Вести од граѓанските организации

Date:
16/04/2025

Со огромно задоволство ве покануваме на настан преку кој ќе се одбележи успешната соработка помеѓу наставници и ученици, кои заедно создадоа значајни едукативни материјали, интегрирајќи теми од уметност, технологија, природни и општествени науки. Овој настан ќе биде вистинска инспирација за вашиот професионален развој. На него ќе бидат претставени: Ако не сте во можност да присуствувате […]

Со огромно задоволство ве покануваме на настан преку кој ќе се одбележи успешната соработка помеѓу наставници и ученици, кои заедно создадоа значајни едукативни материјали, интегрирајќи теми од уметност, технологија, природни и општествени науки. Овој настан ќе биде вистинска инспирација за вашиот професионален развој. На него ќе бидат претставени:Прирачник за претприемништво – нови идеи кои ќе ве инспирираат да ги водите учениците низ светот на претприемачките предизвици.
Прирачник за воннаставни активности – креативни решенија кои ќе ви помогнат да ги инспирирате учениците да се изразуваат и учат надвор од училницата.
Онлајн лекции – нови дигитални ресурси кои ќе го збогатат вашето наставно искуство.
Презентација на најдобрите еколошки иницијативи и претприемачки проекти – извонредни примери на иновации и еколошки проекти во кои учениците активно учествуваа.
Статии од онлајн весник, создадени од учениците– кои се фокусирани на еколошки прашања и претприемништво – учениците ќе ги споделат своите истражувања и идеи за одржливост, заштита на животната средина и иновации во претприемачкиот сектор. Дополнително, ќе ви споделиме како да подготвите статија која ќе го привлече вниманието на читателите.
Презентација на стрип – едно поинакво и визуелно инспиративно искуство.Ќе ви бидат претставени основи на подготовка на стрип од развој на ликови и дијалози до целосна реализација.
Основи на дизајн–  Како визуелно да ги привлечете учениците во наставатаАко не сте во можност да присуствувате лично или сте надвор од Скопје, настанот ќе биде достапен онлајн преку платформата Zoom. (Ви овозможуваме потполно виртуелно искуство, така што можете да бидете дел од овој инспиративен едукативен настан, без разлика на вашето место на живеење.Пријави се. Поврзи се. Инспирирај се. Научи. Сподели. Развивај се себе и учениците.Бројот на учесници е лимитиран. Од таа причина, ќе биде врз принципот “прв дојден- прв услужен“, но истовремено земајќи го во предвид искуството во областа.Настанот е организиран од страна на Здружението на граѓани Еко Логик и ССОУ „Димитрија Чуповски“ – Велес, во рамки на проектот „GREEEN“, поддржан од Националната агенција за европски програми и мобилност.

OTHER Activities Events News

Еко Логик, во соработка со Национален Парк Галичица, организираше едукативна работилница за промоција на прирачникот H4U. Настанот беше отворен за сите и привлече учесници на возраст од 4 до 90 години, кои заедно учествуваа во низа едукативни и забавни игри. Целта на оваа работилница беше на пристапен начин, преку интерактивни активности, да се доближат темите […]
Read more

Во рамки на проектот H4U , тимот на Еко Логик имаше можност да го презентира новиот едукативен прирачник пред учениците од 9-то одделение во ООУ „Тодор Ангелевски“ во Битола. Овој настан претставуваше одлична можност да ги запознаеме учениците со значењето на природните живеалишта и биодиверзитетот, преку интерактивни и креативни активности кои се во согласност со […]
Read more

Во рамки на проектот „Граѓански активизам за остварување на циркуларна економија во управувањето со органски отпад“, спроведуван од Центар за ресурси во животна средина (РЕЦ) – Северна Македонија, во партнерство со Еко Логик и Флорозон Центар за еколошка демократија, на 10 април, во средата, се реализираше едукативна работилница во Биотехнолошката лабораторија. Работилницата, која беше организирана […]
Read more

Во свет каде што одржливоста станува сè поважна, Eco Logic со гордост е дел од проектот „Тренери за одржливост“ – кофинансиран од програмата Еразмус+. Во партнерство со организации од Германија (WNB e.V.), Италија (CSCI Novara) и Кипар (Synthesis), работиме на развој на иновативни образовни материјали и алатки кои ќе ги поттикнат идните генерации да станат […]
Read more

Со задоволство ви го претставуваме сетот алатки за одржливост, создаден во рамките на ГЕА проектот, во соработка со нашите партнери од Италија, Белгија, Германија, Литванија и Грција. Овој сет претставува вреден ресурс за сите кои сакаат да го продлабочат своето знаење за животната средина, граѓанската наука и одржливите начини на живеење. 🔗 Истражете го сетот […]
Read more

​Во Основното училиште „Малина Попиванова“ во Кочани, ученици и наставници активно учествуваа во пилотирањето на проектот „Цели за одржлив развој за ученици“ (sdgs4pupils), кофинансиран од програмата Еразмус+ на Европската унија.​ Едукативна платформа за ученици Платформата нуди интерактивни презентации, квизови и предизвици за секоја од 17-те Цели за одржлив развој, насочени кон ученици на возраст од […]
Read more

Реализирајки го институционалниот грант од Американскиот мировeн корпус заедно со волонтерот Вероника Чемпион, во периодот од 11-13.04.2025год. во извидничкиот центар Голозинци во општина Чашка, извидничкиот одред “Димитар Влахов” од Велес организираше тренинг  за водачи за своите членови. Овој тренинг е дел од целокупните активности со Мировниот корпус. На тренингот се…

Денес на 15 март 2025г. Македонскиот центар за меѓународна соработка во име на Регионалната мрежа за лидерство и интегритет во Југоисточна Европа -(СЕЛДИ), ја организираше Средбата на високо ниво – „Борба против корупцијата: Иновации против нелегалната моќ“.

Во воведните обраќања Александар Кржаловски, Директор на Македонскиот центар за меѓународна соработка, истакна дека СЕЛДИ од своето основање пред 25 години прерасна во еден од водечките гласови на граѓанското општество во земјите од Западен Балкан во борбата против корупцијата. И покрај зајакнатите демократски капацитети, националните механизми за борба против корупција остануваат случајни, краткорочни и политички мотивирани. Заменик шефот на Делегацијата на ЕУ во Република Северна Македонија,  Бен Непнау нагласи дека се потребни длабоки и системски општествени промени со конкретни цели, чекори и временска рамка за напредок. „Корупцијата е политички проблем и бара политички решенија и тоа на високо ниво во рамките на институциите“, додаде тој.

Во рамки на клучната дискусија со фокус на борбата против корупцијата во земјите од Западен Балкан, осврнувајќи се на можните трендови и решенија Заменик претседателот на Владата на Република Северна Македонија, задолжен за политики на добро владеење, Арбен Фетаи, посочи дека корупцијата не е само административен туку и општествен проблем, а последните четири трагедии во изминатите години, каде стотици граѓани ги изгубија животите, е пример за последиците од истата. Тој воедно истакна дека новата Влада нема повеќе да толерира изговори и  продолжување на статус квото и неодговорното однесување. „Нашата цел е фокусирање на Европската агенда, и имплементирање на реформите за ресетирање на системот за доброто на граѓаните. Во време на неизвесност и војна и со помалку финансиски средства за поддршка во борбата со корупцијата мораме заеднички уште повеќе да се посветиме на изнаоѓање на решенија кои ќе го победат корумпираниот систем и одговорат на предизвиците“, додаде тој.
Воедно, на панел дискусијата учествуваа и Н.Е Вероник Улман, Амбасадорката на Швајцарија, Никол Варнес, Заменик шефот на мисијата на амбасадата на САД и Барт де Брујин, Регионалниот координатор за владеење на правото од Кралството на Холандија во Србија и Црна Гора. Говорниците  ги споделија нивните согледувања за актуелните предизвици и постигнувања во регионот во справувањето со корупцијата  и влијанието на повлекувањето на странската помош врз антикорупциските напори.

Средбата опфати и две панел дискусии каде се дискутираше  за  поддршката на доброто владеење и економската стабилност преку ефективни механизми за справување со корупцијата, каде збор земаа Д-р. Тихомира Костова, Аналитичар од Институт за изучување на демократијата од Бугарија, Д-р. Слаѓана Тасева, Декан и Извршен директор на Меѓународната академија за анти-корупција и Марина Ковачиќ, Лидер на компонентата за справување со нелегални текови во Западен Балкан, во рамки на ГИЗ во Северна Македонија.

Понатаму, во втората панел сесија се зборуваше за градењето  на институционална  отпорност во справување со нелегални финансиски текови и заробеноста на државите. Во оваа сесија говорници беа Миша Поповиќ, Раководител на одделот за добро владеење при Инстиутот за Демократија „Социетас Цивилис“, Билјана Каракашова Шулев, член на Државната комисија за спречување на корупција, Даниела Минева, Виша аналитичарка при Институт за изучување на демократијата од Бугарија и Хендрик Бошмаер, проектен менаџер за Југоисточна Европа, во одделот за глобални односи и соработка на ОЕЦД.

Воедно беа презентирани резултатите од последниот Регионален анти-корупциски извештај на СЕЛДИ за Западен Балкан, кои говорат за нерамномерниот напредок и застојот на реформите во државите кои остануваат површни и подложни на надворешно влијание. Истовремено корупцијата, клиентелизмот и политичкото влијание врз институциите продолжуваат да го поткопуваат владеењето на правото и пристапот до правда.
Средбата се организираше во рамки на проектот Граѓанско општество за добро владеење и антикорупција во Југоисточна Европа: Градење на капацитети за застапување врз база на докази, влијание врз политики и граѓански ангажман (СЕЛДИ.нет), финансиран од Европската Унија. Настанот е кофинансиран со средства од Централната Европска Иницијатива.

Следно >

Поврзани:

Со одлука на Владата, Петар Богојески е именуван како директор на Националната агенција за европски образовни програми и мобилност (Еразмус +) и треба да ја преземе функцијата на 15 мај 2025 година. Мрежата за заштита од дискриминација бара повлекување на одлуката за именување на Петар Богојески како директор на Националната агенција за европски образовни програми и мобилност, поради неговите изјави со вознемирувачки говор, навреди и говор на омраза, како и постапки кои се спротивни на европските вредности.
Програмата Еразмус+ се стреми кон промоција на еднакви можности и пристапност, инклузија, диверзитет и правичност во сите активности кои ги поддржува. Програмата исто така ги цени националните агенции како клучни во поддршката на проекти кои овозможуваат што е можно поголема инклузивност и застапеност на различноста. За постигнување на овие цели, постои Рамка за мерки за инклузија и Стратегија за инклузија и прифаќање различности.[1]
Сметаме дека назначување на човек кој со своето однесување на социјалните медиуми секојдневно ги гази овие принципи и ги презира луѓето кои ги почитуваат, не само што не е основано, туку претставува и навреда на Програмата која постои повеќе од 35 години и која постојано вложува во развојот на младите. Истовремено сме и крајно загрижени од реакцијата на Министерката за образование која на укажувањата на повеќе чинители во општеството, вклучително и на Министерот за европски прашања изјавува дека неговата работа ќе се следи со поголем фокус.[2] 
Од друга страна, јавноста подолго време ја има можноста да го следи работењето на именуваниот директор – преку неговите изјави и коментари на социјалните мрежи. Мрежата за заштита од дискриминација интегрално ги пренесува искажаните изјави и однапред се извинува за цитирање на зборови коишто не се соодветни за било каква комуникација, особено не од страна на именувани функционери.
Искажани ставови и начин на комуникација
Преку неговите социјални мрежи (во прилог), именуваниот директор Петар Богојески има употребено вознемирувачки говор, навреди, говор на омраза и/или поттикнување на дискриминација, нетолеранција и/или насилство кон следниве заедници:

Македонци – Во коментари кон неговите следбеници кои искажале спротивно мислење од неговото, има изјавено „нема попросто од македонче!“, „па пола од Македонците немаат прочитано една книга во животот и мислат дека Букефал бил крал!“ и „Нема позабеган народ од нас“. Во други преписки, се обраќа до граѓаните со зборовите „овци“, „магаре“, „стока јаничарска“, „стоко една“, „дебил“, „стоко неписмена“ итн.
Албанци – При обраќање до албанското малцинство, неретко го користи зборот „шиптар“ и има изјавено „шиптар може само коза да ебе! За друго не го бива“.
Жени – При онлајн препукување со негови следбеници, има реферирано на нечии сопруги, мајки, вујни итн. При преписка со следбеничка за промена на грбот, има изјавено „на грбот ништо, на вас ви фали почитувана госпоѓо. Ама тоа е Божја работа, не сте вие виновни.“ Поради контекстот, конкретната преписка можете да ја најдете во прикачените фотографии.
Лица што живеат со ХИВ – Во преписки со следбеници за изглед на луѓе што се поддржувачи на друга идеологија, има изјавено „оф завалијата со ХИВ68“, „незнаат да читаат…загреота се! Ги потепа ХИВ68“, „сериозно е ова пореметување поради ХИВ68“ и „не може фајде со зараза од ХИВ 68“.
Политичка основа: Во други наврати, преку својот профил, именуваниот директор Петар Богојески упатува навреди кон неистомисленици („, „има ли поглупо нешто од левичар“, , „абе вие на зајко измеќарите со јованка и до Дубаи отидовте! Баве тоа шутрачаааната“).
Користење на навредлив и вознемирувачки говор: Во преписка со следбеник, којшто исто користи вознемирувачки говор, именуваниот директор Петар Богојески изјавува „ти провери ги тоа твоите околу тебе чиви копилиња се! Да не испадне комшијата замешан?“. На прашање на следбеник дали поставеното прашање е наградно, Богојески одговара со „да! Ќе добиеш патување во Газа.“

Претходни постапки
Богојески е обвинет за ширење на говор на омраза, особено преку социјалните мрежи. Во август 2024 година, Коалицијата „Вреди“ поднесе кривична пријава против него за објави на Фејсбук кои се сметаат за поттикнување на национална, расна и верска омраза.[3]
Активисти од повеќе граѓански здруженија (Селма Ризвановиќ Мандал – Здружение на жени ЕДУ НИСА Скопје, Аделаид Каришиќ – Бошњачки Истражувачки Центар Скопје, Изета Бабачиќ – Здружение на бошњачката жена Диванхана Скопје, Мерсиха Смаиловиќ – Здружение на граѓани ЛЕГИС Скопје, Мухамед Шукурица – Форум на Бошњаците во Македонија и Јусуф Чоловиќ – Здружение на граѓани НАФАКА) до Министерството за внатрешни работи поднесоа пријава за говор на омраза и закани до Петар Богојески, државен советник во Министерството за одбрана.[4] Поради свои искажани ставови, Богојески доби и отказ од страна на Министерството за одбрана.[5]
Ширење дезинформации
На 3 декември 2023, Богојески одржа прес пред МВР и Обвинителството, објавувајќи опасна, етнички обоена дезинформација за грабнувањето на Вања Ѓорчевска, со која ги разгоре социјалните мрежи. Тој тврдеше дека властите прикриваат убиство, наведувајќи дека „осомничените биле пуштени на слобода од полициска станица“ и прашувајќи „дали се веќе пренесени на Косово?!?“
Токму поради ваквите шпекулации дека случајот има етничка позадина, од Јавното обвинителство во своето соопштение од 3 декември 2023 година нагласија дека сите петмина осомничени за убиството се Македонци.[6]
*****
Ваквите ставови и начин на комуникација немаат простор во јавниот дискурс, особено не од страна на именуван функционер. Нема простор ниту за  минимизирање на искажаните ставови на Богојески од страна на претставници на Владата, изјавувајќи дека „неговата работа посебно ќе се следи, поради реакциите во јавноста, но засега не може ништо да се комeнтира“. Агенцијата со којашто треба да раководи Богојески има мандат да „ја зајакнува улогата на доживотното учење во создавање на чувство за европско граѓанство засновано на разбирање и почитување на човековите права и демократијата и охрабрување на толерантноста и почитта кон другите народи и култури“. Целта на Националната агенција за европски образовни програми и мобилност е да работи на промоција и спроведување на европските програми во областа на образованието, обуката, младите и спортот во Република Северна Македонија. Националната агенција со остварување на овие програми придонесува во развојот на заедницата како општество засновано на напредно знаење, со одржлив економски развој, повеќе и подобри работни места и поголема социјална кохезија, истовремено обезбедувајќи заштита на средината за идните генерации а особено размена, соработка и мобилност во областа на образованието и обуката. Ставовите и изјавите на Богојески се спротивни на вредностите кои ги промовираат европските програми како Еразмус+, што го прави несоодветен за водечка позиција во институција која има за цел промовирање на европски вредности, инклузивност и меѓукултурна соработка.
Имајќи го предвид горенаведеното, Мрежата за заштита од дискриминација бара повлекување на именувањето на Петар Богојески од функцијата директор на Националната агенција за европски образовни програми и мобилност.

Имаш идеја како да обработиш одредена тема од областа на медиумите, медиумската писменост и интеркултурниот дијалог? Покрај тоа, имаш искуство во креирање медиумски содржини и кампањи од оваа област или те интересира како да научиш? Имаме вистинска вест за тебе!
Во рамки на проектот „Youth in Western Balkans – A Virtual Postcard“ заедно со партнери од Босна и Херцеговина, Србија и Црна Гора, распишуваме заеднички повик за Летен камп во Мојковац (Црна Гора), кој има за цел продукција на мултимедијални содржини. Летниот камп ќе се одржи од 19 до 22 јуни 2025 година во Хотел и Резорт Гачка, а трошоците за патување и сместување се покриени од страна на организаторите. Работниот јазик на кампот е англиски.
Што се очекува од тебе?

Да имаш помеѓу 18 и 30 години
Да учествуваш активно на кампот во Мојковац
Потенцијално да имаш идеја/тема на која би сакал/а да работиш со ментор/ка
Да знаеш или да сакаш да научиш како да ги препознаваш стереотипите во медиумите и на социјалните мрежи, штетниот говор, говорот на омраза и како да се спротивставиш на штетни медиумски наративи

За време на трите активни денови од тренингот, ќе имаш можност да работиш во група со уште две млади лица на изработка на мултимедијална содржина (текст, видео, подкаст, објава за социјални мрежи и слично). Дополнително, ќе добиеш поддршка од одлични тренери кои ќе ти бидат ментори/ки.
Во Мојковац со нас ќе бидат: креаторката на содржини за социјални мрежи Нина Павиќевиќ (Критички), новинарот од Северна Македонија Огнен Јанески и новинарот на Нова С од Босна и Херцеговина Тахир Жустра.
По завршувањето на тридневниот камп во Мојковац, заедно со менторот/ката и твојата група ќе продолжиш со развој и изработка на мултимедијална содржина, во согласност со договореното на кампот. За финализација на содржината ќе имаш рок од еден месец по тренингот.
Процес на пријавување и селекција
Доколку сакаш да се пријавиш, пополни ја Google формата која се наоѓа овде. Рокот за пријавување е 11 мај до 23:59 часот. Известување за резултатите од селекцијата очекувај до 16 мај 2025 година.
Максималниот број лица по група е три, а вкупниот број на групи ќе биде девет. Почетната идеја на летниот камп е заедно со твоите врсници да поминеш низ процес на учење за медиумска и информациска писменост, интеркултурен дијалог и деконструкција на стереотипи и спротивставување на штетни медиумски наративи. Како резултат на тоа, ќе имаш можност да се пријавиш за вредни награди. Кои?
Создадените трудови на летниот камп во Мојковац ќе можат да влезат во конкуренција за вредни парични национални и регионални награди, за кои повик ќе биде објавен во септември и октомври оваа година.
Доколку те интересира како изгледаше победничкото видео за регионалната награда, кое беше создадено во рамки на интеркултурна размена во живо, можеш да го погледнеш овде.
За сите прашања поврзани со повикот, можеш да пишеш на е-пошта: aleksandar@media-diversity.org.

Македонскиот центар за меѓународна соработка (МЦМС) и Центарот за изучување на демократијата од Бугарија, во име на СЕЛДИ мрежата, организираат настан насловен „Средба на високо ниво –  Борба против корупцијата: Иновации против нелегалната моќ“.

Настанот ќе ги обедини носителите на политики, претставници на граѓанското општество и меѓународната развојна заедница, кои ќе дискутираат за иновативни идеи и итни мерки за повторно ангажирање на владите во борбата против заробеноста на државите, нелегалните финансиски текови и стратешката корупција.
Поврзувајќи ги локалните антикорупциски иницијативи со глобалните и регионалните политики, средбата ќе ги оспособи граѓанските организации од Западен Балкан со знаења за глобалните трендови во борбата против корупцијата, промените во донаторските стратегии и влијанието на геополитичките промени, вклучително и процесот на пристапување во ЕУ.
Подетални информации за програмата може да се најдат во Агендата.
Настанот се организира во рамки на проектот „Граѓанско општество за добро владеење и антикорупција во Југоисточна Европа: Градење на капацитети за застапување врз база на докази, влијание врз политики и граѓански ангажман (СЕЛДИ.нет)”, финансиран од Европската Унија.
???? Настанот ќе се пренесува во живо преку ZOOM и Facebook.???? Регистрирајте се за онлајн учество преку следниот линк: https://forms.gle/PiJXQPw7gpQjiood6

Следно >

Поврзани:

Платформата за родова еднаквост го следи судењето против 36-годишната Ванѓелица од Кратово, којашто е жртва на семејно насилство, а која Основнот јавно обвинителство ја гони за сторено кривично дело „Убиство со умисла“. 
Како што веќе нагласивме, сметаме дека во конкретниов случај станува збор за акт на самоодбрана, односно за институтот „нужна одбрана“, а не за сторено кривично дело „убиство со умисла“, како што тврди Јавното обвинителство.
Во текот на судењето беа презентирани и вештачење на обвинителството и вештачење на одбраната. Двете вештачења утврдуваат дека обвинетата немала намера да го стори делото и не го планирала, односно целта ѝ била да се одбрани од жртвите. Обвинетата поради повеќегодишните конфликти со жртвите носела во себе афектна тензија спрема нив, а во критичниот момент, поради чувство на животна загрозеност од сопругот којшто викал, ѝ се заканувал и ја тепал, довело до афектна ерупција при која таа посегнала по нож. Кога влегол свекорот и ѝ рекол дека ќе ја убие, тргнувајќи кон неа за да ја нападне, таа повторно посегнала по нож.
Афектот бил од конфликтните ситуации, фрустрациите од повеќегодишното малтретирање, закани, вербални расправии со сопругот и свекорот. Поради страв за сопствениот живот, ситуацијата кулминирала со силно афектно празнење што довело до убиство. За да настапи силна раздразнетост постојат четири критериуми: интензивен афект, афект што не е вина на сторителот, афект предизвикан од жртвата што настанува во краток временски период – миг. Настанот траел кратко, таа делувала во миг раздразнета од моменталното чувство дека животот ѝ бил загрозен.
И доказите на обвинителството, но и вештачењето на одбраната, потврдуваат дека станува збор за акт на самоодбрана, односно, за институтот „нужна одбрана“. Оттука, бараме обвинителството да го преквалификува делото, имајќи ја предвид и веќе постоечката судска пракса. Постапувањето на Јавното обвинителство многу наликува на случајот на Пале Иловска од Велес која исто така беше долгогодишна жртва на семејно насилство и во акт на самоодбрана го уби насилникот. Слично како и во овој случај, и неа Обвинителството ја гонеше за „убиство на миг“. Судот тогаш правилно донесе ослободителна пресуда.
Платформата за родова еднаквост бара доколку ОЈО Куманово не изврши преквалификација на делото, судот да постапува со должно внимание во овој предмет и да ги разгледа сите решителни факти и да ги земе предвид принципите утврдени со ослободителната одлука во случајот на Пале.

Еко Логик, во соработка со Национален Парк Галичица, организираше едукативна работилница за промоција на прирачникот H4U. Настанот беше отворен за сите и привлече учесници на возраст од 4 до 90 години, кои заедно учествуваа во низа едукативни и забавни игри.Целта на оваа работилница беше на пристапен начин, преку интерактивни активности, да се доближат темите за заштита на животната средина до сите возрасти. Работилницата беше базирана на принципите на неформално образование и меѓугенерациско учење, каде знаењето се гради преку заедничко искуство и соработка.Енерџајзер: „Кој сум јас?“Настанот започна со динамична загревање игра, во која секој учесник доби стикер со име на животно или растение. Со поставување на прашања на кои може да се одговори само со „да“ или „не“, учесниците имаа задача да откријат кој лик го претставуваат. Оваа активност го олесни запознавањето и создаде позитивна и пријателска атмосфера.Игра 1: „Патека од шепоти“Во оваа игра, учесниците се движеа низ мистериозна патека, собирајќи фрагменти од приказни и решавајќи загатки. Тимовите заработуваа поени за успешно раскажување на приказни, креативно размислување и точно решавање на предизвиците. Играта ја стимулираше имагинацијата и ја поттикна тимската соработка, додека учесниците истражуваа и учеа за природните живеалишта на интерактивен начин.Игра 2: „Природно бинго“Учесниците добија табли со различни природни елементи кои требаше да ги пронајдат во околината – листови, инсекти, облаци, камчиња и други природни богатства. Играта го поттикна вниманието кон деталите и разви еколошка свест преку активно набљудување на просторот што нè опкружува.Размена на искуства меѓу генерацииПосебна вредност на настанот беше можноста за поврзување меѓу различни генерации. Природата стана заедничка тема за разговор, игра и учење, а секој учесник даде свој придонес со знаење, љубопитност или животно искуство. Овој пристап покажа дека еколошката едукација е успешна и значајна кога е вклучувачка и инспиративна.Голема благодарност до Национален Парк Галичица и до Biodiversity 4 Everybody кои ни пружија поддршка во реализацијата на овој настан. Благодарение на нивната посветеност, успеавме да овозможиме квалитетно и инспиративно доживување во природа за сите генерации.

Во рамки на проектот H4U , тимот на Еко Логик имаше можност да го презентира новиот едукативен прирачник пред учениците од 9-то одделение во ООУ „Тодор Ангелевски“ во Битола. Овој настан претставуваше одлична можност да ги запознаеме учениците со значењето на природните живеалишта и биодиверзитетот, преку интерактивни и креативни активности кои се во согласност со методологијата на проектот.Целта на активностите беше да се поттикне љубопитноста и набљудувачките способности кај учениците, додека учат за значењето на екосистемите и природното богатство околу нив.Игра 1: „Живеалишта за животни“Учениците имаа задача да поврзат различни животни со нивните природни живеалишта. Преку оваа активност, дискутиравме за тоа како секое животно има свој дом во природата – шума, река, планина или ливада – и зошто е важно овие живеалишта да се зачуваат.Игра 2: „Природно богатство“Втората активност беше вистински предизвик за креативност и внимание. Учениците излегоа надвор и имаа задача да најдат лисја во форма на:❤️ срце
💧 солза
🔺 лист со три аглиОвие форми им помогнаа на учениците да размислуваат за природата преку визуелна и емоционална призма, а воедно и да научат повеќе за различните видови растенија во нивната околина.Во ООУ „Гоце Делчев“ – Могила реализиравме работилница за H4U, во која учествуваа ученици од мешани одделенија – 5-то и 9-то. Заедно разговаравме за придобивките од престојот во природа, значењето на физичката активност и начинот на кој пешачењето може да се користи како алатка за учење. Работилницата овозможи размена на идеи и искуства меѓу учениците од различни возрасти, што придонесе за уште побогата дискусија и заедничко учење.Учениците покажаа голем интерес и активно учествуваа во сите активности. Разговорите што ги водевме за време на игрите беа исполнети со љубопитност, креативни размислувања и свесност за важноста на природата. Со оваа презентација, не само што го претставивме H4U прирачникот, туку и успеавме да поттикнеме љубов и почит кон природното наследство кај најмладите.Продолжуваме со активностите низ Македонија, едуцирајќи ги младите за важноста на зачувување на биодиверзитетот и природните ресурси.