[Aggregator] Downloaded image for imported item #48939

МЦМС стана полноправна членка на Глобалната коалиција на граѓанското општество за УНКАК

ОдМакедонски центар за меѓународна соработка

МЦМС го надгради своето членство во Глобалната коалиција на граѓанското општество за УНКАК и од асоцијативна стана нејзина полноправна членка. Ова претставува признание за долгогодишната посветеност на организацијата и дополнително ги засилува капацитетите за граѓански надзор и притисок во борбата против корупцијата.

МЦМС активно соработува во изминатите години со оваа престижна глобална мрежа, работејќи посветено на имплементацијата на Конвенцијата на ОН против корупција (УНКАК) во Северна Македонија. Како дел од овие заложби, на национално ниво беа организирани повеќе работилници и консултативни процеси на кои директна вклученост и поддршка имаше токму од УНКАК коалицијата, со цел приближување на меѓународните антикорупциски стандарди до домашните институции, граѓанскиот и приватниот сектор.

Еден од клучните примери за оваа успешна синергија беше и неодамнешното заедничко учество на Единаесеттата сесија на Конференцијата на државите-страни на УНКАК (COSP11) во Доха, Катар. На овој значаен глобален настан, МЦМС заеднички со мрежата настапи на специјалната сесија „Инклузивни антикорупциски стратегии: траен импакт во Југоисточна Европа“. каде се истакна клучната улога на граѓанското општество во креирањето на долгорочни политики за борба против корупција уште од почетните фази на процесите.

Глобалната коалиција за УНКАК претставува моќна мрежа која обединува над 350 организации на граѓанското општество од повеќе од 100 земји ширум светот, посветена на промоција на ратификувањето, имплементацијата и следењето на Конвенцијата на Обединетите нации против корупција како единствен правно обврзувачки универзален антикорупциски инструмент. Заложбите на мрежата на глобално ниво се насочени кон зголемување на транспарентноста, заштита на укажувачите и активистите, како и кон обезбедување суштински простор за граѓанскиот сектор да биде рамноправен партнер во ревизијата на владините реформи.

Преку полноправното членство, МЦМС добива поголем простор за директно влијание врз глобалните антикорупциски политики, пристап до меѓународни експертски ресурси и посилна платформа за застапување на домашните реформи. Овој чекор уште еднаш ја потврдува улогата на МЦМС како водечки и кредибилен чинител во промовирањето на доброто владеење, владеењето на правото и ефективната борба против корупцијата.

Оваа вест изворно е објавена на веб-страната на Македонски центар за меѓународна соработка

Продолжи со читање

  • Насилството врз децата не почнува кога ќе стане вест, а превенцијата не треба да започне откако насилството ќе стане вест

    Зад секоја вест за насилство врз дете, стојат дете со нарушено чувство на сигурност, семејство кое живее во страв и неизвесност; и заедница што треба да се запраша дали можела да стори нешто порано. Но, не секое насилство станува вест. Некои деца молчат од страв […]
    The post Насилството врз децата не почнува кога ќе стане вест, а превенцијата не треба да започне откако насилството ќе стане вест appeared first on Myla.

  • Eco Social Voices претставен на YCDF Skopje Local Point: Младите како двигатели на климатските промени

    Климатската акција започнува со младите, нивните идеи и можноста активно да учествуваат во создавањето промени. Во Europe House во Скопје, Еко Логик, во партнерство со Youth Climate Diplomacy Forum (YCDF), го претстави проектот Eco Social Voices на презентацискиот настан посветен на YCDF Skopje Local Point. Настанот беше можност за запознавање со целите, визијата и активностите […]

  • Новинарите ги декодираат институциите на ЕУ, acquis и политиките за проширување

    На 16 и 17 октомври 2026 година, Институтот за европска политика (ЕПИ) го организираше првиот модул за обука во рамките на проектот „Decode the EU – Communicating EU policies together“ во Струмица. Дводневната работилница собра 10 новинари од различни медиуми, со цел да се зајакне аналитичкото известување засновано на докази за процесот на пристапување на […]
    The post Новинарите ги декодираат институциите на ЕУ, acquis и политиките за проширување appeared first on EPI.

  • Извидниците од Велес волонтерски работеа на санирање на конференциската сала во ИЦО – Охрид

    Членовите на извидничкиот одред “Димитар Влахов“ – Велес, Валентин Јанкуловски, Благој Јорданов и Владимир Ивановски-Вуцо во периодот од 16 до 18 октомври 2026 год. во извидничкиот центар “Охрид“ во Охрид работена на санирање на Конференциската сала на ИЦО – Охрид. Со превземените активности од страна на нашите одредски членови ја…

  • Меморандум за разбирање со Британската бизнис-асоцијација

    Силните економии се градат врз силни партнерства. Finance Think и British Business Association in North Macedonia – Британската бизнис-асоцијација во Северна Македонија вчера потпишаа Меморандум за разбирање, поставувајќи основа за поблиска соработка за прашања важни за бизнис-секторот, носителите на политики и општеството. Партнерството ја поврзува широката деловна мрежа на Британската бизнис-асоцијација со економските истражувања и […]
    The post Меморандум за разбирање со Британската бизнис-асоцијација first appeared on Finance Think.
    The post Меморандум за разбирање со Британската бизнис-асоцијација appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор