GLAS PROTIV NASILSTVO 09122016

Партиите се обврзаа на борба против насилството врз жените

ОдCivica Mobilitas

GLAS PROTIV NASILSTVO 09122016На 25 ноември, 2016 година, Националната мрежа против насилство врз жените и семејното насилство организираше настан „Потпишување на заедничка Декларација: Спречување и борба против насилство врз жени и семејно насилство“ со што ја започна и овогодишната кампања „16 дена активизам против насилство врз жените“. Кампањата ќе трае од 25-ти ноември до 10 декември, 2016 година.

На настанот, за прв пат во Македонија, 19 политички партии потпишаа заедничка Декларација за спречување и заштита од различни форми на насилство врз жените и семејно насилство. Со Декларацијата, политичките партии се обврзаа на ратификација на Конвенцијата на Советот на Европа за спречување и заштита од сите форми на насилство врз жената и домашно насилство; следење на препораките на Советот на Европа за достапноста и минимум стандардите кои треба да ги исполнуваат услугите за поддршка; како и обезбедување одржливост на услугите преку развивање на програми за финасиска поддршка на национално и локално ниво.

„Потпишувањето на Декларацијата значи дека ратификацијата на Истанбулската Конвенција е извесна и ќе се случи во 2017 година. Заложбата на политичките партии поинтензивно да почнат да работат на овој проблем и да му пристапат со должното внимание кое го заслужува, е само првиот чекор кон решавање на проблемот на насилство врз жените и семејно насилство со кој е засегната секоја трета жена во Македонија“ – изјави Елена Димушевска, извршна директорка на Националната мрежа против насилство врз жените.

Свое обраќање имаше и Амбасадорот на Шведска во Македонија, г. Мат Стефансон, кој изјави: „Ми претставува задоволство што толку многу политички партии се посветија на потпишување на заедничката декларација. Ова е важен чекор кон справување со семејното насилство насочено кон жените и децата. Да се направи ова сред турбулнетниот период во кој се наоѓа државата е показател на силната посветеност“.

GLAS PROTIV NASILSTVO 09122016

Г-а Луиза Винтон, Постојан координатор на Обединети Нации, постојан претставник на УНДП и претставник на УНФПА, изјави: „Истанбулската конвенција е најдобрата правна рамка во светот за борба против насилството врз жените во сите негови форми. Охрабрени сме што гледаме дека толку многу политички партии се залагаат за што побрза ратификација на Конвенцијата . Спроведувањето на одредбите на Конвенцијата ќе гарантира побезбедна иднина за жените и девојчињата и ќе помогне да се претвори посветеноста на земјата кон родовата еднаквост, во реалност“.

Националната мрежа против насилство врз жените и семејното насилство е основана во 2010 година, од 27 граѓански организации кои работат на превенција и борба против насилството врз жените и семејното насилство. Мисијата на Националната мрежа е координирано делување на ГОи во насока на унапредување на политиките и практиките за справување со проблемот на насилство врз жените и семејно насилство. Мрежата се стреми кон препознавање на женските човекови права и нивна афирмација во РМ. Стратешки цели на мрежата се: актуелизирање на проблемот на насилство врз жените и семејното насилство, воспоставување на влијание врз националните политики, зајакнување на внатрешните капацитети и координирано делување на мрежата, подобрување на моделот на заштита на жртви спроведуван од граѓанските организации како и развивање на регионална и меѓународна соработка.

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор