![[Aggregator] Downloaded image for imported item #42711](https://civicamobilitas.mk/wp-content/uploads/2025/12/eko-svest-983x1024-1-e1765882815974.jpg)
Учество на работилница “Еко муабети“
На ден 11.12.2025 год. (четврток) успешно се одржа работилницата „Еко Муабети“, организирана од еко-одборот на гимназијата „Кочо Рацин“ – Велес и групата средношколци „Зелени Борци“. На настанот учествуваа претставници од „Зелена Народна Стража“, извидничкиот одред „Димитар Влахов“, како и ученици и професори од гимназијата „Кочо Рацин“ – Велес и ученици од ДСУ „Коле Неделковски“ – Велес. Настанот го водеше Михаил Здравковски кои воедно е и член на извиднички одред “Димитар Влахов“, кој се погрижи за динамична и пријатна атмосфера, а целиот настан беше фотографски документиран од Љубе Лазов, чиј објектив ги овековечи најубавите моменти од работилницата. Покрај него учество земаа и нашите членови Иван Гушев и Љупче Неделковски.
Работилницата започна со претставување на целите и правилата за работа, по што следеше кратка интерактивна игра за запознавање и поттикнување на тимски дух. Потоа преминавме на дискусија, каде учесниците разменија мислења за екологијата, еколошките предизвици во Велес, односот кон природата и начините на кои секој поединец може да придонесе за чиста и здрава средина. По кратката пауза, учениците поделени во групи снимаа кратки видеа посветени на различни „еко навики“ во секојдневниот живот. Работилницата ја заокружи Андреј Божиновски со едукативната игра „Погоди која земја“, во која групите ученици одговараа на прашања така што ги креваа знамињата на државите што ги сметаа за точен одговор. Овој настан уште еднаш покажа дека кај младите постои силна мотивација и искрена желба за создавање позелена, почиста и поодговорна заедница. Нивната енергија, креативност и подготвеност за делување се најдобриот доказ дека иднината може да биде поодржлива – доколку продолжиме да учиме, да соработуваме и да се бориме заедно.
The post Учество на работилница “Еко муабети“ appeared first on Scout Veles.
Оваа вест изворно е објавена на веб-страната на Извиднички одред “Димитар Влахов“ - Велес
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
