Author: Институт за истражување на општествениот развој РЕСИС Скопје

Крушево беше домаќин на работилница што собра новинари, активисти и граѓани од регионот за да разговараат за нешто што во Македонија сè уште е недоволно познато – медиумите на заедницата и нивната вистинска улога во локалниот живот.

Половина од проблемите што граѓаните од 12 македонски општини ги споделија со претставниците на Институтот РЕСИС, воопшто не се наоѓаат во изборните програми на нивните градоначалници. Ова го покажа анализата на РЕСИС, која беше претставена на јавна дебата одржана вчера во Берово.

Демографскиот проблем на иселување на младите и стареење на населението, проблемите во здравството, екологијата и земјоделието беа меѓу главните теми што граѓаните од Гевгелија и од Богданци ги споделија со претставниците на Институтот РЕСИС.

По речиси половина година од објавувањето на првите содржини на медиумот на заедницата „Локал Актив Пелагонија“, Институтот РЕСИС организираше јавна презентација* на веб платформата www.lap.mk во просториите на Europe House во Битола.

Јавната безбедност, дивата урбанизација, здравствените и образовните проблеми беа меѓу главните теми за кои граѓаните од Штип и Виница разговараа со претставниците на Институтот РЕСИС.

Активирање на младите кои заедно со искусните новинари би пишувале стории за локалните проблеми и предизвици, беше една од главните теми на редакцискиот состанок на новинарите и активистите од „Локал Актив Исток“ заедно со претставниците од Институот РЕСИС и Советот за етика на медиумите во Македонија.

Еколошките проблеми, иселувањето на младите и запоставена инфраструктура беа клучните проблеми кои граѓаните од Неготино и Кавадарци ги споделија со Локал Актив на консултативните средби кои се одржаа во рамки на проектот „Поттикнување на граѓанскиот ангажман во локалното владеење – Локал Актив“, поддржан од НЕД и спроведуван од Институтот РЕСИС, во партнерство со локалните граѓански организации.

Зајакнување на локалното новинарство, нови важни локални приказни и уште поголем фокус на проблемите на граѓаните, беа главните теми кои се дискутираа на редакцискиот состанок на платформата „Локал Актив Вардар“, на кој учествуваа новинари и активисти од Вардарскиот Регион, претставници од Институтот РЕСИС и Советот за етика на медиумите во Македонија (СЕММ).