Едно поинакво новинарство

ОдСамостоен синдикат на новинари и медиумски работници ССНМ 15/05/201709/11/2017

Кога би исчезнал Christian Science Monitor, што би загубил светот, навистина?

Добра меѓународна новинска организација? Можеби, но дали е тоа доволно? Знам дека медиумите не се ценат доволно, но како некој кој работи во професијата од Journalism 201 со професорот Ричардсон, знам дека има доволно добро новинарство за оние кои сакаат да го најдат.

Или можеби: Непристрасна организација?

Тоа е поблиску. Но во овие поларизирани времиња, се бориме со нашите предрасуди како и секој друг. Се надевам подобро ни успева од останатите, но дури и да сме најнепристрасен извор на вести во светот, не знам дали тоа би било толку важно колку што се надеваме.

На многу начини, фактите никогаш не биле помалку важни. Сè почесто, ако на луѓето не им се допаѓаат одредени „факти“, тие наоѓаат други кои повеќе им одговараат. Да се биде непристрасен и заснован на факти е од основно значење, но не е доволно.

Она што на светот најмногу ќе му недостига кога би исчезнал Monitor е, веруваме, целосно различниот начин на кој тој ги гледа вестите.

На 8 мај, почнавме со Christian Science Monitor Daily со цел да го направиме овој различен поглед – оваа клучна точка по која се разликуваме – уште појасен и поприфатлив. Се работи за пакет од пет стории, видеа или графики кои се испраќаат по електронска пошта до нашите претплатници секој работен ден. Се надевам некои од вас веќе сте го виделе. Тој нема да го замени Weekly. Наместо тоа, целта е освежувањето кое Weekly го дава да се претвори во секојдневно искуство.

Целта е да се даде краток приказ на дневни вести кој ќе им помогне на читателите да добират различни гледишта и идеи, што ќе ги предизвика да ги отворат своите умови и срца. (За повеќе детали, контактирајте ме по е-мејл.)

Ова Monitor искуство се чини многу потребно. Толку многу вести денес како да се запрепастени од лошиот тек на нештата. Од реформи во здравството до расизам, тероризам, имиграција – што уште не. Често сме збунети од нередот и несогласувањата. Тоа е на некој начин природно. Се чини дека тоа се случува. Но има многу повеќе.

Во најголем дел, вестите се она што се случува кога различни мислења за напредок се судираат. Тие може да се движат од гледиштето од 8-ми век на еден терорист за светот до сонот на Елон Муск за населување на Месечината. Она што е важно е да се разбере дека секој човек се обидува да влијае на светот на начин кој е во согласност со неговите или нејзините вредности и погледи. Кога тоа ќе се изгуби – кога ќе се фокусираме само на настани и не навлегуваме во гледиштата и вредностите кои всушност го обликуваат светот – го губиме она што е важно. Ја губиме способноста да видиме како сите тие настани водат кон кривулестиот пат кој го оди човештвото.

The post Едно поинакво новинарство appeared first on ССНМ.

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.