Активизмот против насилството е секојдневна борба – одбележан 10 Декември во Прилеп

На 10 декември, по повод Денот на човековите права, Здружението СТАНИЦА ПЕТ организираше информативен настан во центарот на Прилеп, со цел подигнување на свеста за родово базираното и семејното насилство и информирање на граѓаните за достапноста на услугите за психосоцијална поддршка.

На јавен штанд поставен на фреквентна локација, тимот на здружението директно комуницираше со граѓаните и дистрибуираше информативни флаери за услугите на психосоцијална поддршка наменети за жени и деца жртви на насилство. Преку оваа активност, посетителите имаа можност да се информираат за начините на пристап до поддршка, како и за значењето на навремената помош и заштита.

Овој настан претставуваше симболично заокружување на глобалната кампања „16 дена активизам против родово базирано насилство“, но и потсетник дека борбата против насилството не завршува со кампањата. Напротив, таа продолжува секојдневно – преку информирање, поддршка, солидарност и заедничка одговорност.

Активноста беше насочена кон охрабрување на жените и децата кои се соочуваат со насилство да побараат помош, но и кон поттикнување на пошироката заедница да препознае, реагира и поддржи. Истовремено, настанот придонесе кон зголемување на видливоста на услугата за психосоцијална поддршка која Здружението ја обезбедува, како и кон градење доверба кај потенцијалните корисници.

Здружението СТАНИЦА ПЕТ останува посветено на обезбедување безбедна, доверлива и достапна поддршка за сите жени и деца жртви на насилство. Доколку вам или на некој близок му е потребна поддршка, охрабруваме да се обратите – не сте сами.

*Оваа активност е дел од проектот „Пат до безбедност: Јакнење на услуги за психосоцијална поддршка за жени и деца“ кој го спроведува Здружение за правна едукација и транспарентност СТАНИЦА ПЕТ, во рамките на проектот „Институционализирање на квалитетни услуги за рехабилитација и интеграција на жртви од насилство II“ финансиран од Австриската агенција за развој (АДА) со средства на Австриската развојна соработка, а имплементиран од Национална Мрежа Против Насилство врз Жените и Семејно Насилство.

This post was originally published on this site