Author: Македонски центар за меѓународна соработка

Граѓанскиот ресурсен центар ве поканува да учествувате во мини анкета која се состои од два дела.

Македонскиот центар за меѓународна соработка (МЦМС) во соработка со Националниот комитет за спречување на насилен екстремизам и борба против тероризам (НКСНЕБТ) на 26 марти 2026 година организираше координативен состанок на тема „Заедно за побезбедни заедници: локално лидерство и национална координација“, на кој учествуваа 36 претставници од национални институции, локални самоуправи од осум општини со кои работи конзорциумот на МЦМС, како и претставници на граѓански организации.

Во првите три месеци од 2026 година, Цивика мобилитас продолжи да ги поддржува иницијативите кои го менуваат системот однатре, и тоа преку застапување, анализа и директна работа со граѓаните. Сториите објавени во јануари, февруари и март ја покажуваат широчината на граѓанскиот ангажман, опфаќајќи теми од дигитализација на државните регистри и борба против корупцијата, до младите кои бараат причина да останат дома.

Дваесет средношколци учеа како да застапуваат за прашањата кои им се приоритетни и како да влијаат на политиките. Покрај теориските знаења, преку вежбите тие стекнаа и практични вештини со кои ќе ја зајакнат нивната улога на активни чинители во процесите на носење одлуки во заедниците.

Во 2025 година, Советот за соработка меѓу Владата и граѓанското општество имаше интензивна и динамична работа, потврдувајќи ја својата улога како важен механизам за дијалог и партнерство меѓу институциите и граѓанското општество. Во текот на годината беа одржани 7 седници, на кои се разгледуваа актуелни прашања и јавни политики од значење за овозможувачката средина, учеството на граѓанските организации во креирањето политики и нивната финансиска одржливост.

На 13 март 2026 година, во просториите на Граѓанскиот ресурсен центар во Скопје, се одржа обука на тема „Ефективно учество на граѓанските организации во процесот на креирање политики“. Настанот беше организиран од Граѓанскиот ресурсен центар, во партнерство со Генералниот секретаријат на Владата на Република Северна Македонија и Министерството за јавна администрација. На обуката учествуваа 23 државни службеници, членови на Мрежата на државни службеници за соработка со граѓанското општество и координатори за проценка на влијанието на регулативата (ПВР).

Со конференцијата „Фер игра: еднаквост и нулта толеранција за родово базирано насилство во спортот“, Македонскиот центар за меѓународна соработка (МЦМС) го заокружи процесот на собирање на податоци кои покажуваат како жените се застапени на позиции на одлучување во спортските организации. Истражувањата укажуваат и на искуствата и препознавањето на различните форми на родово базирано насилство врз жените во спортот, нивото на свесност на спортистките и постоењето, видливоста и користењето на механизмите за заштита. Учесниците на конференцијата отворија широка дискусија која овозможи да се согледаат пречките и бариерите и можните решенија.

На 2 март 2026 година, СЕЛДИ организираше онлајн обука-вебинар „Истражување, реформи, резултати: стратешко застапување за граѓанското општество“, на кој се собраа грантистите од програмата за мали грантови на СЕЛДИ со цел дополнително да ги зајакнат своите капацитети за трансформирање на истражувачките наоди во ефективно застапување и реформи на политики.

Денес, 27 февруари, го одбележуваме Светскиот ден на граѓанските организации, официјално промовиран во 2014 година во Хелсинки, Финска со поддршка на Организацијата на обединетите нации и Европската Унија. 

МЦМС ја објави новата анализа „Родово базирано насилство врз жените во спортот во Северна Македонија“ подготвена како резултат на сериозниот недостаток на систематизирани податоци, ограничената институционална подготвеност за справување со родово базирано насилство во спортот.