Вести од граѓанските организации

Вторник, 25 март 2025 12:30

Делегацијата на Европската Унија во Република Северна Македонија ги кани сите заинтересирани на консултации за финализирање на дискусијата за приоритетите и другите специфики на повиците за предлози програмирани во рамките на ИПА III Програмата за граѓанско општество и медиуми 2024-2025 година.

Консултациите ќе бидат онлајн на 28.03.2025 (петок) од 10:00 – 12:00 часот.
Консултациите ќе ги отвори г-дин Штефан Худолин, Раководител за соработка во Делегацијата на Европската Унија во Скопје. Дискусиите ќе се фокусираат на идентификување на приоритетните теми, типот на акции и други специфики за следните повици за предлози:

Повик за предлози (Акциски грантови) – Поддршка за систематско учество на граѓанското општество во процесот на пристапување во ЕУ и преговорите;
Повик за предлози (Акциски грантови) – Поддршка на граѓанското општество и медиумските организации во различни тематски области;
Повик за предлози (Оперативни грантови) – Рамковни договори за партнерство.

Доколку сте заинтересирани да се приклучите на консултациите, ве молиме потврдете го вашето учество со пополнување на формуларот на следниот линк: ФОРМУЛАР ЗА ПРИЈАВА НА КОНСУЛТАТИВНА СРЕДБА ЗА ПРИОРИТЕТИ НА ПОВИЦИ ОД ЕВРОПСКАТА УНИЈА

Скопје/Дубровник – Finance Think – Институт за економски истражувања и политики од Скопје и Центарот за истражување на дигиталната трансформација (CREDO) при Универзитетот во Дубровник потпишаа Меморандум за разбирање (MoU) со цел поттикнување на соработката во истражувањата, градењето капацитети и академската размена.
Меморандумот, потпишан на 18 март 2025 година од д-р Благица Петрески, извршна директорка и главна економистка на Finance Think, и проф. д-р Небојша Стојчиќ, основач на CREDO и ректор на Универзитетот во Дубровник, воспоставува рамка за заеднички иницијативи во областа на економијата, јавните политики и дигиталната трансформација.
Како две водечки институции препознаени по својата извонредност во економските истражувања и дигиталната трансформација, ова партнерство ги спојува експертизата на Finance Think во анализа на политики базирани на податоци и економски решенија засновани на докази со напредните истражувања на CREDO во областа на дигиталната трансформација, бизнис иновациите и економската конкурентност.
Според овој договор, двете институции ќе ги здружат силите во неколку клучни области за унапредување на истражувањето и размената на знаење. Особен акцент ќе биде ставен на заедничките истражувачки проекти, каде што Finance Think и CREDO ќе соработуваат на високо-импактни студии во економијата, јавните политики и дигиталната трансформација. Препознавајќи ја важноста на градењето на капацитети, тие ќе дизајнираат и спроведуваат специјализирани програми за обука, работилници и семинари за да ги опремат истражувачите, студентите и професионалците со најсовремени вештини и знаења.
Дополнително, ова партнерство ќе ја зајакне меѓународната соработка преку програмите Erasmus+ и други проекти финансирани од ЕУ, овозможувајќи размена на кадри, заеднички апликации за проекти и координирана имплементација. Двете институции исто така ќе ја постават размената на знаење како приоритет, обезбедувајќи слободен пристап до истражувачките резултати, податоци и академски ресурси за поттикнување на иновациите и зајакнување на нивните академски и истражувачки полиња.
Finance Think и CREDO ќе работат тесно и на академскиот и политичкиот ангажман, преку заедничка организација на конференции, подготовка на заеднички публикации и придонес кон развојот на јавните политики засновани на докази.
“Како водечки истражувачки институт посветен на обликувањето на економските политики преку ригорозна анализа, Finance Think со голем ентузијазам влегува во оваа соработка со CREDO. Заедно ќе го унапредиме истражувањето и градењето на капацитети, со што ќе придонесеме кон економска отпорност, дигитални иновации и одржлив развој во регионот,” изјави д-р Благица Петрески, извршна директорка на Finance Think.
Надоврзувајќи се на ова, проф. д-р Небојша Стојчиќ, ректор на Универзитетот во Дубровник, додаде: “Ова партнерство претставува значаен чекор напред во зајакнувањето на регионалната соработка во економските истражувања и дигиталната трансформација. И Finance Think и CREDO изградиле силна репутација на извонредност, а со комбинирање на нашата експертиза, целиме да создадеме значајно влијание врз политиките и да ја поддржиме академската заедница во нашите полиња.”
Меморандумот стапува на сила веднаш и ќе остане во важност три години, со можност за продолжување. Двете институции се посветени на искористување на своите предности за поттикнување на иновации, извонредност во истражувањата и прекугранична академска соработка.

Ни претставува чест и задоволство да Ве поканиме да учествувате во фокус група за повик за грантови во рамките на проектот „Зелена младина, зелен раст“: ➡️ Датум: 27.03.2025 (четврток)➡️ Времетраење: 11:00 – 12:30 часот➡️ Локација: Граѓански ресурсен центар, Скопје. На фокус групата ќе имате можност: 🔹 Да се информирате за…

Денес Здружение на лица со церебрална парализа и други попречености – Велес организираше еднодневна обука за вработените во социјалните сервисни услуги: „Живеење со поддршка“, „Помош и нега во домот“, „Лична асистенција“ и вработените во администрација. Обуката се однесуваше на тимската работа, комуникациски вештини и синдром Брнаут, а како обучувачи беа…

Почитувани,

Во рамки на проектот „Иновативно антикорупциско застапување и младинско ангажирање во Северна Македонија“, организираме студиска посета во Босна и Херцеговина со цел да ги зајакнеме знаењата и вештините на младите во областа на антикорупцијата 💪🛡️.
Преку оваа посета, учесниците ќе имаат можност да се запознаат со регионални најдобри практики 🌍 и успешни модели на антикорупциски иницијативи 🔍. Размената на искуства ќе овозможи продлабочување на разбирањето за ефективни стратегии во борбата против корупцијата ⚔️.
✨ Ако сакаш да го продлабочиш своето знаење 📚 и си подготвен да се ангажираш 💥 во антикорупциски иницијативи, ова е твојата шанса! ✨
📢 Не ја пропуштај оваа можност – пополни ја формата 📝 и приклучи се! 🚀

* Оваа активност е поддржана од проектот „Иновативно антикорупциско застапување и младинско ангажирање во Северна Македонија“, во рамки на SELDI програмата, финансирана од Европската Унија, а реализиран од Младински Совет Прилеп. Искажаните ставови, мислења и содржини не мора да ги отсликуваат ставовите на донаторот, проектот или имплементаторот.

Во неделата на жалост по трагедијата со пожарот во Кочани, повторно сме сведоци на загрижувачки пораст на говорот на омраза, особено на социјалните мрежи, но и во некои медиуми. Барањето на одговорност од надлежните институции од страна на граѓаните и особено од страна на младите се поврзува со дејствување на политички партии и наместо достоинство и одговорност, гледаме навреди, обвинувања, говор на омраза и повикување на насилство. Сето ова добива размери на загрижувачки опасна онлајн хајка.
Хелсиншкиот комитет за човекови права предупредува дека ваквите напади можат да имаат сериозни последици врз слободата на изразување и безбедноста на граѓаните. Истовремено потсетуваме дека говорот на омраза и повиците за насилство на социјалните мрежи претставуваат кривично дело.
Од тие причини апелираме јавните личности, политичарите, како и сите корисници на социјалните мрежи да бидат одговорни во јавниот говор.
Во врска со студентските мирни собири кои деновиве се мета на навреди и разни шпекулации дека дејствуваат под нечие влијание, потсетуваме дека правото на мирен собир во Северна Македонија е уставно загарантирано право и е основно човеково право загарантирано со најзначајните меѓународни документи за човековите права.
Никого не треба да зачудува фактот што младите бараат одлучна борба против корупцијата и системските неправилности и неправди во општеството, чиишто жртви се трагично настараданите во Кочани. Од тие причини никој, а особено власта не треба од позиција на моќ да го узурпира гласот на младите.
На институциите треба да им се дозволи да ја завршат својата работа и да ги пронајдат и санкционираат одговорните за трагедијата во Кочани, но тоа не се коси со потребата граѓаните да бараат системски промени и артикулирано да ги истакнат своите барања.
Расчистувањето на причините за несреќата во Кочани е испит и за органите на правосудниот систем кои треба професионално да спроведат темелна и непристрасна истрага, не подлегнувајќи на можни партиски и други притисоци.
Во овој случај судиите мора да испорачаат правда, постапувајќи согласно позитивните закони, а во служба на граѓаните и јавниот интерес.
Хелсиншкиот комитет согласно својот мандат ќе ги мониторира протестите и ќе обезбедува бесплатна правна заштита при евентуални случаи на пречекорување на полициските овластувања.

Платформата на граѓански организации за борба против корупцијата изразува длабоко сочувство за трагично загинатите граѓани во пожарот во „дискотеката“ во Кочани и изразува искрени желби за побрзо закрепнување на повредените.
Пожарот во Кочани е само последно во низата на случувања кои покажуваат дека корупцијата убива. За жал, по случајот во Ласкарци, случајот со „Беса транс“, пожарот во модуларната болница во Тетово, требаше да се случи и пожарот во „дискотеката“ во Кочани за одново да се потсетуваме  дека повеќедецениската системска корупцијата зема животи.
Платформата будно ги следи постапките во случајот со пожарот во Кочани и укажува дека тоа што сега најмалку треба да се обезбеди е сеопфатна, темелна, непристрасна и натпартиска истрага. Бараме истрагата да се води отчетно и транспарентно и за неа да известуваат оние кои со закон се надлежни да го прават тоа.
Во овој момент, одговорноста е клучна и никој не треба да биде изземен од неа, без разлика дали и од која партија е, од која верска или етничка припадност е и дали е поранешен или сегашен функционер. Додека не создадеме систем во кој вистинските луѓе со интегритет ќе бидат на вистинските позиции, не треба да се откажеме.
Во досегашното еднодецениско постоење на платформата на граѓански организации за борба против корупцијата постојано реагираме и бараме промени во разни сегменти од системот што да се прифатеа, ќе оневозможија токму вакви случувања. Потребни се системски промени кои ќе покажат дека постои реална волја и заложба за бескомпромисна борба со корупцијата од сите чинители, а особено надлежните. За жал, праксата константно покажува дека желбата за лично богатење секогаш била над онаа за создавање на систем во кој правилата и процедурите ќе се почитуваат подеднакво од сите, на сите нивоа во општеството.
Имајќи ги предвид прогласените денови на жалост, Платформата за сега ќе се воздржи од натамошни коментари за конкретниот случај, но најавуваме дека во текот на идната недела ќе организираме прес-конференција на којашто ќе ги објавиме нашите конкретни барања што очекуваме да се спроведат од надлежните органи и тоа ќе го следиме за да започне колективна бескомпромисна борба против корупцијата.

Платформата на граѓански организации за борба против корупцијата изразува длабоко сочувство за трагично загинатите граѓани во пожарот во „дискотеката“ во Кочани и изразува искрени желби за побрзо закрепнување на повредените.

Пожарот во Кочани е само последно во низата на случувања кои покажуваат дека корупцијата убива. За жал, по случајот во Ласкарци, случајот со „Беса транс“, пожарот во модуларната болница во Тетово, требаше да се случи и пожарот во „дискотеката“ во Кочани за одново да се потсетуваме  дека повеќедецениската системска корупцијата зема животи.
Платформата будно ги следи постапките во случајот со пожарот во Кочани и укажува дека тоа што сега најмалку треба да се обезбеди е сеопфатна, темелна, непристрасна и натпартиска истрага. Бараме истрагата да се води отчетно и транспарентно и за неа да известуваат оние кои со закон се надлежни да го прават тоа.
Во овој момент, одговорноста е клучна и никој не треба да биде изземен од неа, без разлика дали и од која партија е, од која верска или етничка припадност е и дали е поранешен или сегашен функционер. Додека не создадеме систем во кој вистинските луѓе со интегритет ќе бидат на вистинските позиции, не треба да се откажеме.
Во досегашното еднодецениско постоење на платформата на граѓански организации за борба против корупцијата постојано реагираме и бараме промени во разни сегменти од системот што да се прифатеа, ќе оневозможија токму вакви случувања. Потребни се системски промени кои ќе покажат дека постои реална волја и заложба за бескомпромисна борба со корупцијата од сите чинители, а особено надлежните. За жал, праксата константно покажува дека желбата за лично богатење секогаш била над онаа за создавање на систем во кој правилата и процедурите ќе се почитуваат подеднакво од сите, на сите нивоа во општеството.
Имајќи ги предвид прогласените денови на жалост, Платформата за сега ќе се воздржи од натамошни коментари за конкретниот случај, но најавуваме дека во текот на идната недела ќе организираме прес-конференција на којашто ќе ги објавиме нашите конкретни барања што очекуваме да се спроведат од надлежните органи и тоа ќе го следиме за да започне колективна бескомпромисна борба против корупцијата.
Поддржано од:Здружение Естима, Битола

Следно >

Поврзани:

Кои се локалитетите кои што може да ги видите и посетите во Кичево и Кичевскиот регион? Што се може да видите во реонот на Илинска планина? Која е приказната на секое од местата и каде точно се наоѓаат? Како се стигнува до нив? Зошто се значајни за Кичевскиот регион? Рурална…