Вести од граѓанските организации

Деновиве сме соочени со една од најголемите трагедии што го погодила нашето општество. Како луѓе и граѓански активисти, чувствуваме силна потреба и одговорност да понудиме поддршка и да се солидализираме со сите оние кои се директно погодени од трагичниот настан во Кочани.

Дел од граѓанските организации и грантисти на Цивика мобилитас, веќе понудија или се вклучени во поддршката на жртвите, на семејствата и на сите останати. Со оваа објава, сакаме да ги направиме тие информации подостапни за сите оние кои имаат потреба.
Подолу се информации за поддршката која ја нудат организациите:

Ја споделуваме со Вас солидарноста што во овие мигови ја покажуваат и дел од граѓанските организации, поранешни корисници на грантови на Цивика мобилитас.
Конект започна кампања за собирање средства за семејствата на настраданите и засегнатите од пожарот во Кочани. Средствата ќе се користат за итни потреби (лекување, правна помош, патување итн.), психо-социјална поддршка, како и справување со последиците. До сега, од поставената кампања на интернет платформата за групно донирање Оп-оп, се собрани 135.800 денари од граѓани. Се повикуваат сите заинтересирани граѓани, бизниси и субјекти да донираат преку Оп-оп или да се обратат на тел. 02/ 3224 198 или на
Оваа е-пошта е заштитена од spambots, треба да вклучите JavaScript за да ја видите
.
Фондацијата ИКРАУД формира Донаторски фонд за финансиска помош на семејствата на починатите и повредените. Сите собрани средства ќе бидат распределени подеднакво на сите пријавени семејства. Кампањата е отворена до крајот на месецов, а веќе се собрани повеќе од 2.000.000 денари. Фондацијата ги става сите канали за собирање на донации на располагање на фондот, вклучувајќи ги и телефонските броеви.
Првата детска амбасада во светот МЕЃАШИ и нејзиниот тим на психолози и стручни лица се на располагање за директни средби или телефонски консултации. За контакт: 070 390 632. Освен АЛОБУШАВКО (070 390 632), активни се шест телефони за психолошка прва помош во рамки на 24 часа.
Колективната солидарност е клучна за помош и за ублажување на болката на семејствата погодени од трагедијата. Секој мал гест на поддршка има огромно значење, без разлика дали се работи за донирање, волонтирање или за психолошка и правна помош.

Следно >

Поврзани:

Студентското организирање во Македонија отсекогаш било синоним за достоинство, револуционерност и автентична борба за правда. Платото на УКИМ, најголемиот универзитет во земјава, со децении претставува свет простор на студентската мисла и отпор. Тоа е местото каде што генерации студенти храбро се спротивставуваа на неправдите, го креваа својот глас и храбро се бореа за своите права, често плаќајќи висока цена за своите идеали.
Денес, по повод трагедијата во Кочани, студентите повторно се собраа на ова плато да изразат болка, револт и солидарност. Но наместо да бидат чуени, нивните гласови беа замолчувани од оние кои треба да ги застапуваат. Студентите иссвиркуваа, одбивајќи да бидат пасивни слушатели на монолози, во моменти кога нивната болка е погласна од сè! Огромниот број на студенти кои се појавија на платото на УКИМ, не за еден поединец, туку за нивните пријатели, колеги и познаници. За тагата и гневот кои ги чувствуваат како млади луѓе кон системот, кон трулото секојдневие и кон сè што тоне.
Да си студентски лидер значи многу повеќе од формална функција или титула. Тоа значи да бидеш гласот на илјадници млади луѓе кои ти ја дале својата доверба. Тоа значи да ја браниш нивната слобода, достоинство и глас.
Ви се обраќаме на вас, на студентските претставници! Вие не сте таму заради популарноста, а ниту заради министрите, ниту заради ректорите или политичарите. Вашето место не е во нивна сенка, туку во првите редови на студентската борба! Никој од центрите на моќ – ниту ректоратот, ниту министерството, ниту политичарите – никогаш нема да го чуваат вашиот грб. А вие не сте таму заради нив. Вие сте таму само и единствено само, заради студентите. Тие се вашата сила, и вашата единствена вистинска поддршка!
Историјата нè учи дека секогаш кога студентските движења биле независни од политиката, постигале значајни победи. Од моменти кога била газена студентската автономија, до моменти кога студентите требале да покажат каде им е навистина местото. Токму затоа платото на УКИМ е свето место. Сведок и симбол на сите битки кои студентите ги воделе за подобро општество.
Денешниот собир не смееше и ниту еден нареден не смее да биде политизиран. Студентите не може и не смее да бидат предмет на калкулации или интереси.
Студентскиот збор вреди онолку колку што ќе го браниме со страст, достоинство и непоколебливост. Затоа денес јавно прашуваме: Колку вреди студентското достоинство?
Пред само еден месец одбележавме пет години откако го создадовме студентското организирање заедно со студентите. Движење кое произлезе од искрената желба за вистинско претставничко тело, што ќе ги застапува студентските интереси низ лавиринтите на факултетите, универзитетите и министерствата. Денес повеќе од кога било, е јасно дека ова тело мора повторно да биде она што беше замислено – независен глас кој ќе биде верен само на студентските идеали.

Беа вредни и изработија минатата недела 90 Осмомартовски честитки лицата со попречености кои се членови на Здружението за церебрална парализа и други попречености во Велес, Денеска дел од нив се радуваа додека своите рачни изработки ги делеа на своите сограѓанки. Кој им помагаше и каква цел имаат појаснува Далиборка Златева,…

Со едно минутно молчење поради големата трагедија во Македонија на 16.03.2025 год. (сабота) во големата сала на во Домот на НВО во Велес се одржа редовното ИЗБОРНО годишно собрание на извиднички одред “Димитар Влахов“. На годишното изборно собрание беа разгледан и усвоен наративниот и финасискиот извештај за работата на одредот…

Хелсиншкиот комитет за човекови права изразува длабоко сочувство до семејствата на загинатите млади луѓе во несреќата што се случи во Кочани.
Истовремено, информираме дека целосно се ставаме на располагање на семејствата на настраданите кои имаат потреба од добивање на правни совети и помош. За таа цел можат да ни се обратат на телефонскиот број +389 2 3119 073.
Во периодот што следува Хелсиншкиот комитет за човекови права ќе ја следи истрагата и постапувањето на надлежните институции. Од тие причини очекуваме транспарентност и информирање за преземените дејствија и утврдената фактичка состојба.
Очекуваме за утврдените незаконитости да следува соодветна одговорност за сторителите.
Апелираме политичките партии да се воздржат од меѓусебни обвинувања и да се стават во функција на јавниот интерес.
Сега е време да се покаже одговорност и солидарност.

Во рамки на програмата „Граѓанските организации во акција за климатските промени“, имплементирана од Eko-svest, а финансирани од Шведска, со цел подобрување на комуницирањето за климатските промени помеѓу сите засегнати страни, во насока на зголемување на знаењата и информациите за овие теми кај надлежните институции и граѓанските организации коишто работат на темите за постигнување на зацртаните климатски цели на земјата и подигнување на свеста кај граѓаните, од 13-14 март во Скопје, учество зедоа и претсавници од РЕЦ Resource Environmental Center – REC North Macedonia.Меѓу останатите, имаше присутни од Министерството за животна средина и просторно планирање, Министерството за енергетика, рударство и минерални суровини, Бирото за развој на образованието, претставници на општини и претставници од граѓански организации и иницијативи. Присутните два дена работеа заедно за лоцирање на целните групи, креираа пораки за одреден проблем и можни решенија за надминување на пречките во комуникацијата помеѓу институциите и помеѓу институциите и граѓаните, но и дефинирање на заедничка визија за она што се комуницира, како и со кој со цел подобрување на знаењето за климатските промени кај сите целни групи.Од оваа работилница ќе произлезе документ за политики, којшто ќе содржи препораки од сите засегнати чинители за начинот на кој темите за климатски промени, мерките за климатска акција и климатските цели ќе се комуницираат помеѓу нив и кон јавноста.#climateresilience

Трибина на тема: Насилството и жените со попреченост по повод кампања “16 дена активизам против родово базирано насилство“. Потсетуваме дека секој ден треба да ја водиме борбата за ставање крај на насилството врз жените и девојчињата. Да создадеме свет каде секоја жена ќе се чувствува безбедна, почитувана и моќна, свет…

На 11.3.2025 год. (вторник) во рамките на попладневната програма на МРТ – Програма на градовите, старешината на извиднички одред “Димитар Влахов“ – Велес, м-р Ангелче Гушев ја престави работата на младинскиот центар кој е коалиционо формиран до страна на Фондацијата “Фокус“ и извидничкиот одред “Димитар Влахов“, а во соработка со…