Bure-Cycle – Кружна економија на дело

Eco Logic со гордост го претставува Bure-Cycle – иновативна идеја за креирање на велосипедски паркинзи од пренаменети метални буриња и искористени внатрешни гуми од велосипеди. Со овој пристап го продолжуваме животниот циклус на материјалите кои инаку би завршиле како отпад, ја намалуваме потребата за нови ресурси и ја поттикнуваме еколошката свест во заедницата.

Bure-Cycle претставува повеќе од практично решение – тоа е модел што ја отелотворува филозофијата на кружната економија. Велосипедските паркинзи се функционални, издржливи и визуелно привлечни, а во нивното креирање активно се вклучуваат ученици и локални занаетчии. Со својата креативност и вештини тие придонесуваат кон создавање уникатни производи кои истовремено ја поддржуваат одржливоста и заедничкиот дух.

Овој модел нуди исплатливо решение за градовите, училиштата и јавните простори, и претставува конкретен чекор кон поодржлива урбана инфраструктура.

Финансиска поддршка и партнерства

Eco Logic е добитник на грант за креативниот производ Bure-Cycle во рамки на проектот „Граѓанското општество и младите за инклузивен и одржлив развој преку циркуларна економија во Северна Македонија“. Проектот е финансиран од Европската Унија и се спроведува од Луѓе во потреба (PIN), во партнерство со АРНО, Лидери за Едукација, Активизам и Развој (LEAD) и Ековита.

Почеток на нова урбана одржливост

Со Bure-Cycle започнуваме нова ера на одржливи решенија во урбаните средини. Подготвуваме возбудливи активности кои ќе го обликуваат утрешниот град, а секој може да биде дел од оваа промена.

Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"