0fda496c 2702 4cea 8552 a55dbeae4d41

ГЕНЕРАЛКА ВИКЕНД 2026 – Национална мобилизација за чиста Македонија – 80 општини, 600 локации!

ОдЦивика мобилитас

Датум: 8, 9 и 10 мај 2026

Ова е шеста по ред реализација на годишната еко акција Генералка викенд.

  • Национално обединување: ГЕНЕРАЛКА ВИКЕНД 2026 е најмасовната еколошка акција досега, која ги поврзува граѓаните, институциите и бизнис секторот.
  • Одговорност: Со поддршка на клучните македонски компании, помагаме во имплементацијата на систем за одржливо управување со отпадот.
  • Едукација за иднината: Министерството за образование и наука и УНИЦЕФ во соработка со GENERALKA WEEKEND имплементираат специјална еколошка програма наречена ЕКО ЧАС во сите училишта низ државата.

ГЛАВНИ АКЦИИ И ЛОКАЦИИ за 8, 9 и 10 мај

  1. НИЗ ДРЖАВАТА: акции во 80 општини на над 600 локации во исто време.
  2. ШАР ПЛАНИНА (с. Бродец): Специјализирано чистење на нелегално ѓубриште во Националниот парк. Учествуваат 20 припадници на вооружените сили на РСМ, рејнџерите на Националниот парк, тимот од компанијата Саубермахер и локални жители.
  3. ОХРИД (Конгресен центар): Заштита на езерскиот брег во соработка со УКИМ (студенти и професори), Сороптимист Интернационал и Сороптимист Мома Охрид.
  4. СКОПЈЕ (Официјално отворање): Голема акција за чистење на Кејот на Вардар (на потегот од Влае до Ново Лисиче). Оваа масовна акција е предводена од Град Скопје, кој со здружени сили со ГЕНЕРАЛКА ВИКЕНД, мобилизира над волонтери од приватни компании и инатитуции за уредување на најголемата зелена и рекреативна зона во главниот град.

ПАРТНЕРИ И ПОДДРШКА

ГЕНЕРАЛКА ВИКЕНД е резултат на силно стратешко партнерство меѓу јавниот и приватниот сектор:

  • Официјални партнери: Пивара Скопје, Пакомак, Нула Отпад, Макстил, ЕВН, ИУТЕ, Саубермахер, КАЗ, Шпаркасе Банка.
  • Во соработка со: ЗЕЛС (Заедница на единиците на локалната самоуправа) и Црвен Крст на РСМ.
  • Институционална поддршка: Министерство за животна средина и просторно планирање, Министерство за образование и наука, Министерство за земјоделство, шумарство и водостопанство, Министерство за одбрана, УНИЦЕФ, УКИМ, Вооружените сили на РСМ.

Локалните акции за чистење се организирани и координирани директно од општините во соработка со Црвениот крст. Генералка Викенд е волонтерска акција и волонтерите се одговорни за сопствената безбедност.

Мен енд Маунтен и тимот на Генералка Викенд им посакува на сите волонтери радосно и успешно време за времетраењето на најголемата акција за чистење отпад во историјата на Македонија, Генералка Викенд. 

Да се извалкаме и да исчистиме!

РЕЗУЛТАТИ ОД МИНАТИТЕ ГОДИНИ

Импресивни се резултатите од Генералка Викенд 2025: вкупно беа собрани 645.770 килограми отпад, учество земаа 55.627 волонтери, акцијата се спроведе во сите општини во земјава, вклучени беа повеќе од 600 организации и институции и учество земаа  министерствата за животна средина и заобразование, одбрана, дигитализација и за европски прашања.

Во рамки на акцијата беше организирана и едукативната иницијатива ГЕНЕРАЛКА „ЕКО ЧАС“, реализирана во партнерство со Министерството за образование и наука и УНИЦЕФ. Во неа беа вклучени повеќе од 36.000 ученици и 1.900 наставници, кои низ различни активности во своето опкружување придонесоа за почиста животна средина, а резултатите од нивниот труд беа презентирани во училиштата.

Сумасумарум, почнувајќи од 2021 година, па досега, во еко акцијата земале учество над 100.000 волонтери, а собран е повеќе од 1,5 милиони килограми отпад.

ГЕНЕРАЛКА ВИКЕНД и понатаму останува најголемата и најмоќна граѓанска еко акција во земјава, која ги поврзува институциите, граѓаните, младите, компаниите и медиумите во заедничка мисија – живот во чиста, здрава и зелена Македонија.

0fda496c 2702 4cea 8552 a55dbeae4d41

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор