Вести од граѓанските организации

Универзитетски професори, експерти од граѓанското општество и експерти за процесот на дигитализација од европските земји дебатираа во Собранието на Република Северна Македонија во врска со Стратегијата за дигитална трансформација на Собранието. Во една панел-дискусија со наслов: „Собрание 2.0 – Промена, лидерство, капацитет и инклузија“, експертите ги споделија своите размислувања за поефикасна дигитална стратегија кон целта за едно помодерно Собрание, пишува Порталб.мк.
Мила Јосифовска Даниловска, од Фондацијата Метаморфозис во нејзината презентација на панел-дискусијата се фокусираше на важноста на вклучувањето на граѓанскиот сектор во креирањето на дигитални алатки за Собранието.
Според неа, вклучувањето на граѓанското општество во креирањето на дигиталните алатки е од суштинско значење за градење на еден отворен, транспарентен и инклузивен процес.
„Вредноста на учеството на граѓанското општество во овој процес е повеќекратна. Граѓанското општество може да помогне во премостувањето на јазот меѓу институциите и граѓаните. Промовирање на транспарентни процеси и дигитални алатки кои не им штетат на човековите права и слободи. Зајакнување на довербата во Собранието преку доближување на дигиталните решенија до граѓаните. Иновациите, граѓанското општество, особено оние кои работат во областа на технологијата, отворените податоци, дигиталните права или јавните политики, честопати носат иновативни решенија и дизајни насочени кон крајните корисници. Така, нивното вклучување има една додадена вредност во креирањето на иновативни решенија кои се лесни, релевантни, корисни и прилагодени за употреба од страна на граѓаните.“
Бобан Стојаноски, заменик-генерален секретар на Собранието нагласи дека Стратегијата претставува еден важен чекор во трансформацијата на Собранието.
„Важна тема. Клучен чекор во трансформацијата на Собранието. Очекуваме помош од експертите за да ја направиме Стратегијата што е можно посовремена, што ќе биде од корист за Собранието. Нашата визија е да создадеме едно модерно Собрание. Потребата произлегува од динамиката на работата во Собранието. Целта ни е да го унапредиме е-Собранието, веб-страната на Собранието, да ја унапредиме софтверската структура, како и да го унапредиме интернетот. Дигитализацијата ќе ја олесни меѓуинституционалната комуникација“, рече Стојаноски.
На панелот своите успешни искуства ги презентираше и Карл Мортен Копел од Естонија од ИКТ секторот на тамошниот парламент.
„ Digital first значи да имате еден сеопфатен процес што ќе им даде на корисниците брзи резултати. Важно е да останете посветени, затоа што дигиталното е подобро. Како што добивате информации, така можете и да обезбедите интересни информации што ќе ја зголемат ефикасноста. Претходно, хартијата беше ефикасна, процесот се спроведуваше преку месинџер. Но, времињата се променија. Имаме електроника, имаме мрежа и ова ја олеснува комуникацијата“, рече Копел.
Тој зборуваше и за новите иновации во парламентот во Естонија: „Новина во естонскиот парламент е вештачката интелигенција (ВИ). Таа е добра во генерирањето на идеи. Ја користиме за упатства и совети. Понекогаш може да добиете лоши одговори. Не плашете се од ВИ, засега е „друштвена“. „Применете ја“, нагласи Копел.
Универзитетскиот професор Боро Јакимовски акцентот го стави на академските капацитети што можат да ги понудат локалните експерти.
„Високото образование, научните институции и експертите имаат капитал што државата треба да го користи и во кој треба да инвестира. Северна Македонија има добро ниво, а тоа е благодарение на инженерите што доаѓаат од оваа земја. Можностите што институциите можат да ги понудат се одлични, вештачката интелигенција е многу важна. Постојат можности за унапредување на соработката меѓу институциите и академиите, за да се му помогне на општеството и државата“, рече професорот Јакимовски.
Ирена Бојаџиевска, од Центарот за управување со промени, рече дека новата Стратегија треба да предвиди одлуки за олеснување на работата и на собраниската служба и на пратениците.
„Важно е да се мапираат потребите на вработените и пратениците. Добро е кога слушаме успешни примери, но треба да видиме каде сме ние денес, а по некое време, кога ќе ја финализираме стратегијата, да кажеме дека еве каде сме стигнале“, рече Бојаџиевска.
Инаку, претседателот на Собранието, Африм Гаши, во својот воведен говор, нагласи дека дигиталната трансформација претставува конкретна реализација на визијата за отворено, ефикасно и доверливо Собрание.
Потсетуваме дека во текот на 2024 година, во Извештајот за напредокот во однос на дигитализацијата, Северна Македонија беше оценета дека и покрај одреден напредок, напорите за дигитализација се сè уште во раните фази и имаат бројни недостатоци. И покрај напредокот во интернет инфраструктурата и 5G, администрацијата и секторот за сајбер безбедност имаат потреба од дигитализација и зајакнување.
Линк до оргиналната објава: Дигиталната трансформација на Собранието: Граѓанското општество како клучен партнер во градењето на едно модерно Собрание | Meta.mk

Два нови прирачници изработени од Еко Логик во соработка (ко-креација) со Бирото за развој на образованието (БРО), чии автори се Кирил Арсовски – Пржо, Никола Нешкоски, Славица Несторовска, Билјана Арсовска и м-р Иванка Мијиќ, од минатата недела се официјално објавени на веб-страницата на БРО.Сите основни училишта во Македонија добија задолжение да спроведат дел од активностите содржани во прирачниците заедно со своите ученици, со цел унапредување на свеста за одржлив развој и подготвеност за климатските предизвици преку искуствено учење.Во прилог ги споделуваме и самите прирачници, објавени и на веб-страницата на Еко Логик: Прирачник за наставници – Интегрирање на искуствено учење за животна средина и климатски промени во наставата по природни науки од прво до петто одделение во основното образованиеДостапен на македонски и англиски јазик Прирачник за воспитувачи – Интегрирање на искуственото учење за животната средина и климатските промени во реализацијата на програмата за рано учење и развојДостапен на македонски и англиски јазикОвие прирачници се дел од програмата „Охрабрување на децата и младите во Македонија да станат двигатели на промените за намалување на ранливоста на заедниците од климатските промени“, реализирана во партнерство со УНИЦЕФ и БРО, со финансиска поддршка од Владата на Шведска.За повеќе информации и преземање на прирачниците, посетете ја: bro.gov.mk

Отворениот повик треба да овозможи пријавување на 1 (еден) претставник од заинтересирани граѓански организации кои ги споделуваат вредностите на Партнерството за отворена власт и се залагаат за поголема партиципативност, отвореност и отчетност на властите и ги применуваат тие принципи во своето работење, за нивно учество во Советот за координација и следење на Националниот акциски план за Партнерство за отворена власт 2024-2026 година при процесот на спроведување и следење на НАП за ПОВ 2024-2026 година
Рокот за поднесување на пријавите е 27 мај 2025 година.
Пријавувањето за членство во Совет за координација и следење на НАП за ПОВ 2024-2026 година се врши по електронски пат, со доставување на пополнета пријава и потребните документи на следната електронска адреса: danche@metamorphosis.org.mk
Погледнете го целиот повик, образецот за пријавување и потребните документи на следниот линк.

На тркалезната маса на тема: Пробациска служба – алатка за унапредување на пенитенцијарниот систем, организирана од Хелсиншкиот комитет за човекови права во партнерство со Македонско здружение на млади правници, Македонско пенолошко друштво и Здружението ИЗБОР, на 29 април, беше презентиран документот „Мониторинг на спроведување на стратегијата за развој на пробациска служба во Република Северна Македонија (2021-2025)“ за период на следење 2024 година. Документот го изработи Хелсиншкиот комитет за човекови права.
Целта на анализата беше да се процени дали, во колкава мера и на кој начин се одвива имплементацијата на предвидените активности, каков е нивниот квалитет и динамиката на меѓуинституционалната соработка во полето на пробацијата.
На тркалезната маса свое излагање имаа директорот на Управата за извршување на санкции, Александар Пандов и раководителката на Одделението за надзор над извршување на пробациски работи, Дијана Ѓеровска, кои ја презентираа состојбата во казнено – поправните установи, како и активностите и плановите за натамошниот развој на пробациската служба.
Иако има значаен напредок во развојот на пробациската служба, останува потребата за нејзин непречен континуиран развој, бидејќи таа претставува алатка на современата кривична правда и е иднината на затворскиот систем. Со развојот на пробациската служба, во голема мера ќе се придонесе кон намалувањето на пренатрупаноста во затворите.
Тркалезната маса се одржа во рамки на проектот „Воспоставување услуги во заедницата за поддршка преку ресоцијализација и реинтеграција на поранешни осудени лица“, финансиран од Европската унија.

На 13.5.2025 год. (вторник) старешината на ИО “Д.Влахов“ – Велес, м-р Ангелче Гушев и Владимир Ивановски беа во посета на Солунските извидници во нивните официјални канцеларии во Солун. Од страна на Солунските извидниците нашата одредска делегација беше примена од Василис Нтрианкос водачот на третата чета од Солун и Георгиус Бампурас…