Иницијатива за формирање на Националното собрание на млади
На 25.9.2025 год. во хотел Александар Палас во Скопје се одржа иницијативна средба за формирање на Националното собрание на млади во согласност со Законот за младинско учество и младински политики. На средбата присуствуваа 40 младински организации, претставници на Владата, Министерството за социјална политика, демографија и млади и меѓународни организации. Како еден од претставниците беше и Началникот на извиднички одред “Димитар Влахов“ – Велес, Иван Гушев.
Оваа средба е продолжение на напорите кои НМСМ, заеднички со чадор организациите Коалиција Сега и Сојузот за младинска работа, ги спроведуваше во текот на минатата и оваа година. Целта е да се поттикне поголема имплементација на Законот за младинско учество и младински политики и да се даде можност на младите суштински да се вклучат во процесите на креирање на политики.
Со присутните организации потпишаа декларација со конкретни чекори за воспоставување функционални механизми за младинско учество. По средбата се очекува да се формира координативно тело кое ќе ги спроведе сите потребни чекори за организирање на собранието и за информирање на младинските организации и релевантните институции за улогата на ваквото тело.
Настанот е дел од проектот „Функционални механизми за младинско учество на национално ниво“, поддржан од регионалниот проект СМАРТ Балкан, финансиран од Министерството за надворешни работи на Кралството Норвешка.
The post Иницијатива за формирање на Националното собрание на млади appeared first on Scout Veles.
This post was originally published on this site