[Aggregator] Downloaded image for imported item #47721

Работна средба помеѓу Гласен текстилец и Амбасадорот на Шведска во Скопје

ОдГласен текстилец
Денес имавме задоволство да бидеме домаќини на шведскиот Амбасадор и тимот на Амбасадата на Шведска во Скопје, во рамките на иницијативата #EmbassyOnTheRoad.

Посетата претставуваше значајна можност за размена на искуства и перспективи за улогата на социјалниот дијалог, локалните партнерства и инклузивниот развој во зајакнувањето на заедниците и подобрувањето на условите за работа и живот.
Во текот на средбата го претставивме развојот на Гласен Текстилец од локална иницијатива во препознатлива организација со експертиза во областа на работничките права, граѓанското учество, јавните политики и развојот на заедницата. Разговаравме и за значењето на соработката помеѓу граѓанскиот сектор, институциите, општините, образовните чинители и приватниот сектор во создавањето одржливи и современи модели за локален развој.
Посебно внимание беше посветено на долгогодишната соработка и размена со партнерите од Борос, град меѓународно препознатлив по успешното поврзување на текстилната традиција со иновациите, образованието, одржливоста и современиот економски развој. Како текстилни градови со слична индустриска историја, Борос и Штип претставуваат значаен пример за тоа како размената на знаења и меѓународната соработка можат да придонесат за зајакнување на локалните капацитети и отворање нови развојни можности.
Ја истакнавме и важноста на континуираната поддршка од Olof Palme International Center – North Macedonia Programme и  Шведска, како и соработката која континуирано се развива и придонесува за зајакнување на нашата видливост, експертиза и меѓународна соработка.
Преку ваквите партнерства и дијалози продолжуваме да промовираме пристапи кои човекот, дијалогот и одржливоста ги ставаат во центарот на развојните процеси.
Искрено сме благодарни за посетата, континуираната поддршка и отворениот и конструктивен разговор.


Оваа вест изворно е објавена на веб-страната на Здружение за заштита на работничките права „Гласен Текстилец“

Продолжи со читање

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор