Вести од граѓанските организации

Македонскиот центар за меѓународна соработка (МЦМС) ја проверуваше ПЕРЦЕПЦИЈАТА НА ГРАЃАНИТЕ ЗА БЕЗБЕДНОСТА, како личната, така и општо, во државата.

Резултатите од истражувањето покажуваат дека кога е во прашање личната безбедност, половина од граѓаните (52,7%) се чувствуваат безбедно во средината во која живеат и работат. Етничките Македонци (59,4%) и припадниците на другите етнички заедници (53,8%) се побројни меѓу оние кои се чувствуваат безбедно додека тој процент кај етничките Албанци изнесува 33,3%.  Прашани кој најдобро ќе ги заштити нив и нивните семејства, најголем број од граѓаните (46,2%) имаа доверба само во себе, односно сметаат дека тие самите најдобро ќе ја заштитат својата и безбедноста на нивното семејство. Една петтина рекле дека никому не му веруваат, а нешто помалку, односно 19,0% сметаат дека полицијата ќе ги заштити најдобро.
Граѓаните најбезбедно се чувствуваат дома. Како се зголемува дистанцата, односно опкружувањето, така се намалува чувството на безбедност од 91,2% (за безбедноста во домот), до 85,4% кога во прашање е нивната населба, па се до 60,4% кога станува збор за државата.
Кога се во прашање факторите кои влијаат на чувството за безбедност, резултатите од истражувањето покажуваат дека околу една третина од граѓаните се чувствуваат безбедно затоа што живеат нормално и го почитуваат законот и редот. Околу една петтина како фактор за чувството за безбедност го препознаваат нивното добро опкружување, а за околу една десетина важно е тоа што се способни да се заштитат себе си. Причината за чувството за небезбедност за околу 20% од испитаниците е уличниот криминал и насилство, а околу 15% одговориле дека такво чувство им прави лошата економска состојба и сиромаштија.
Половина од граѓаните (50,3%) се подготвени да посегнат по насилство за да ја заштитат безбедноста на нивното семејство. Вкупно 40,4% од испитаниците не се согласуваат со ниту еден од ставовите, односно самите не би посегнале по насилство за заштита. Иако процентот на оние кои се подготвени да пријават насилство е мнозински (59,6%) сепак, загрижуваат аргументите на остатокот од испитаниците за непријавување: велат дека тоа не е нивна работа, дека не веруваат дека надлежните можат да го решат проблемот, или се плашат од последиците.  Кај најмладите испитаници, оние меѓу 18 и 29 години, најниска (46,2%) е подготвеноста да пријават насилство или кршење на законот, а една четвртина од нив рекле дека тоа не е нивна работа. Локално гледано, граѓаните најмногу ги загрижуваат небезбедните патишта и брзото возење (31,0%). На второ и трето место се криминалните пресметки (15,6%) и насилството поврзано со злоупотреба на дроги (15,5%). Загриженоста заради небезбедните патишта и брзото возење расте со зголемувањето на возраста на испитаниците од 22,5% кај оние меѓу 18 и 29 години до 38,2% кај граѓаните над 65 години.
За МЦМС, анкетата ја спроведе М-Проспект. Податоците беа прибирани со телефонска анкета која е  спроведена на национален репрезентативен примерок од 1000 испитаници.
Извештајот е подготвен и објавен во рамките на програмата „Пат кон отпорност и реинтеграција на ранливите семејства во заедницата“, финансиски поддржан од Глобалниот фонд за ангажираност и отпорност на заедницата – ГЦЕРФ. Програмата ја спроведуваат Македонскиот центар за меѓународна соработка (МЦМС), Нексус – граѓански концепт, Иницијатива за европска перспектива (ИЕП), Плиадес и Хоризон Цивитас.

Следно >

Поврзани:

Со влегувањето во 2025 година, проектот InterGreen продолжува со активностите за промоција на одржливоста и зајакнување на зелените вештини на општинските службеници во шест европски држави: Португалија, Италија, Франција, Грција, Кипар и Македонија. Овој проект е ко-финансиран од Европската Унија во рамки на програмата Еразмус+, а неговата цел е да им помогне на општините да се справат со еколошките предизвици и да ја подобрат одржливоста на локално ниво.Меѓународни онлајн состаноци: Поврзување на општините за позелена иднинаВо текот на октомври и ноември 2024 година, конзорциумот на проектот InterGreen организираше два меѓународни онлајн состаноци, на кои учествуваа повеќе од 50 претставници од општини и организации од шестте партнерски држави.Првиот состанок беше посветен на претставување на целите на проектот и создавање можности за соработка меѓу општинските претставници кои учествуваат во обуките. Оваа сесија овозможи споделување на клучните еколошки предизвици и решенија.Вториот состанок се фокусираше на едукативните алатки развиени во рамки на проектот, вклучувајќи ја Green UP – друштвена игра за учење преку игра во живо и нејзината дигитална верзија. Овие алатки имаат за цел да помогнат во јакнењето на капацитетите на општините во областа на одржливоста.Овие состаноци беа одлична можност за општините да разменат искуства и идеи за надминување на заедничките еколошки предизвици.Едукативни работилници: Практични обуки за одржлив развојОсвен онлајн состаноците, во сите шест земји-учеснички беа организирани и едукативни работилници. Во Македонија, овие работилници ги спроведе Еко Логик, а учествуваа претставници од шест општини: Аеродром, Карпош, Кисела Вода, Чаир, Гази Баба и Кочани.Обуките ги опфатија следните четири модули:Одржлив развој – Разбирање на Целите за одржлив развој и нивно спроведување на локално ниво
Зелени вештини и компетенции – Обезбедување на алатки за одржливост на општинските службеници
Методологија на студии на случај – Учење од реални примери за подобро решавање на предизвиците
Пренос на знаења и искуства – Поттикнување на размена на добри практики меѓу општинитеОвие работилници беа одлична можност за дискусија и идентификација на клучните предизвици поврзани со одржливиот развој, како и за заедничко креирање проекти и иницијативи за нивно надминување.Следете ги новостите од InterGreenПродолжуваме да работиме на градење позелени општини! За најновите активности од проектот InterGreen, посетете ја нашата веб-страница: www.intergreenplatform.eu и следете нè на Facebook и LinkedIn.Заедно можеме да изградиме поодржливи заедници!

Македонскиот центар за меѓународна соработка (МЦМС) ја проверуваше перцепцијата на граѓаните за безбедноста, како личната, така и општо, во државата. Истражувањето е составено од два дела, а во првиот дел се обработени прашањата поврзани со безбедносната загрозеност, факторите кои влијаат на тоа, областите во кои треба да се инвестира како и за безбедноста на жените и мажите.

Истражувањето покажа дека мнозинство од граѓаните (59,8%) сметаат дека безбедноста во земјава е многу или главно загрозена. Меѓу нив, побројни се жените. Загриженоста опаѓа со зголемувањето на степенот на образование од 67,0% кај оние со незавршено основно до 47,2% кај испитаниците со завршено високо образование.
Прашани со кои активности може да се надмине безбедносната загрозеност, 64,0% од испитаниците целосно се согласиле со изјавата построги закони и поголема дисциплина помеѓу граѓаните. Големо мнозинство од 91,7% се согласни (потполно или делумно) дека тоа може да се направи со подигнувањето на стандардот на граѓаните што и дава економска димензија на безбедноста. Двете области во кои треба најмногу да се инвестира за да се намали безбедносната загрозеност се јакнењето на институциите (21,8%), вложувањето во луѓето кои се дел од системот на безбедност преку зголемување на плати и набавки на опрема (19,4%).
Невработеноста и сиромаштијата (57,9%), појавата на локален тероризам и вооружен бунт (52,0%) и меѓуетничките тензии (51,3%) се факторите кои можат да влијаат на безбедноста. Голема е согласноста (потполна или делумна) и кај поддршка за факторите како што е нивото на демократија, задолженоста на земјата и порастот на политичката поларизација.
Корупцијата, организираниот криминал, иселувањето во странство и финансиската задолженост ги прави многу загрижени мнозинство од граѓаните на Северна Македонија. Речиси половина од граѓаните се многу загрижени заради злоупотребата на дроги, а околу една третина, заради „белата чума“, односно депопулацијата на населението.
Нема мнозински афирмативен одговор на прашањето за безбедноста на жените во бракот, на работа или на улица. Најмногу потврди одговори има за безбедноста на жените во бракот, потоа на работа и на крај, на улица. За разлика од прашањето за безбедноста на жени, кога е во прашање безбедноста на мажите, сите афирмативни одговори се мнозински. Најголем број (64,2%) сметаат дека мажите се безбедни во бракот. Овој процент се намалува кај безбедноста на работа на 59,7% и уште повеќе кај безбедноста на улица (54,4%).
За МЦМС, анкетата ја спроведе М-Проспект. Податоците беа прибирани со телефонска анкета која е  спроведена на национален репрезентативен примерок од 1000 испитаници.

Следно >

Поврзани:

На 11.2.2025 год. (вторник) во телевизијата Телма претставниците на извидничкиот одред “Димитар Влахов“ – Велес, м-р Ангелче Гушев и Владимир Ивановски и главни организатори на Вардарската регата, земаа учество во емисијата ФЕР-ПЛЕЈ со Јана. Во споменатата емисија се разговараше за единствената регата во Република Македонија – Вардарската регата “Гемиџии“ за…

Во периодот од 06 до 09 февруари 2025 година, Младински Совет Прилеп учествуваше на Обука за застапување и младинско учество во Велес, каде што младите лидери работеа на застапување и активно учество во заедницата. Оваа обука беше можност за стекнување знаења, споделување искуства и развивање стратегии за создавање позитивни промени. 

Што научивме? 
Преку интерактивни работилници, тимска работа и практични примери, учесниците работеа на: 
✔ Разбирање на застапувањето – што е застапување, зошто е важно и како да се применува во пракса? ✔ Формирање на акциски планови – структурирање на идеи и конкретни чекори за застапување ✔ Мобилизација на млади – стратегии за вклучување на заедницата во застапувачки иницијативи ✔ Планирање и спроведување на кампањи – комуникациски алатки, дигитални платформи и методи за ефективно застапување 
Зошто е важно младинското застапување? 
Младите се двигател на општествените промени! Преку застапување, тие можат да го кренат својот глас, да иницираат решенија за проблеми на локално и национално ниво како и да создадат поинклузивно општество. 
Оваа обука не само што ги зајакна знаењата и вештините на учесниците, туку и создаде простор за вмрежување, размена на идеи и развој на нови иницијативи кои ќе продолжат да носат позитивни промени. 
👉 Подготвени сте да се вклучите? Доколку сакате да дознаете повеќе за застапувањето или да се приклучите кон младински иницијативи, контактирајте нè! 
 Коалиција на младински организации СЕГА го спроведува проектот “Зајакнување на младите преку нови можности 2 за Пелагонискиот регион” во партнерство со СОС Детско село Македонија.

Општи информации 
Хелсиншкиот комитет за човекови права, во рамките на проектот на проектот „Поддршка на НВО за обезбедување правна помош на жртви на РБН и одржливи сервиси за мобилизирање локална поддршка” поддржан од страна на Фондот за популација на ОН (УНФПА), oбјавува повик за ангажирање маркетинг агенција за изготвување кампања за превенција и правна помош на жртви на родово базирано насилство. 
Главната цел на соработката е да се поддржи граѓанската организација да има одржливост и да обезбеди долгорочни услуги за преживеаните и жртвите на родово базирано насилство. Хелсиншкиот комитет обезбедува бесплатна правна помош за жртвите и развива соработка со сите засегнати страни на локално ниво, вклучително и бизнис секторот и институциите. 
 
Позиција 
Маркетинг агенција за изготвување кампања за превенција и правна помош на жртви на родово базирано насилство 

Избор на експерт 
На овој повик имаат право да учествуваат правни лица што ги исполнуваат следниве критериуми: 
 

Работно искуство во спроведување кампањи во последните 9 години; 

Минимум пет спроведени кампањи во областа на човековите права. 

 
Спроведување кампањи во областа на превенција и правна помош на жртви на родово базирано насилство ќе се смета како предност. 
Искуството се докажува по пат на приложена кратка биографија (CV) на вработените или портфолио во кои се наведени работното искуство и спроведените кампањи. 
 
Спроведување на работните задачи 
Времетраењето на ангажманот ќе започне веднаш по склучување на договорот и ќе трае до завршување на активностите, односно до 31 март 2025 година. 
Хелсиншкиот комитет ќе потпише договор со маркетинг агенцијата, каде што ќе бидат дефинирани меѓусебните права и обврски.  
 
Начин  на пријавување 
За пријавување на овој повик кандидатите треба да достават: 

професионална биографија (CV) или портфолио, во кои се наведени работното искуство и спроведените кампањи; и 

финансиска понуда за реализирање на активностите 

 
Документите за пријавување задолжително да се достават на имејл адресата natasha.petkovska@mhc.org.mk најдоцна до 13.02.2025 година со назнака „Избор на маркетинг агенција“. По доставување на пријавите, тимот на Хелсиншкиот комитет ќе ги оценува во неколку чекори: проверка дали се доставени потребните документи; евалуација на персоналните биографии или портфолија и евалуација на финансиските понуди. 
За дополнителни прашања, Хелсиншкиот комитет за човекови права ви стои на располагање на горенаведената имејл адреса.   
 
Скопје, 10.02.2024 година. 

Добредојдовте во новиот број на Граѓаните за промена, со фокус на Граѓански ангажман.
„Убеден сум дека во дијалог со невладините организации ќе можеме да градиме подобри политики, ќе можеме да носиме поквалитетни одлуки за одредени сфери од општеството“. Ова беше една од пораките на премиерот Мицковски испратена кон претставниците на граѓанските организации на Националниот форум на Цивика мобилитас што се одржа на 15 ноември 2024 година.

Подготвеноста на премиерот за соработка со граѓанските организации беше поткрепена со учеството на уште пет министри од Владата како и на Генералниот секретар Јанушев. Подготвеноста на граѓанските организации беше поткрепена со учеството на околу 200 претставници.
Потребата од соработката на националната власт и граѓанските организации нема потреба посебно да се констатира. Таа не е само од интерес на Владата и на граѓанските организации, уште поважна е за нивните крајни корисници, за граѓаните. Дел од претставниците на Владата во нивните обраќања демонстрираа консултации со граѓанските организации во процесите на измени или носење на политиките. „Ни случајно нема да правиме стратегија во која нема да бидат вклучени невладините организации“, рече министерката за образование и наука Весна Јанева одговарајќи на прашањето за консултациите поврзани со националната стратегија за образование што треба да биде донесена во 2026 година. Таа рече дека МОН веќе вклучило 40 граѓански организации во консултациите за носење или измени на шест закони поврзани со образованието. 
Интересно беше да се слушне дека дел од министрите, нас, од граѓанските организации не доживуваат како критичари, а не критизери. „Добар критичар дава конструктивна критика која носи решенија“ вели министерот за дигитална трансформација Стефан Андоновски. Неговите очекувања од граѓанските организации не се само во нудењето на решенија за подобрување на политиките, туку, уште повеќе во користење на експертизата која според него „природно би требало да доаѓа од граѓанскиот сектор“. Ваквиот придонес на граѓанските организации, според него, е од непроценливо значење и е врска помеѓу граѓаните и институциите. 
И другите владини претставници покажаа подготвеност и отвореност за соработка. Организирајќи го овој форум, во соработка со Владата, Цивика мобилитас помогна да се возобноват или да се воспостават меѓусебни контакти и да се договорат последователни средби.
Се надеваме дека таа подготвеност нема да остане само како декларација, барем ние од секторот ќе се потрудиме да ги „држиме за збор“ министрите, генералниот секретар и премиерот. Тоа ќе ни овозможи на сите, на следната средба да зборуваме за резултатите, а не само за плановите.
Граѓаните за промена бр.19 Преземи

Следно >

Поврзани:

На 17 јануари, во духот на младинскиот активизам и локалната демократија, се одржа првиот координативен состанок со Емпауринг Крушево од проектот „Младите се гласот на промените во општините“.

Целта на состанокот: Главната цел беше поставување на јасна стратегија за спроведување на проектните активности, распределба на одговорностите и дефинирање на конкретни чекори за постигнување на очекуваните резултати.
Што се дискутираше?

Организација на работилници: Преку кои младите ќе стекнат знаења и вештини за активен ангажман.
Формирање и зајакнување на Локалните младински совети (ЛМС): Тела кои што ќе служат како мост помеѓу младите и локалните власти.
Кампања „Младите да бидат слушнати“: Креативни видео и радио поткасти за промоција на младинскиот активизам.
Менторска поддршка: Насочена кон осигурување дека младите ќе се чувствуваат подготвени да ги застапуваат своите интереси.
Дијалог помеѓу млади и локални власти: Организирање на средби со кои што ќе се поддржи дијалогот.

Проектни очекувања: Со финансиска и стручна поддршка од Граѓанскиот ресурсен центар – ГРЦ, овој проект ќе се реализира во текот на 9 месеци и ќе опфати повеќе активности насочени кон:

Зајакнување на капацитетите на младите
Воспоставување и операционализација на локалните младински совети во Прилеп и Крушево;
Зголемување на информираноста за младинскиот активизам

Партнерска синергија:
На состанокот, партнерите покажаа посветеност и креативност, придонесувајќи со идеи за тоа како овој проект може да го промени начинот на кој младите ќе се активираат во локалните заедници.
Што следува?
Во текот на наредните девет месеци, проектот ќе се фокусира на креирање услови за младинско учество, зајакнување на капацитетите на младите и промовирање на транспарентна и отчетна локална власт.
Следете нè за повеќе информации за активностите и резултатите од проектот!
Младински Совет Прилеп во партнерство со Здружение на млади ЕМПАУРИНГ Крушево го спроведува проектот „Младите се гласот на промените во општините“. Овој проект е субгрант добиен во рамки на „ЕУ поддршка за Граѓански ресурсен центар – фаза 2” финансиран од Европската Унија. Содржината на веста не мора да ги одразува ставовите на Европската Унија и на Граѓанскиот ресурсен центар.
#ЈасГраѓанинот во вашите комуникации на социјалните медиуми
#МладитеСеГласот #МладинскиСоветПрилеп #АктивноГраѓанство #ЛокалнаДемократија