Author: Македонски центар за меѓународна соработка

МЦМС ја објави публикацијата „Граѓанскиот сектор во бројки 2025“, финансиска, економска и општествена анализа на топ 100 граѓански организации според приходи во 2025 година. Анализата ги вкрстува завршните сметки за 2023, 2024 и 2025 година со податоците од регистарот на активни граѓански организации, и на едно место дава слика за големината, географијата, растот и ранливостите на организираното граѓанско општество во земјата.

Македонскиот центар за меѓународна соработка (МЦМС) го објави новиот Документ за јавни политики „Менаџирање со роковите и стратешкиот континуитет: Осврт на процесот на донесување на новата Национална стратегија за спречување на корупција и судирот на интереси (2026–2030)“. Документот го анализира целиот процес – од неговото започнување и консултациите со засегнатите страни, до донесувањето на Стратегијата од страна на ДКСК и нејзиното доставување до Собранието со цел усвојување.

Излезе 84-от број (јуни-јули 2026) на Антикорупцискиот билтен на СЕЛДИ, насловен „Рамки без сила: како се заобиколуваат антикорупциските правила“. 

Платформата на граѓански организации за борба против корупцијата бара од Собранието на Република Северна Македонија веднаш да го стопира донесувањето на Предлог-Законот за спроведување на проектот „Скопје – Европска престолнина на културата 2028 година“ по скратена постапка, поднесен од група пратеници.

Македонскиот центар за меѓународна соработка (МЦМС) и партнерските организации Центар за заедничка основа (ЦЗО) и Отворена порта – Ла Страда одржаа координативен состанок на кој  присуствуваше и регионалната советничка на ГЦЕРФ за Западен Балкан, Весе Келменди, на 22 јули 2026 година.

МЦМС го надгради своето членство во Глобалната коалиција на граѓанското општество за УНКАК и од асоцијативна стана нејзина полноправна членка. Ова претставува признание за долгогодишната посветеност на организацијата и дополнително ги засилува капацитетите за граѓански надзор и притисок во борбата против корупцијата.

Проактивната улога на општините, меѓуинституционалната соработка, континуираното градење на капацитетите, волонтеризмот и превенцијата преку заедницата се клучните впечатоци кои ги издвоија учесниците на студиската посета во Холандија која се одвиваше од 9 до 11 јуни 2026 година во Хаг и Делфт.
Претставници на националните институции поврзани со Националниот комитет за спречување насилен екстремизам и борба против тероризам, на општините Арачиново, Бутел, Гази Баба, Кичево, Сарај, Струга и Чаир и три граѓански организации имаа средби и дискусии со претставници на Министерството за правда и безбедност во Хаг и со претставници на општината Делфт.

Како стручните работници во училиштата навреме да ги препознаат ризиците, да обезбедат соодветна поддршка и да придонесат за создавање побезбедна и поподдржувачка средина за секое дете беше темата на која се фокусираше дводневната работилница што Македонскиот центар за меѓународна соработка (МЦМС) ја организираше на 17 и 18 јуни 2026 година во ООУ „Дитурија“, во општина Сарај. На работилницата учествуваа 22 педагози, психолози, наставници и дефектолози од девет основни училишта во Сарај и три училишта од Арачиново. Преку анализа на случаи, интерактивни вежби и размена на искуства тие работеа на унапредување на механизмите за пријавување, превенција, заштита и поддршка на учениците.

Претставници на организациите членки на Балканската мрежа за развој на граѓанското општество (БЦСДН), меѓу кои и МЦМС, минатата недела се состанаа во Валона, Албанија, на тридневен настан посветен на стратешкото планирање и дигитализацијата на алатките за мониторинг на граѓанскиот простор во регионот. Работните средби се одвиваа од 16 до 18 јуни 2026 година.