Здружение на граѓани РУБИКОН Скопје
Објавено: 15/12/2021
Вкупен буџет: 323.000 MKД
Времетраење: 01.12.2021 – 31.03.2022 (4 месеци)
КОНСТИТУЕНТИ
Децата во Воспитно поправниот дом Тетово, службени лица од Одделението за третман, од затворската полиција и од Одделение за стручно – инструкторски работи и биолошките семејства на децата во ВПД Тетово.
ЗА ПРОЕКТОТ ПОДДРЖАН ОД ЦИВИКА МОБИЛИТАС
Поддршка на деца во конфликт со Законот
ЗА ШТО Е ПОТРЕБНА АКЦИЈАТА
Воспитно-поправен дом Тетово е специјализирана воспитно-поправна установа од полуотворен вид, чија основна функција е реализација на превоспитен третман на малолетни и полнолетни машки лица на возраст од 14 до 23 години, сторители на најразлични кривични дела, на кои со решение на судот им е изречена затворска мерка. Времетраењето на мерката е од една до пет години.
Стапката на рецидивизмот кај осудените лица во Македонија е многу висока, а особено кај децата и младинците. Поради слабостите во системот и процесот на ресоцијализација во изминатите десетина години голем број од децата и младинците стануваат повратници во пенитенцијарниот систем. Поради слабата економска ситуација на родителите, посетите од страна на биолошките семејства на децата во Воспитно поправниот дом Тетово се многу ретки, а во исто време се неопходни за успешна ресоцијализација и инклузија во семејството и пошироката заедница. Неопходна е дополнителна поддршка на детето – штитеник и неговото потесно семејство во градење на нивните односи и клима на меѓусебна поддршка. Дополнително потребно е и едукација и мотивација за службените лица во Одделението за стручно-инструкторски работи и доопремување на алатот за работа во работилницата. Со работното остручување се јакнат вештините за вработување и социјална инклузија на оваа група на маргинализирани лица по завршување на мерката.
ЦЕЛИ И РЕЗУЛТАТИ
Општа цел: Придонес кон намалување на рецидивизмот кај деца во постпеналниот период.
Специфична цел:
Зајакнување на компетенциите на децата и професионалците во ВПД Тетово за постпенална реинтеграција на штитениците во заедницата.
РЕЗУЛТАТИ
- Развиени вештини кај децата за пенална рехабилитација и инклузија во заедницата во период по завршување на мерката
- Реализирана поддршка на службените лица од Одделението за третман на децата и затворската полиција и одделението за стручно – инструкторски работи при спроведување на рехабилитацијата на децата
АКТИВНОСТИ
- Реализација на 4 едукативни работилници со децата за меки и животно-практични вештини и вештини за вработливост
- Поддршка на процесот на остручување на децата за занимања преку набавка на машини, опрема и алат во просториите за практично работно усовршување и стекнување занимање
- Подготовка и организирање на циклус обуки за сите 38 вработени во ВПД Тетово
- Спроведување на две тренинг сесии за комуникациски вештини, стратегии и техники во работа со деца во ризик за сите службени лица
- Реализација на две тренинг сесии за тимско работење и воспоставување на унифициран пристап во работа со деца во ризик за сите службени лица
- Спроведување средби со биолошките семејства на децата и 18 деца сместени во ВПД Тетово
- Мапирање на потребите на 18 семејства за поддршка на децата во период на рехабилитација