ОТВОРЕН ПОВИК ЗА АНГАЖМАН НА ОПРЕДЕЛЕНО ВРЕМЕ ВО КОАЛИЦИЈА СЕГА

ОдКоалиција на младински организации СЕГА

 

Коалиција на младински организации СЕГА објавува

ЈАВЕН ПОВИК за ангажман на определено време

Работна Позиција: Асистент за интеркултурни младински размени во Швајцарија

Коалиција на младински организации СЕГА има потреба од ангажирање на лице за работна позиција во Прилеп: Асистент за интеркултурни младински размени за период од три месеци.

 

Потребните квалификации и искуства за работната позиција: Асистент за интеркултурни младински размени

  • Завршено високо образование или во завршни додипломски студии (се охрабруваат да аплицираат апсолвенти)
  • Активно користење на MS Office
  • Одлично познавање и употреба на англискиот јазик (говор и пишување)
  • Одлични комуникациски вештини
  • Искуство за раководење со проекти
  • Чувство на одговорност во извршувањето на поставените задачи
  • Креативност во пристапот, иницијативност и способност за работа во тим
  • Предност ќе имаат кандидати со претходно работно искуство во организирање на меѓународни настани со деца на возраст од 10 – 18 години (размени, семинари, обуки, работилници).

Главни одговорности:

  • Подготовка на план на активности за реализација на младинска размена
  • Навремена подготовка, објавување на повик за учесници на размени и испраќање на известување до вклучените училишта од РМ
  • Организирање на интервјуа со потенцијални кандидати (ученици) во училиштата кои се дел од соодветната размена
  • Подготовка на извештај од спроведени интервјуа
  • Прибирање и ажурирање на информации и податоци од селектираните учесници
  • Организација на процес за подготовка на групи на ученици за учество на интеркултурните младински размени
  • Организирање и одржување на координативни подготвителни состаноци со супервизори-одговорни професори од вклучените училишта од РМ
  • Редовна комуникација со супервизори за координација на подготвителни и последователни активности
  • Организирање и одржување на подготвителни работилници со селектирани учесници
  • Навремена и прецизна подготовка и испраќање на документи (потребни за реализирање на младинска размена) во Детската Фондација Песталоци во Швајцарија
  • Следење и координација на активностите за време на дво-неделната разменаМониторинг и следење на последователните активности од реализираните интеркултурни размени
  • Редовна подготовка на извештаи за реализираните интеркултурни размени

Одговорностите подразбираат целосна поддршка на Координаторот на интеркултурни размени во Коалиција СЕГА.

Заинтересираните кандидати треба да достават:

  • мотивационо писмо 
  • кратка биографија (вклучително и фотографија)

Целосната документација да се достави најдоцна до 07 август 2017 година на  aplikacija@sega.org.mk, или на адреса ул. Цар Самоил бр. 18 Прилеп, (матично, прв спрат – до Средното економско училиште).

Само селектираните кандидати кои ги исполнуваат условите ќе бидат повикани на интервју во рок од седум дена од завршувањето на огласот.

Ангажманот на асистентот се однесува на периодот 01 септември – 30 ноември 2017 година, со пробен период од 15 – 31 август 2017 година. Во зависност од перформансите на асистентот возможно е долгорочно продолжување на ангажманот.

Дополнителни информации на телефон 048 429 390, или на е-маил  sega@sega.org.mk.

*Добиените лични податоци од апликантите ќе бидат искористени само за потребите на овој повик, а во согласност со Законот за заштита на лични податоци на РМ. 

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор