија во управувањето со органски отпад“ активно придонесуваат за еколошката свест кај младите генерации. Младите истражувачи покажаа интерес и ентузијазам, кои ќе се рефлектираат во нивниот понатамошен активизам за подобра и одржлива иднина.Проектот е поддржан од Владата на Швајцарија преку програмата Цивика мобилитас, а неговите активности продолжуваат да носат позитивни резултати за развојот на еколошката свест и иновациите во земјата.Зелената иднина е во рацете на младите!
HomeАктивностиПОВИК ЗА ПОДНЕСУВАЊЕ ПОНУДА ЗА Избор на оператори во Младинските Инфо центри за климатски промени во Охрид, Струга и Дебар во рамките на Проектот „Да учиме за климатските промени“
HomeАктивностиПОВИК ЗА ПОДНЕСУВАЊЕ Понуди за простор за Младински Инфо центар за климатски промени Во Охрид, Струга и Дебар во рамките на Проектот „Да учиме за климатските промени“
Младинската иницијатива за човекови права – Косово (YIHR KS) и институцијата Народен Правобранител на Косово организираа регионална конференција на тема „Зајакнување на партнерствата меѓу Народниот правобранител и граѓанското општество за заштита и унапредување на човековите права“, одржана во Приштина од 2 до 3 април 2025 година.
Александра Трајановска, проектната координаторка во Хелсиншкиот комитет за човекови права од Скопје, на конференцијата зборуваше за соработката и предизвиците со Народниот правобранител во Република Северна Македонија.
Соработката меѓу Народниот правобранител и граѓанските организации е од клучно значење бидејќи граѓанското општество служи како глас на ранливите заедници, додека институцијата Народен правобранител има законско овластување да ги решава повредите на правата. Меѓутоа, во многу случаи, ова партнерство е или слабо, недоволно искористено или попречено од системски бариери.
Иако Народниот правобранител има соработка со дел од граѓанските организации, сепак има области каде соработката со граѓанскиот сектор е ограничена. Конкретно, кога се работи за прашањата поврзани со правата на ЛГБТИ заедницата и родовата еднаквост, соработката е недоволно развиена. Ова укажува на потребата од проширување на соработката на Народниот правобранител со граѓанските организации во сите области на човековите права, со цел да се обезбеди сеопфатна заштита и унапредување на правата на сите граѓани.
Во рамките на Канцеларијата на Народниот правобранител во Северна Македонија е формиран Граѓанска контролен механизам врз полицијата за да обезбеди независен граѓански надзор над полициското постапување, особено во случаи на недолично однесување, злоупотреба и кршење на човековите права. Во него беа избрани 3 претставници на граѓанските организации. Сепак, и покрај неговиот ветувачки дизајн, механизмот не успеа да функционира ефективно поради неколку системски пречки како финансиската и институционалната независност.
Иако постои значителен потенцијал во соработката и односот на Народниот правобранител со граѓанските организации во Северна Македонија, сепак останува простор за подобрување кој може да се постигне со зајакнување на партнерствата, обезбедување подобра заштита на човековите права и справување со институционалните ограничувања.
Почитувани студенти, објавуваме повик за доделување грантови за активности на студентите во рамки на проектот „Промоција на безбедни училишта“, кој го спроведуваме во соработка со следните педагошките факултети:
Факултет за образовни науки (ФОН) – Штип, Универзитетот „Гоце Делчев“ – Штип,
Тетовски универзитет – Педагошки факултет и
Педагошки факултет – Битола, Универзитет „Св. Климент Охридски“- Битола
Краен рок за аплицирање: 24.04.2025
Потребните документи за пријавување и учество на студентите на македонски јазик се следни:Апликација за студентите на педагошките факултетиУпатство за грант за студентитеОбразец за буџет за грантот за студенти
Previous articleНашата работа
На 28 март 2025 година, во село Канатларци, општина Прилеп, успешно ја реализиравме информативната и едукативна сесија на тема: „Фацилитација за олеснување на пристапот до микрофинансирање за жени претприемачи“.
Целта на оваа сесија беше да им се доближат на жените информации и можности за користење финансиски услуги и поддршка за развој на сопствен бизнис. Учесничките имаа можност да се информираат за начините на користење финансиски ресурси преку претставување на концептот на микрофинансирање и програмите за микрозаеми, со цел да ги искористат овие механизми за сопствен економски напредок.
Наши гости и предавачи беа претставници од Халк Банк АД Скопје – филијала Прилеп, Директорот Игор Томески и агент за кредити Виктор Кадинец.
На настанот присуствуваа заинтересирани жени од руралната заедница, кои имаа можност да добијат корисни информации, да поставуваат прашања и да се запознаат со конкретни можности и услови за микрофинансирање и микрозаеми. Посебно задоволство ни беше што дел од присутните беа и нашите курсистки, кои успешно ги завршија обуки што ги организиравме и добија сертификати за стекнати вештини. За нив оваа сесија беше одлична можност да се информираат како да започнат сопствен бизнис и да ги искористат достапните финансиски програми за жени претприемачи.
Активноста беше успешно спроведена и предизвика голем интерес кај учесничките, со надеж дека ќе придонесе кон нивно економско јакнење и охрабрување за започнување или проширување на сопствен бизнис.
Организиравме во рамките на партнерскиот проект „Гласот и учеството на жените и младите во: Креирање јавни политики и овозможувачка средина за граѓанско учество“, што се спроведува од „Женска граѓанска иницијатива АНТИКО“ – Скопје, во соработка со проектните партнери „СЕКОГАШ СОЖИВОТ“ – с. Канатларци – Прилеп и „ЗОК АДРИОН“ – Желино, а со поддршка од Владата на Швајцарија преку Civica Mobilitas.
Цивика мобилитас е проект на Владата на Швајцарија, кој го спроведуваат МЦМС,НИРАС и ФЦГ. Мислењата кои се изразени овде се на Здружението “Секогаш Соживот не нужно ги одразуваат ставовите на Швајцарската Влада, Цивика мобилитас или организациите што ја спроведуваат.
Нема повеќе содржини
Нема повеќе содржини
Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.