[Aggregator] Downloaded image for imported item #52294

„Превенцијата почнува со разговор“: училиштата и ЛСП во Арачиново заеднички против насилството

Директорите и стручните работници од трите основни училишта во Арачиново, заедно со членовите на Локалниот совет за превенција (ЛСП), разговараа за можностите за поефикасна соработка во спречувањето на насилството меѓу учениците на работилница одржана на 22 октомври 2026 година. Работилницата ја организираа Општина Арачиново и Македонскиот центар за меѓународна соработка (МЦМС), а на неа учествуваа 22 лица. Покрај директорите, стручните работници од основните училишта, членовите на ЛСП, учествуваше и градоначалникот, претставници на администрацијата и на Советот на општината.

Целта на средбата беше да се разјаснат улогите и одговорностите на различните чинители, да се поттикне комуникацијата и координацијата на клучните чинители за навремена заштита на учениците.

Градоначалникот на Арачиново, Даут Беќири, ја истакна потребата општината, училиштата и пошироката заедница заеднички да дејствуваат во спречувањето на насилството. И претседателката на Советот на Општина Арачиново, Рита Синани Халими, нагласи дека институциите не треба да се поврзуваат само кога ќе се случи инцидент, туку да соработуваат континуирано за навремено да ги препознаваат и спречат ризиците. „Превенцијата почнува со еден разговор“, посочи Халими, нагласувајќи го значењето на ваквите средби за зајакнување на соработката меѓу училиштата и локалните институции.

На значењето на локалниот пристап се осврна и Гонце Јаковлеска, проектен координатор од МЦМС која истакна дека ЛСП е важен механизам за поврзување на чинителите преку кој може да се олесни комуникацијата меѓу училиштата и надлежните институции. Осврнувајќи се на истражувањето „Disrupting Harm in North Macedonia“ на УНИЦЕФ, Јаковлеска ја нагласи важноста на пријавувањето и институционалното постапување. Според истражувањето, 88 % од децата што доживеале сексуална експлоатација или злоупотреба овозможена преку технологија му кажале некому за своето искуство, но помалку од 1 % побарале помош преку формални канали за пријавување. „Ние денеска имаме одлична прилика тој еден процент да го зголемиме“, истакна Јаковлеска, посочувајќи ја можноста преку соработката меѓу училиштата, ЛСП и надлежните институции да се гради свест и култура за пријавување на насилството.

viber image 2026 10 26 11 56 36 109 MCMS

Работниот дел го водеше Дренуша Ника. Преку интерактивна вежба, учесниците ги претставија своите улоги, очекувањата од средбата и пречките што ги препознаваат во меѓусебната соработка. Нивните согледувања, запишани на хартија, послужија како основа за понатамошната дискусија за институционалните одговорности и координацијата меѓу нив.

Еден дел од работилницата беше посветен на обврските на училиштата што произлегуваат од Правилникот за начинот на пријавување и заштита на ученик-жртва на која било од формите на насилство, злоупотреба и занемарување, што Министерството за образование и наука го донесе во 2025 година. Се разговараше за примената на Правилникот преку интерните акти на училиштата, различните форми на насилство, нивната категоризација во три нивоа според сериозноста, како и за соодветните процедури за пријавување, документирање и постапување.

Посебно внимание беше посветено на заедничката одговорност на сите вработени во училиштето за препознавање и пријавување на насилство или сомневање за насилство, како и на обезбедувањето анонимен канал за пријавување. Преку симулирани случаи, учесниците разгледуваа како треба да се постапува, кого треба да известат и кога е потребно вклучување на родителите, центрите за социјална работа и полицијата.

viber image 2026 10 26 11 56 36 245 MCMS

Дискусијата потоа се насочи кон улогата на ЛСП во препознавањето на ризиците и поттикнувањето заеднички превентивни активности на локално ниво. Беа разгледани начините на кои Советот може да прибира и разменува релевантни информации, да ги идентификува проблемите и да предлага мерки во рамките на институционалните надлежности.

Преку практични примери, учесниците разгледуваа кои ситуации можат да се решаваат во рамките на училиштата, а кои бараат поширока институционална соработка. Се разговараше и за препознавањето и мапирањето на ризиците во училишната средина, како и за улогата на различните институции во нивното надминување. Како пример за координирано превентивно дејствување беше претставен и данскиот модел на соработка меѓу училиштата, социјалните служби и полицијата.

Учесниците на работилницата се договорија темата за спречување на насилството во училиштата да продолжи да се разгледува на следниот состанок на ЛСП во Арачиново, со посебен осврт на предизвиците поврзани со спроведувањето на Правилникот, механизмите за пријавување и заштитата на учениците.

Работилницата е дел од програмата „Рехабилитација за отпорност: патот напред“, поддржана од Глобалниот фонд за ангажман и отпорност на заедниците (ГЦЕРФ). Покрај МЦМС, програмата ја спроведуваат и Центарот за заедничка основа (ЦЗО) и Отворена порта – Ла Страда.

Оваа вест изворно е објавена на веб-страната на Македонски центар за меѓународна соработка

Продолжи со читање

  • Високите цени ја надминаа корупцијата како клучен проблем, но расте прифатливоста и подложноста на корупција во Северна Македонија

    За разлика од 2021 и 2023 година, кога корупцијата беше идентификувана како најсериозен општествен проблем, во 2025 година граѓаните на Северна Македонија ги рангираат високите цени како своја главна грижа (46,6%), а корупцијата е веднаш зад нив (40,1%). Ова укажува дека инфлацијата, зголемените трошоци за живот и намалената куповна моќ ја зголемуваат економската несигурност, додека корупцијата и понатаму останува еден од клучните предизвици со кои се соочува општеството. 

  • Демир Капија: Жените бараат редовни средби со институциите и поголема поддршка за локалните иницијативи

    Демир Капија, октомври 2026 – Поголема вклученост на жените во локалното одлучување, редовни консултации со жителките од руралните средини и навремени повратни информации од институциите беа дел од главните теми на јавната дебата „Женското лидерство како огледало на заедницата“, одржана во Демир Капија. Дебатата ја организираше Хуманитарното здружение „Мајка“ – Куманово, во соработка со Организацијата […]

  • Младите од Струга во улога на новинари на работилница за медиумите на заедницата

    Средношколци од Струга учеа за медиумите на заедницата, разговараа за етиката во новинарството и за момент влегоа во улога на новинари. Тие предлагаа теми, анализираа како да ја обработат приказната и дискутираа колку е важно да се зборува јавно за проблемите на локалните заедници и да се бараат решенија.

  • Два дена партиципативно буџетирање со граѓаните на Општина Кисела Вода

    Во соработка со Општина Кисела Вода спроведовме процес на партиципативно буџетирање. Граѓаните ги споделија своите потреби, проблеми и предлози за подобрување на квалитетот на животот во општината. Тие ја препознаа иницијативата како корисна и изразија поддршка за организирање ваков тип на настани, кои овозможуваат нивните потреби и идеи да бидат слушнати. Следниот чекор е анализа […]
    The post Два дена партиципативно буџетирање со граѓаните на Општина Кисела Вода first appeared on Finance Think.
    The post Два дена партиципативно буџетирање со граѓаните на Општина Кисела Вода appeared first on Finance Think.

  • Ден на климатските промени – 4 Ноември

    Денес го обележивме 4ти ноември Денот на климатски промени со учество на Утринска програма на Телма телевизија со нашата  Тамара Радовановиќ Анѓелковска на која што разговаравме за активностите на нашата организација поврзани со заштита на животна средина и намалување/ адаптација на климатските промени.
    Зборувавме за тоа како локалните заедници можат да станат отпорни на климатски промени и зошто е тоа важно.
    Благодарност до редакцијата на Телма телевизија за поканата!
     

  • Од управување со миграциите до интеграција: Истражувањето во рамки на ФОСТЕР го анализира пристапот на странските државјани до права во Северна Македонија

    Миграцискиот профил на Северна Македонија се менува. Иако традиционално се препознава како транзитна земја, таа сè повеќе станува земја на дестинација за странски работници и други странски државјани што бараат подолгорочен престој. Според податоците презентирани во нашето истражување, бројот на странски работници се зголемил од […]
    The post Од управување со миграциите до интеграција: Истражувањето во рамки на ФОСТЕР го анализира пристапот на странските државјани до права во Северна Македонија appeared first on Myla.

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор