Author: Македонски центар за меѓународна соработка

За разлика од 2021 и 2023 година, кога корупцијата беше идентификувана како најсериозен општествен проблем, во 2025 година граѓаните на Северна Македонија ги рангираат високите цени како своја главна грижа (46,6%), а корупцијата е веднаш зад нив (40,1%). Ова укажува дека инфлацијата, зголемените трошоци за живот и намалената куповна моќ ја зголемуваат економската несигурност, додека корупцијата и понатаму останува еден од клучните предизвици со кои се соочува општеството. 

Македонскиот центар за меѓународна соработка (МЦМС) го објави Националниот извештај за Северна Македонија за 2025 година „Матрица за мониторинг на овозможувачката околина за развој на граѓанското општество“. Наодите укажуваат на продолжен јаз меѓу законски загарантираните слободи и условите во кои граѓанските организации секојдневно работат. Намаленото финансирање, одложувањето на клучните реформи и недоследните јавни консултации ја ограничуваат способноста на секторот да обезбедува услуги, да ги застапува потребите на граѓаните и да придонесува кон отчетноста на институциите.

Регионот на Западен Балкан не се движи кон демократска консолидација. Новите податоци од Дијагностиката за проценка на заробеност на државата (СКАД) и Системот за мониторинг на корупцијата (ЦМС) на СЕЛДИ, претставени во Регионалниот извештај за борба против корупцијата, укажуваат на три главни заклучоци. Заробеноста на државата е длабоко вкоренето низ целиот регион. Институциите за отчетност, судовите и медиумите остануваат под силно политичко и приватно влијание. Заробените институции сè повеќе стануваат влезна точка за странско авторитарно влијание.

Балканската мрежа за развој на граѓанското општество (БЦСДН) успешно ја одржа онлајн промоцијата на Регионалниот извештај за 2026 година за овозможувачка околина за развој на граѓанското општество во Западниот Балкан и Турција. Настанот обедини истражувачи, експерти за политики, претставници на граѓанскиот сектор и партнери од Европската Унија.

Директорите и стручните работници од трите основни училишта во Арачиново, заедно со членовите на Локалниот совет за превенција (ЛСП), разговараа за можностите за поефикасна соработка во спречувањето на насилството меѓу учениците на работилница одржана на 22 октомври 2026 година. Работилницата ја организираа Општина Арачиново и Македонскиот центар за меѓународна соработка (МЦМС), а на неа учествуваа 22 лица. Покрај директорите, стручните работници од основните училишта, членовите на ЛСП, учествуваше и градоначалникот, претставници на администрацијата и на Советот на општината.

СЕЛДИ билтен за анти-корупција #85: август-септември 2026

Во Западен Балкан корупцијата веќе не се сведува само на поткуп. Таа прерасна во заробување на државата: политички и бизнис мрежи кои ги преиначуваат институциите и правилата за приватна корист, честопати со поддршка од странски интереси.

Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

Спроведувањето на националните антикорупциски стратегии беше во фокусот на последната консултација на повеќе засегнати страни, која се одржа на 17 септември во Белград, Србија. Настанот беше дел од заедничката програма на Канцеларијата на ОН за дрога и криминал (UNODC) и Регионалната антикорупциска иницијатива (RAI) и беше посветен на претворање на антикорупциските обврски во практични дејствија, зајакнување на улогата и учеството на граѓанското општество во спроведувањето и следењето на стратегиите, како и споделување на искуства и добри практики меѓу земјите од регионот.