[Aggregator] Downloaded image for imported item #50335

Првата година од спроведувањето на антикорупциската стратегија веќе е изгубена

ОдМакедонски центар за меѓународна соработка

Македонскиот центар за меѓународна соработка (МЦМС) го објави новиот Документ за јавни политики „Менаџирање со роковите и стратешкиот континуитет: Осврт на процесот на донесување на новата Национална стратегија за спречување на корупција и судирот на интереси (2026–2030)“. Документот го анализира целиот процес – од неговото започнување и консултациите со засегнатите страни, до донесувањето на Стратегијата од страна на ДКСК и нејзиното доставување до Собранието со цел усвојување.
ГОК 2

Анализата ги препознава позитивните практики, особено инклузивниот пристап и вклучувањето на институциите, граѓанскиот сектор и другите засегнати страни.

Истовремено, таа укажува на сериозни системски слабости поврзани со пробивање на рокови, недостиг на транспарентност во клучни фази од процесот, како и отсуство на увид во исходот од спроведените јавни консултации.

Доцнењето не е само административно прашање и истото има пошироки последици од самото одложување на процесот. Тоа директно влијае врз стратешкиот континуитет и создава временски јаз во спроведувањето на клучните антикорупциски реформи.

Токму затоа, Документот содржи конкретни препораки до клучните институции и чинители со цел да се обезбеди поголема транспарентност, подобро планирање и управување со роковите, како и обезбедување континуитет во спроведувањето на антикорупциските политики.

Националната стратегија за спречување на корупцијата и судирот на интереси за периодот 2026–2030 претставува клучен документ за насочување на антикорупциските политики во државата и треба да обезбеди континуитет во борбата против корупцијата. Но, процесот на нејзина подготовка и донесување беше проследен со сериозно пробивање на рокови, што директно влијае врз временската рамка за спроведување на антикорупциски мерки и активности.

Прочитајте го целиот Документ за јавни политики и препораките дадени за надминување на овие предизвици.

Оваа вест изворно е објавена на веб-страната на Македонски центар за меѓународна соработка

Продолжи со читање

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор