П О К А Н А З А ТЕКСТИЛИЈАДА 9 | 3 и 4 ОКТОМВРИ 2025

Почитувани,

Ве покануваме да бидете наши гости на „Текстилијада 9“, која ќе се одржи од 03 до 04 октомври 2025 година во Штип, организирана од здружението „Гласен Текстилец“. Овој настан има за цел да ги поттикне младите и работниците да се вклучат во процесите на одлучување и да ја нагласи потребата од поддршка за подобрување на работничките права.

„Текстилијада 9“ е значајна платформа за култура, активизам и граѓански дијалог, која оваа година ќе се фокусира на борбата против корупцијата. Корупцијата е реалност која ги погодува работниците секојдневно и создава систем каде што правдата станува привилегија, а не право. На овој начин, фестивалот ќе отвори важна дебата и ќе ја поттикне јавноста да стане дел од промените.

Настанот ќе вклучува културни и социјални активности што ќе ја истакнат улогата на граѓаните во спротивставувањето на неправдата. Целта на „Текстилијада 9“ е Штип да стане симбол на отпорот кон корупцијата и да се изградат добри работнички услови и достоинствен живот за сите.

Сите настани во рамките на програмата ќе бидат пренесувани во живо преку Фејсбук страницата на Гласен Текстилец.

Програмата ќе Ви ја испратиме дополнително.

Се надеваме на Вашето присуство и активно учество во создавањето на позитивни промени во нашето општество.

Вашето присуство можете да го потврдите на линкот.

Срдечен поздрав, Кристина Ампева,  
Претседателка на „Гласен Текстилец“ – Штип.

Оваа вест изворно е објавена на веб-страната на Здружение за заштита на работничките права „Гласен Текстилец“