Во Делчево одбележан Светскиот ден на Ромите

ОдCivica Mobilitas 12/04/2017

Со доделување награди и признанија на најдобрите ученици Роми, во Делчево се одбележа Светскиот ден на Ромите, 8 Април.

НВО Кхам од Делчево ѝ додели парична награда од 5.000 денари на најдобрата ученичка, осмооделенката Мелиса Ахмедова од ОУ „Ванчо Прке“ од Делчево. Општина Делчево, пак, ја награди со 10.000 денари најдобрата средношколка Ромка, Себат Зекировска од СОУ „М.М.Брицо“.

„Овие награди претставуваат признание за најдобрите ученици Роми, но и поттик за учениците да постигнуваат поголеми успеси. Ние сакаме да ги мотивираме, бидејќи образованието ги отвора вратите на нивната иднина. Очекувам примерот на овие ученици да го следат и нивните другари“-рече Сара Јашарова од НВО Кхам.

На свеченоста се обрати и Зекри Абдулов, директор на НВО Кхам, кој истакна дека реализацијата на програмата на Светска Банка, „Декадата на Ромите“, придонела да се актуелизираат, но и да се решат мал дел од проблемите на Ромите. Сепак, тој не е задоволен од динамиката на спроведување на акциските планови за Ромите опфатени во Стратегијата.

„Стратегијата е донесена пред три години, националните акциски планови од сите области се завршени пред неколку месеци, но локалните акциски планови сѐ уште се изготвуваат. Тоа значи дека ние изгубивме три години кои стојат како вакуум, а Стратегијата важи до 2020 година. Се плашам дека ќе бидеме принудени повторно да носиме некои документи кои ќе бидат алиби за она што не се спроведува. За жал, Ромите се сѐ уште дискриминирани во 21 век“ – изјави Абдулов.

НВО Кхам од Делчево 15 години го организира одбележувањето на Светскиот ден на Ромите, со кој се одбележува првото ромско организирање на 8 април 1971 година во Лондон.

НВО Кхам од Делчево е корисник на институционален грант на Цивика мобилитас.

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.