[Aggregator] Downloaded image for imported item #45051

Отворен повик за наставници и едукатори

ОдЗдружение за заштита и унапредување на животната средина ЕКО ЛОГИК

Обука и предизвик: „Парче по парче – Street Smart Flagbag сложувалка“

Еко Логик објавува отворен повик за избор на 10 наставници и едукатори кои ќе учествуваат на тридневна обука и практичен предизвик за имплементација на Street Smart Flagbag методологијата.

📅 Датум: 1–3 април 2026
📍 Локација: Еко Логик, Скопје
🕚 Времетраење: 11:00 – 14:00 часот

Обуката ќе се реализира на македонски јазик.

Оваа обука е наменета за наставници и едукатори кои работат со деца од претшколска возраст, основно образование и (по можност) прва година средно образование.

Што претставува Street Smart Flagbag?

Street Smart Flagbag е интерактивна и практична методологија која користи тематски знаменца како алатки за поттикнување дијалог, самодоверба, активно учество и социјално-емоционален развој кај децата.

Методологијата е дел од меѓународната MobileSchool мрежа и се базира на современи пристапи како:

  • Негативни искуства од детството 
  • Теорија на самоопределување
  • Работа со деца кои имаат различни животни искуства
  • Активно учење преку игра и движење

Знаменцата се кратки, практични и лесно применливи активности што можат да се користат како активност за запознавање, вежба за подигнување енергија или како дел од цела работилница.

Како ќе се одвива процесот?

Обуката се состои од две поврзани фази и отворање можност за трета фаза:

🧩 Фаза 1: Обука – Сложување на рамката на сложувалката

Запознавање со Street Smart Flagbag методологијата, принципите и категориите знаменца. Учесниците ќе стекнат теоретско разбирање и практично искуство преку демонстрации од искусни наставници и едукатори и групна работа.

🧩 Фаза 2: Предизвик – Сложување на целата слика од сложувалката

Со самото учество на обуката, учeсниците автоматски влегуваат во практичен предизвик. Секој учесник избира знаменце, го применува во својата пракса и го документира искуството преку Street Smart Impact платформата. Процесот продолжува сè додека не се применат минимум 10 знаменца. За успешно учество во предизвикот и користење на платформата, потребно е основно познавање на англиски јазик.

Целта не е обемна административна работа, туку постепено, лесно и реално вклучување на методологијата во секојдневната пракса.

🧩 Фаза 3: Годишни предизвици – Сложувалки во повеќе нивоа

Учесниците кои успешно ќе ги завршат предизвиците имаат можност да напредуваат низ годините со сертификациски нивоа (Junior, Advanced, Senior, Master) и да станат дел од заедница на искусни Street Smart Flagbag едукатори.

Сертификација

По завршување на обуката учесниците добиваат сертификат за учество.

По успешно имплементирани 10 знаменца и завршен предизвик, добиваат дополнителен сертификат за активно и успешно спроведување на Street Smart Flagbag методологијата, како и можност за напредување во следни нивоа на експертиза.

Кој може да се пријави?

  • Наставници од претшколски установи
  • Наставници од основни и средни училишта
  • Едукатори во формално и неформално образование
  • Лица кои работат со деца и млади

Пожелно е кандидатите да имаат мотивација за воведување нови интерактивни методи во својата пракса.

Основни критериуми (задолжителни)

  • Работа со деца од целната возраст (претшколска, основно, рана средна)
  • Подготвеност за учество на сите 3 дена од обуката
  • Подготвеност за имплементација на минимум 10 знаменца во период од 6 месеци
  • Основно познавање на англиски јазик за потребите на предизвикот и користење на онлајн платформата и знаменцата

Број на учесници

Ќе бидат избрани максимум 10 наставници и едукатори за оваа обука, со цел да се обезбеди квалитетна, интерактивна и практична работа.

(Следни циклуси на обуки ќе бидат организирани дополнително.)

Како да аплицирате?

Кандидатите треба да ја пополнат формата за пријава на следниот линк: https://forms.gle/R3viNMy6E8DWUheG7 Рок за пријавување: 15 март 2026, 23:59 часот
Одбраните учесници ќе бидат известени на електронската пошта поднесена во формуларот.

Отворен повик – Обука и предизвик за наставници и едукаториDownload
Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор