Вести од граѓанските организации

Нашиот најнов Бриф за политиките 71 одговара на прашањето дали владините #мерки за ограничување на цените на храната даваат ефекти Целиот бриф: shorturl.at/KApmC

Во светот каде што секојдневниот живот е преполн со обврски и брзина, природата станува простор за обновување на телото и духот. Hiking 4 Understanding – H4U е иницијатива која поттикнува меѓугенерациски дијалог преку активности во природа. Со оваа програма, млади и постари заедно истражуваат, учат и создаваат спомени кои траат.Зошто планинарење?Планинарењето е повеќе од физичка активност – тоа е пат до севкупна добросостојба. Тоа ја подобрува физичката кондиција, го намалува стресот и ја зајакнува врската со природата. Дополнително, оваа активност овозможува тимска работа и создавање чувство на заедништво, што го прави идеална за премостување на генерациските разлики.Прирачникот: Водич за трансформацијаПрирачникот Планинарење за разбирање е создаден за да им помогне на планинарските клубови, младинските организации и еко-камповите во Европа да организираат активности кои ќе го комбинираат планинарењето со образование и еколошка свест. Главните цели се:Поттикнување меѓугенерациска комуникација.
Промовирање одржливост и заштита на животната средина.
Зајакнување на тимската работа и личниот развој.Клучни карактеристики на H4UМеѓугенерациски дијалог: Активности кои поттикнуваат разбирање и споделување знаења меѓу генерациите.
Еколошка едукација: Разбирање на значењето на зачувување на природата и климатските промени.
Искуствено учење: Методи кои преку директно искуство развиваат критични животни вештини.
Управување со конфликти: Насоки за справување со конфликти во групи и нивно претворање во позитивни резултати.Како да се спроведе програмата?Прирачникот нуди конкретни чекори за подготовка и реализација на активности, од избор на учесници до безбедносни мерки. Некои од иновативните методологии вклучуваат:Природно Бинго: Задача за тимско истражување на природата.
Креативни скулптури: Изработка на уметнички дела од природни и рециклирани материјали.
Сетилно истражување: Доживување на природата преку вид, мирис, слух, вкус и допир.Партнери на H4UУспехот на Планинарење за разбирање се должи на посветената соработка со партнерските организации, кои имаат значајна улога во создавањето и реализацијата на оваа програма:КОНЕКТ ИНТЕРНЕШЕНЕЛ (Србија) – Експертиза во меѓугенерациска комуникација и интеграција.
КАМПИНГ АСОЦИЈАЦИЈА СРБИЈЕ – Поддршка во креирањето автентични активности во природа.
ПСД Стражилово – Придонес во дизајнот и спроведувањето на планинарските програми.Со финансиска поддршка од Европската унија, H4U ја комбинира стручноста на партнерите за да создаде уникатно искуство за учесниците.Преку оваа иницијатива, учесниците не само што ја истражуваат природата, туку и се учат на одговорност за нејзино зачувување. H4U е инспирација за индивидуи и заедници да соработуваат во создавање на одржлива иднина.Доколку сакате да дознаете повеќе или да организирате свои H4U активности, посетете ја веб-страницата на ЕКО ЛОГИК. Ако сте заинтересирани за партнерства, контактирајте нè преку ecologic.mk@gmail.com. Заедно, да направиме секој чекор да води кон подобар свет! 🌲

 Комисијата составена од: 

Биљана Тануровска-Ќулавковски (културна работничка и кураторка), 

Ѓорѓе Јовановиќ (визуелен уметник), и 

Дарко Алексовски (визуелен уметник) 

на 26.12.2024 година одржа средба на која ги разгледа, дискутираше и направи селекција од вкупно 6 добиени апликации и одлучи  главната награда за квир творештвото - „КВИР МАКЕДОНИУМ 2024“ – да ја додели на Крсто Глигоријадис, за концептот на делото „Здолништето на мојот татко“. 
Комисијата исто така како исклучителен го забележа и уметничкиот концепт на Ивана Секулоска, и им порачува на организаторите на фестивалот Скопје Прајд Викенд да го имаат предвид овој проект за реализација во текот на следното издание. 
Наградата предвидува: 

1.000 американски долари во бруто износ, 

Презентација на делото на фестивалот Скопје Прајд Викенд 2025 – Фестивалот за квир култура, уметност и теорија, и 

менторска поддршка од Биљана Тануровска-Ќулавковски и Славчо Димитров во процесот на доработка и финализација на поднесениот концепт. 

 
Во објаснувањето за изборот на наградата, Комисијата изјавува: 
„Комисијата на наградата Квир Македониум, одлучи наградата да ја додели на Крсто Глигорјадис за уметничко перформативниот концепт во кој го воочува континуитетот на работа и развојот на неговата досегашна практика, која во голем дел е посветена на преиспитување на личните и колективните истории поврзани со разложување на родот и машкоста, и ја демистифицира моралноста како условена општествено историска конструкција. Деконструкцијата на родот и машкоста и нејзината поврзаност со насилството тој ги истражува преку перформативно ритуализирање на телесноста испитувајќи ги интерсекциите на идентитетот и родот, прикажувајќи ја трансформацијата која е условена од општествената контрола и традиционалните културни норми. 
Во предложениот концепт како особено важен го гледаме и фокусот на перформативните практики и изведбата на „нови телесни“ изразности како поле за истражување, кои Глигорјадис веќе ги користи во неговите претходни дела, но и ги предложува како метод за понатамошно развивање на дела од неговите тековни интереси. Со овој метод, како квир пристап, преку кој го адресира антагонизмот помеѓу индивидуалната изразност и изведбата на субјектот во неа, од една страна, и колективните општествени регулации, од друга страна, тој ги проширува границите на квир уметничката пракса во полето на визуелната уметност, и внесува постапки кои овозможуваат појавности во имагинативното, непознатото, возбудливото, и изненадувачкото кое се појавува во хоризонтот, вон воспоставеното во полето. 
Покрај овој уметнички концепт, како исклучителен, во смисла на понудена уметничка квир методологија која ги реартикулира традиционално конструираните архетипови и бајки на/за женственоста и женскоста како фрагилност и нежност, во симбол на бунтовност и отпор, е уметничкиот концепт на Ивана Секулоска. Овој концепт исто така нуди еден нов визуелен вокабулар кој наговестува нов генерациски поглед и запис.“  
 
Организаторите и комисијата им се заблагодаруваат на сите што аплицираа и ги охрабруваат останатите апликанти да земат учество и наредната година. 
Наградата се доделува во рамки на проектот „Пристап до правда и човекови права“, кој го спроведува Коалиција МАРГИНИ Скопје, а во соработка со Хелсиншкиот комитет за човекови права – Скопје, ХЕРА и Еквалис, а е финансиран од страна на УСАИД. 
 

Во рамките на проектот „Организирани граѓани за организирана иднина“, финансиски поддржан од Меѓународниот центар Олоф Палме и Шведска, во периодот на месец декември ги реализиравме врсничките едукации за теми поврзани со Законот за работните односи, вознемирување на работното место и меѓуврсничко насилство.

Работилниците беа предводени од 6 врснички едукатори, кои претходно беа едуцирани во Штип.

Следните училишта беа опфатени со едукациите #ГиЗнамСвоитеРаботилниПраваЈаЗнамСвојатаМоќ 1. ПСУ САБА Штип;2. СОУ „Јане Сандански“ – Штип;3. СОУ „Коле Нехтенин“ – Штип;4. СОУ „Љупчо Сантов“ – Кочани;5. ДМУЦ „Сергеј Михајлов“ – Штип;6. СОУ „Димитар Мирасчиев“ – Штип

Вкупно беа опфатени околу 150 средношколци.

На 21.12.2024 год. (сабота) во младинскиот центар Матично во Скопје, Сојуз на извидници на Македонија организираше волонтерска забава. На оваа манифестација беа доделени и плакети- благодарници за сите учесници кои во последните две години волонтерски се вложија во организација и реализација на еко акцијата “Боренка“. Извидничкиот одред “Димитар Влахов“ –…

Драги наши сограѓани и почитувани пријатели на здравјето,
Со секоја Нова Година, доаѓаат нови можности и надежи за подобро утре. Здравјето е основата на секое успешно општество, а неговото унапредување е заедничка одговорност. Нашите сервиси, кои го поддржуваат здравјето на најранливите, се пример за успехот што можеме да го постигнеме заедно. Но, потребно е повеќе – нови извори на поддршка и иновации кои ќе ни помогнат да продолжиме да бидеме пример за регионот.
Во изминатата година, со посветеност и труд, ХОПС покажа дека Македонија може да биде лидер во намалувањето на ХИВ и поддршката на ранливите групи. Нашите програми за намалување на штети се признати како пример за добри практики, и се гордееме со резултатите што ги постигнавме. Сепак, знаеме дека за да продолжиме со овој напредок, потребно е да ги зајакнеме постоечките ресурси и да најдеме нови начини за финансирање.
Македонија секогаш знаела да направи многу со малку – тоа е нашата приказна, нашето наследство. Но, прашањето е: дали сè уште сме тие луѓе? Дали ќе ги искористиме своите умови и срца за да ја претвориме оваа земја во вистински дом за сите? Здравјето не е само приватна работа, туку и јавен интерес, а јавниот интерес бара јавна акција.
Замислете го ова: една мала држава која ги надминува своите ограничувања. Држава каде што секое дете има пристап до најдобрите здравствени услуги, каде што секоја мајка знае дека има поддршка, каде што секој граѓанин чувствува дека е дел од голема, заедничка приказна. Ова не е утопија – ова е визија која бара само тимска работа, верба и малку повеќе љубов кон она што сме и што можеме да бидеме. Нека нашите напори не бидат само должност, туку и гордост – бидејќи здравјето е право, а не привилегија.
Затоа, во духот на Нова Година, ве повикуваме сите – институции, граѓани, донатори и соработници – да се прашаме: „Кога, ако не сега? Кој, ако не ние?“ Ова не е само момент за размислување, туку за акција. Нека Новата 2025 година биде година кога Македонија ќе покаже дека знае, сака и може. Заедно, за сите нас.
Со желба за здравје, просперитет и заедничка визија, Ваши, Тимот на ХОПС

Годинава остави зад себе бројни траги, а  дел од нив Цивика мобилитас успеа да ги долови и инспиративно да ги пренесе преку четири приказни кои ја одразуваат силата на граѓанскиот активизам и неговото влијание на општеството. Преку проектите поддржани од Владата на Швајцарија, тимот на Цивика мобилитас го следеше напредокот на осумнаесет тековни проекти низ 8 плански региони на Македонија, фокусирајќи се на примери со  успешни промени што беа резултат на поддржаните проекти.
Првата приказна ја посветивме на унапредувањето на здравствените права на девојките, жените и ранливите групи. Здружението за правата на жените на Шуто Оризари,  „Заедно посилни“ организираше форумите што создадоа платформи за размена на информации, и помогнаа во решавањето на проблемите на корисничките. Пристап до бесплатни задравствени услуги доби малолетна девојка благодарение на правната и медицинската помош од организацијата. Таа сега може да се грижи за себе и своето дете, без да се стравува од финансиски трошоци. Оваа приказна потврдува дека дури и малите акции можат да доведат до големи промени во животите на луѓето.
Втората приказна е поврзана со проектот на Женската граѓанска иницијатива „Антико“ од Скопје, која во партнерство со „Секогаш соживот“ од село Канатларци и „Адрион“ од Желино, овозможи едукација за економска независност и вработување на жени од четири општини. Преку организирањето на бесплатни курсеви за професионални козметичарки во Тетово, Кочани, Прилеп и Могила, проектот помогна на повеќе од 30 жени кои ќе им помогнат да се вклучат на пазарот на труд и да ја зајакнат својата економска независност. Таква е приказната на Е.А., самохрана мајка на три деца од Тетово, која ја започнува својата професионална кариера во козметичката индустрија благодарение на бесплатниот курс. За Е.А., овој курс не беше само едукација, туку шанса да обезбеди подобра и посигурна иднина за себе и своите три деца. Љубовта и посветеноста на своето семејство, заедно со желбата за финансиска независност, ја поттикнаа да ги преземе одлучувачките чекори. Преку оваа приказна, покажуваме како граѓански иницијативи можат да го променат животот на жените и да ги охрабрат за нови можности.
Тркалезната маса во Неготино, што беше дел од проектот „Да се соочиме со предизвиците и стигматизацијата“ организирана од Центарот за помош на лица со ментален хендикеп „Порака“, „Еко-Живот“ од Кавадарци и Здружението на лица со церебрална парализа и други попречености од Велес, не беше само место за размена на идеи, туку и за дефинирање на конкретни акции. Овој настан беше многу повеќе од споделување на проблеми, тој беше повик за акција. Иницијативата за создавање на платформа „Пристапен доктор“ и предложените промени во системот за здравствена заштита, како и едукација на докторите, имаат потенцијал да го олеснат животот на стотици семејства во Македонија. Оваа тркалезна маса потсети дека инклузијата не е само одговорност на одредени групи, туку на целото општество, кое треба да работи заедно за да создаде средина во која сите се ценети и почитувани. Проектот предвидува мултидисциплинарни центри и едукации за докторите, има потенцијал да ги подобри здравствените услуги и да го направи здравствениот систем поинклузивен за сите.
Потоа ја објавивме приказната што се фокусира на еколошката свест и иновацијата. Таа е дел од проектот „Граѓански активизам за остварување на циркуларна економија во управувањето со органски отпад“ на Центарот за ресурси во животна средина (РЕЦ). Работилниците за циркуларна економија и преработка на биоотпад, кои ги организираа заедно со Еко Логик и Флорозон, не само што помогнаа младите да стекнат нови вештини, туку и ги воведоа во процесите на создавање одржливи решенија за животната средина. Овие активности придонесоа за подигнување на свеста и активирање на нова генерација која ќе работи на зачувување на природните ресурси и создавање на одржливи решенија за идните предизвици. Досега се одржаа пет работилници на кои учествуваа 95 ученици и 9 наставници од основните училишта „Димо Хаџи Димов“ од Општина Карпош, „Св. Климент Охридски“ и „Кирил Пејчиновиќ“ од Кисела Вода, како и „Војдан Чернодрински“ и „Страшо Пинџур“ од Ѓорче Петров. Овие се дел од планираните 20 работилници, кои ќе продолжат да се реализираат до октомври 2026.
Со овие четири инспиративни приказни, Цивика мобилитас успеа да ги долови најзначајните промени што ги направија грантистите, поттикнувајќи социјален активизам и промени во општеството. Веруваме дека ова е само почеток за резултатите што не очекуваат во иднина.
 

Следно >

Поврзани: