Донесена годишна програма на Младинскиот клуб во с. Извор
Младите од село Извор, Општина Чашка, заедно со тимот на Центарот за активни граѓани АКТИВО во партнерство со НВО Инфоцентар преку проектот „Здружени за активно граѓанство“поддржан од Европската Унија во соработка со Оштина Чашка, ја изработија и усвоија својата Годишна програма на Младинскиот клуб за 2026 година.
Програмата е резултат на повеќемесечен процес на вклучување на младите преку обуки, креативни работилници и средби со претставници од Општина Чашка. Во неа се содржани активности кои ќе овозможат поттикнување на младинското учество, развој на креативни и професионални вештини, промоција на вредностите на руралниот развој, и зајакнување на соработката меѓу младите и локалните институции.
Со ова, младите од Извор добија свој функционален и отворен простор каде ќе можат да бидат слушнати, вклучени и поддржани, а програмата ќе биде нивна водилка за реализација на идеи и иницијативи во текот на 2026 година. Центарот за активни граѓани АКТИВО ќе продолжи да го поддржува процесот и да обезбедува можности младите од руралните средини активно да придонесуваат за подобрување на заедницата.
The post Донесена годишна програма на Младинскиот клуб во с. Извор appeared first on АКТИВО.
Оваа вест изворно е објавена на веб-страната на Здружение Центар на активни граѓани АКТИВО Велес
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
