![[Aggregator] Downloaded image for imported item #45215](https://civicamobilitas.mk/wp-content/uploads/2026/02/1c3a0a89-b7a6-43e4-8543-abf38839555c-768x1024-1.jpg)
Успешно реализиран #ЗеленПеток 5: „Размена наместо отпад“
Петтиот #ЗеленПеток го одбележавме со акцијата „Размена наместо отпад“, иницијатива што ја слави повторната употреба и одговорната потрошувачка. Настанот беше најавен ден претходно во утринската емисија Македонија наутро на Македонска радио телевизија, што придонесе за поголема информираност и вклученост на граѓаните.
Акцијата предизвика значителен интерес и позитивен одзив од заедницата. Околу 30 граѓани учествуваа во размената, носејќи книги, растенија и мали предмети кои добија нови сопственици наместо да завршат како отпад. Во текот на 90-минутниот настан се создаде пријатна и инспиративна атмосфера, исполнета со разговори за одржливи навики, локална одговорност и малите чекори што прават голема разлика.
Особено нѐ охрабри фактот што присутните изразија желба оваа иницијатива да продолжи и понатаму. Токму затоа, донесовме одлука штандот за размена да остане како постојана поставка во нашата канцеларија, овозможувајќи им на граѓаните во секое време да разменат предмет наместо да купат нов.
Со #ЗеленПеток 5 уште еднаш потврдивме дека одржливоста започнува локално – со заедничка волја, едноставни идеи и конкретна акција.
*Активноста е во рамки на проектот „Еко иницијатива: граѓаните и локалната власт во акција за заштита на животната средина!“, имплементиран од Здружение СТАНИЦА ПЕТ, во рамки на програмата за подгрантирање на проектот „Добро владеење во животната средина на Зелена Агенда за Западен Балкан”, имплементиран од Центарот за правни истражувања и анализи, Македонското здружение на млади правници и Фронт 21/42, а е финансиски поддржан од Европската унија.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
